رواية صدفة سعيدة البارت الرابع 4بقلم حنين عادل
رقمها لما عرف من سوزي هانم صديقة والدته أنها بتدور علي شغل وعرض عليها انها تشتغل معاه واتطورت علاقتهم اكتر وصارحته باعجابها بيه وصارحها بحبه ..
بتقعد علي الكنبة وبتفتكر لحظات لما طلب منها الجواز ..
flash_back
نعمة بتكون لابسة فستان احمر وسايبه شعرها الحرير علي ضهرها ..
بيكون مغمي عينيها وبيمسك ايديها وبتمشي معاه ..
امير أميرك هايخطفك يا سمو الأميرة
نعمة ونعيش في قصر بعيد عن عيون الناس
امير ونعيش في سعادة للأبد
ضحكت نعمة فرفع شعرها وباسها في رقبتها ..
نعمة أمير ! بس كده انا ....
بيضحك أيده علي بوقها هششش وبيلبسها عقد الماس وبيشيل من علي عينيها القماشة وبتكون واقفة قدام مراية كبيرة ..
بتبص بانبهار عليها وبتكون فرحانة وبتحضنه ...
بتبتسم وبتهز راسها موافقة .
امير موافقة تحبيني دائما وابدا
نعمة موافقة ..
امير موافقة تعيشي معايا كل لحظاتي وحياتي وماتسيبنيش ابدا
نعمة موافقة ..انت موافق تسامحني وتغفر لي اي حاجة عملتها في الماضي
امير حياتك قبلي مش عاوز اعرف عنها أي حاجة مايهمنيش غير دلوقتي مايهمنيش غير من وقت ما تبقي علي اسم امير الحملي
بتشوف نعمة رسالة علي تليفونها وبتفتحها بتلاقي
سمو الأميرة أميرة قلبي وحشتيني
بترد وهي مبتسمة
سمو الأمير الأمير الذي تربع علي عرش قلبي ماتشوفش وحش
بيبعت ايموجي بيضحك
بقا كده طيب
بتتنهد نعمة
هابدأ حياتي علي غش ازاي وهو لو عرف هايسامحني ولا مش هايطيق يبص في وشي في حد يقبل أن مراته تبقي ڼصابة ...
طب فرضا ماقولتلوش لو اتجوزته مش عشان كتب الكتاب هايكون عاوز بطاقتي ..
الحكومة هاتجيبني كده طب وكلامي عن بابا أن راجل اعمال وكده وسيرته اللي لما بتتفتح بحاول اقفلها بحجة اني بعيط لو عرف اسمه وفكر يدور أو يعرف عنه أي حاجة ...
انتي فاكرة الدنيا سهلة يا نعمة شكل كسرك لقلب جابر ذنب كبير وانتي اللي قلبك هايتكسر وداين تدان بس بالسرعة دي !
بس يفيد بايه الندم دلوقتي لازم تفكري كويس يا نعمة قبل اي حاجة لازم وافتكري أنه قالك أن الكدب اكتر حاجة بيكرها في حياته !
يارب ۏجع قلبي عندك دواه يارب انا عارفه اني مستاهلش بس خليك معايا يارب ..
لحد ما قامت وجابت تليفونها وبدأت تكتب في رسالة ...
سمو الأمير أميري وحبيبي وأحلي حاجة حصلت لي في حياتي اتمني من كل قلبي تسامحني علي اللي هاحكيه ده
انا ماعنديش الجرآة اني اقوله في وجودك
