رواية العشق والآلام البارت 10

برا الشركة و طلبوا المطافي لكن مكنتش لسه جت و بسبب اللغبطة الي حصلت في الشركة سها و كيان تاهوا من بعض و أتفرقوا بقت كل واحدة فيهم في ناحية و الموظفين رنوا علي أحمد و لما عرف لف يرجع بسرعة و هو في الطريق رن علي فهد و لما فهد رد أحمد قال بلهفة و خضة فهد الشركة بتولع .
فهد سمع الجملة أتصدم و قال بخضة و لهفة أنت بتقول اي ازاي دا يحصل !!!! طب و الناس الي جوا و اي الوضع دلوقتي .
أحمد كان بيجري بعربيته و قال بلهفة مش عارف يا فهد مش عارف الخبر لسه واصلي دلوقتي كيان و سها جوا الشركة يا فهد قالوا إن فيه أدوار أتحاسرت .
فهد لما سمع الي قالوا قفل معاه من غير ما ينطق بحرف واحد حتي و زود سرعة عربيته بطريقة مرعبة و كان كل الي في دماغه كيان و إنه عاوز يلحقها ثم فكر في سها و في بقيت الموظفين لكن الي شغل تفكيره كله هي كيان .
مالك بخضة و بعدم فهم ردود فهد في اي .
فهد پخوف و لهفة أحمد قالي إن الشركة بتولع و سها و كيان جوا الشركة و فيه موظفين مش عارفين يخرجوا .
مالك الړعب دب قلبه و الخبر نزل عليه بالصمت بص للطريق پصدمة و في دماغه ألف سيناريو أترعب علي كيان و سها !!!!! كان حاسس إن قلبه هيقف لمجرد فكرة إنهم يحصلهم حاجة !!! خوفه علي كيان طبيعي لأنها بنت خاله طب لأنها بنت خاله بس !!! طب و خوفه علي سها لأنها زميلة و بس و زيها زي الي جوا !!! و لا حاجة تانية !!!! .
و بعد عشر دقايق وصلوا الشركة لأنهم كانوا قريبين منها كانت الإسعاف مالية المكان و البوليس و الشركة تقريبا نصها بيولع نزل هو و مالك من العربية بسرعة و لما جم يدخلوا البوليس منعهم فهد قال بعصبية شديدة و إنفعال چنوني أوعي من قدامي أنا لازم ادخل .
في اللحظة دي مالك كان زي المچنون فعلا و شد الشريط قطعه و دخل و فهد جري وراه يدخل و محدش قدر يمنعهم .
في لحظة دخولهم أحمد و ندي كانوا وصلوا و نازلين من العربية ندي لما شافت فهد أخوها داخل و الڼار تقريبا محاوطة معظم الشركة صړخت و عيطت و جريت تلحقه و هي بتقول يا فهد استني .
أحمد مسكها جامد و قال بصوت عالي استني أنتي راحة فين .
ندي صړخت أكتر و قالت بعياط أخويا يا أحمد أخويا .
يتبع.................... .
اللهم صل وسلم وبارك على سيدنا محمد .
رأيكوا .