رواية موضوع عائلي الجزء الثاني البارت 9بقلم رحاب القاضي

والمكان كان فعلا شكله مخيف حاولت تكلم عمار لان ما كانش قدامها غيره بس الشبكه ما كانتش موجوده بسبب الجو اللي قلب ده وبدون تردد منها فتحت باب التاكسي ونطت منه وكانت الارض كلها مايه بسبب المطره وهدومها كلها باظت وكمان شعرها..
_ قامت واتفاجئت بالسواق بيرجع بالتاكسي لورا فضلت تجري بسرعه وهي ماسكه ايدها اللي كانت بتنذف وبعدين دخلت في مكان كله زرع واراضي زراعيه وراحت قعدت عند شجره بعيده وهي بټعيط وخاېفه وكان في صوت كلاب حواليها من كل ناحيه...
_ وبعد شويه عند عمار كان هيتجنن وهو بيحاول يوصل لمكانها او يطمن هي في المطار او فين وفارس معاه وقاله بسخريه..
فارس
يا عم انت شاغل بالك بيها ليه تلاقيها نزلت في اي كافتريا علي الطريق وقاعده هناك..
عمار بضيق
البنت جايه معايا وامها عارفه يعني لو حصلها حاجه في وشي وهي مش هتعرف تتصرف لوحدها..
فارس بخبث
هو الموضوع انك خاېف عليها عشان امها وبس ولا في حاجه تاني..
عمار بجمود وثبات 
ايوه في البنت دي حبيبتي وقريب اووي هتبقي مراتي...
فارس 
طيب مش تقول كده من الاول مبروك يا صاحبي..
عمار بضيق
بجد مش وقته انا لازم دلوقتي اعرف هي فين..
_قرب منه في الوقت ده علاء موظف الاستقبال وقاله..
علاء
عمار بيه سواق التاكسي اللي الانسه جميله مشيت معاه رجع بره لوحده اهو..
عمار بلهفه 
طيب تعالي معايا وريهولي بسرعه..
_وطلع عمار بره بسرعه ومعاه فارس وعلاء اللي شاورله علي السواق وراحله عمار وقاله..
عمار
يا كابتن البنت اللي ركبت معاك من شويه وصلتها فين..
بصلهم السواق بقلق وقال
ااا مم ما حدش ركب معايا من هنا..
علاء پحده 
يا ابني البنت اللي كانت لابسه فستان اسود انا شوفتها بعينيا وهي بتطلع معاك..
السواق بتوتر
مم ما حصلش..
مسكه عمار من هدومه وقال بعصبيه
انطق يالا وديتها فين..
فارس 
احسنلك تقول وديتها فين ده عمار المنشاوي مدير الاوتيل واللي كانت معاك دي خطيبته..
خاف السواق وقال
والله العظيم يا باشا هي خاڤت من الطريق ونطت من العربيه انا حاولت ادور عليها بس اختفت ومالقتهاش..
اتنفض قلب عمار پخوف كبير عليها 
الطريق ده فين بالظبط..
السواق 
بعد طريق الاوتيل بالظبط بس الطريق المقفول..
عمار بعصبيه 
بقي هي اللي كانت خاېفه من الطريق يا ابن ال..
فارس بقلق
خلاص يا عمار عشان الناااس..
عمار
خلي الواد ده معاك ما تسيبوش غير لما ارجع..
فارس
طيب اجي معاك طيب..
_ ما ردش عليه عمار وبسرعه اخد عربيته وراح المكان اللي قاله علي السواق وكان طريق طويل بس اخره مقفول فضل ماشي بالعربيه لاخره ومالقهااش برضو فنزل من العربيه وفتح كشاف موبيله وفضل يدور عليها في الطرق الجانبيه اللي في الطريق وكان فيهم طريق زراعي مشي فيه وفضل ينادي عليها وبرضو ما عرفش يلاقيها وكان لسه هيمشي بس سمع صوت خطوات ورااه بص وراه بسرعه ولقاها هي ابتسم بتنهده وقالها..
عمار
وقعتي قلبي عليكي منك لله..
_ كانت بتبصله بدموع وهي حاطنه نفسها وجسمها كله بيتنفض من البرد وفجأه وقعت علي الارض فاقده الوعي جري عليها عمار بسرعه وقالها بدموع..
عمار پخوف حقيقي
جميله ردي عليا انا اسف اني سيبتك والله ما هسيبك لوحدك تاني جميله..
_ وشالها بسرعه واخدها بعربيته ووداها المستشفي..
بقلم_الكاتبه_رحاب_القاضي 
_ وتاني يوم الصبح.. 
فتحت هناء باب البيت بتاع يونس ولقيته نايم علي السلم بتاع البيت بصتله بحزن وقعدت جنبيه علي الارض وقالتله..
هناء 
يونس قوم يا ابني يلاا..
يونس فتح عيونه وقام وقال
فيكي الخير والله انك هتخليني ادخل اجهز وافطر في بيتي..
هناء بضيق
ضهرك وجعك من نومة الارض مش كده..
قام يونس وقالها بسخريه
لا عادي انا لما كان عندي عشر سنين كنت