رواية موضوع عائلي الجزء الثاني البارت 9بقلم رحاب القاضي
في عز البرد بنام في الشارع..
هناء پحده
ابوك السبب علي فكره..
ابتسم يونس وقال
انا مش قصدي الومك بس والله كنت بتخيل نفسي نايم في حضنك عشان اقدر انام يا ماما هناء..
هناء بدموع وحزن
روح غير هدومك واجهز وانا هكون جهزتلك الفطار عشان قبل ما تروح شغلك هتعدي تاخد ولادك من عند. شهد توصلهم المدرسه انا كلمتها وقولتلها..
بس انا مش فاضي ولازم اروح الشركه..
هناء بسخريه
بس انت لازم تعمل واجبك معاهم علي الاقل عشان ما يتخيلوش وجودك وانت غايب عنهم..
يونس
طيب عايز قهوه علي الفطار مش شاي..
هناء
هو انا الشغاله بتاعت اللي جابك وبعدين لا طبعا القهوه وحشه علي الفطار عملالك لبن..
يونس
شيفاني قطه قدامك يا حجه انا عايز قهوه بصي هعملها لنفسي..
انا اللي اعمله يتاكل ويتشرب وانت حاطط جزمه في بوز ابوك..
يونس بغيظ
هو انتي ايه اللي جابك في وشي اصلا..
هناء
هو انا ما قولتلكش انا ناويه اقعد معاك لحد ما اروح لابوك..
وقالت بضيق
لا لا ابوك تلاقيه بشيش مع ابو لهب انما انا ان شاء الله هدخل الجنه..
_وفعلا يونس سمع كلامها وراح جهز وشرب اللبن وراح بيت شهد عشان ياخد ولاده يوصلهم المدرسه..
يونس
مش هتيجي تسلم علي بابا وتحضنه يا يزن..
مسك يزن شهد اكتر وقاله
لا انا عايز اا اا اروح مم مع ماما....
شهد قعدت قدامه علي الارض وقالتله
مش احنا اتفقنا انك تروح مع بابا عشان هو ما يزعلش..
يروح مع يوسف انا عع عايزك انتي..
يونس بجمود
اطلعي اجهزي يا شهد بسرعه عشان نوصلهم سوا..
شهد بجديه
خلاص روح انت مع يوسف وانا هبعت يزن مع ايتن جارتنا هنا هي في نفس المدرسه معاه بس في الثانويه..
يونس قرب منها وقال بهدوء
معلش بس انا عايزه يجي معايا..
_ اتنهدت شهد بضيق وطلعت فوق عشان تجهز وتنزل ويونس اخد ولاده معاه العربيه وقال ليزن..
هي مايا لسه في الحضانه يا يزن..
يوسف رد عليه وقال
قصدك ميس مايا الحلوه..
بصله يونس بغيظ
بس يا حبيبي عيب وما فيش احلي من امك ها يا يزن ما رديتش عليا..
يزن بضيق
لا مم ما بقتش تيجي..
يونس
طيب كويس..
_نزلت شهد وكانت هتركب جنب ولادها بس يوسف قالها برجاء..
يوسف
عشان خاطري يا ماما اقعدي جنب بابا زي بابا وماما بتوع صحابنا..
يوسف
اي خدمه بقي يا كبير..
يونس ضحك وقاله
بس يا لمض اقعد جنب اخوك..
_ فضل يوسف يضحك ويزن بصلهم بحزن وفضل قااعد ساكت وبعد شويه وصلو المدرسه ويزن باس شهد ونزل ويوسف باس يونس وحضنه وقال..
يوسف
انت هتخلينا نرجع البيت تاني امتي با بابا انا مش عايز اقعد في بيت خالو..
يونس بص لشهد بضيق ورد عليه وقاله
هخلص شغل مهم عندي وهاجي اخدكم يلا بقي انزل عشان ما تسيبش اخوك لوحده ولو ميس مايان دي رجعت المدرسه ابقي قولي تمام..
بصتله شهد پحده ويوسف قاله
حاضر سلام يا شوشو..
نزل يوسف وشهد قالت پحده
ممكن تخلي ولادي بعيد عن القرف ده..
يونس بهدوء
انتي مش فاهمه حاجه يا شهد فاسكتي..
شهد بسخريه
بالعكس انا بقيت فاهمه كل حاجه كويس..
جات تنزل بس هو مسك ايدها وقالها بهدوء
والله العظيم وحشتيني عارف ان ما ينفعش دلوقتي بس انا من غيرك ولا حاجه يا شهد..
سحبت ايدها منه وقالت پحده
بطل كدب عشان ما تقلش من نظري اكتر من كده..
قالت كلامها ونزلت من العربيه
