رواية خېانة زوج كامله

بهدوء 
معلش ي مصطفي ربنا يقدملك الاحسن..
حضنها جامد وقالها بفرحه كبيره 
اتقابلت ي منار واخيرا هشتغل والدنيا هترجع زي الاول معانا..
بعدت عنه منار وقالته بغيظ 
بقي كده ي رخم بتضحك عليا...
ضحك ورد عليها 
بهزر معاكي منار متبقيش قفوشه كده بقي...
منار بحماس 
المهم احكيلي الشغل هيكون اي واي نظامه..
ادايق مصطفي ورد عليها  
بصراحه هو مش احسن حاجه وانا لولا الظروف دي اللي احنا فيها مكونتش وافقت اشتغل هناك...
قلقت منار وسالته 
لي كده بس هو الشغل اي بالظبط...
اتنهد مصطفي ورد عليها 
هبقي مندوب مبعات هروح كل اسبوع محافظه يعني تلات ايام هنا فالشركه وتلاته فالمحافظه اللي هكون فيها..
منار بحزن 
لا والله بقي هتبات بره البيت تلات ايام بحالهم ي مصطفي...
رد عليها مصطفي بهدوء 
معلش ي حبيبتي وبرضو هفضل ادور ع شغل في مكان احسن من كده وان شاء الله هلاقي وهسيب الشغل ده وهقعد معاكي ع طول..
منار بحزن 
خير ان شاء الله ي مصطفي انا المهم عندي انك تكون مرتاح ي حبيبي...
مصطفي بحماس 
طيب اي رئيك بقي ننزل نتعشي بره النهارده..
منار بسخريه 
لا والله هنضيع القرشين اللي معانا في الاكل بره واحنا اول الشهر وانت لسه هتقبض الشهر الجاي...
مصطفي بغيظ 
طيب انا عايز تغير بقي النهارده وحاجه جديده نحتفل بيها...
ضحكت منار وقالتله 
هههههه بس كده انت تؤمر ي حبيبي ساعه بالظبط وهعملك احلي كيكه بالشكولاته عشان نحتفل..
مصطفي بهدوء 
ربنا يخليكي ليا وما يحرمنيش منك ابدا ي حبيبتي...
بعد كام شهر كان مصطفي شغال في الشركه الجديده اللي قدملها ورغم ان الشغل صعب الا انه اتحمل عشان مفيش قدامه غيره وكانت منار في البيت بتحاول توفر ع قد متقدر عشان متقلش عليه في المصاريف..
وفي يوم دخل مصطفي وكان مدايق جدا فخاڤت منار ل تكون في مشكله معاه في الشغل وراحتله بسرعه وسألته...
منار بقلق 
خير ي مصطفي مالك ي حبيبي..
مصطفي بدموع 
مزنوق اووي ي منار في مبلغ كبير...
منار بقلق 
ازاي بس فهمني...
رد عليها بحزن 
وقت لما مكنتش بشتغل استلفت فلوس من واحد صاحبي وهو دلوقتي عايزهم...
منار پخوف 
انت ازاي تعمل كده ي مصطفي طيب المبلغ ده 
اد اي
مصطفي بتوتر 
مبلغ كبير ي منار انا كنت بفكر اخده من باباكي و...
منار پحده 
لا طبعا مستحيل...
 
بقلم_الكاتبه_رحاب_القاضي
خيانة_زوج
_الحلقه الثانيه
منار پحده 
لا طبعا مستحيل...
مصطفي بدموع 
عشان خاطري ي منار انا كده هروح في داهيه...
منار بضيق 
وانا اعمل اي بس مقدرش اروح واخد من بابا فلوس...
مصطفي 
طيب اعمل اي انا دلوقتي ده في وصولات امانه ماضي عليها ل صاحبي ده...
منار پبكاء 
ي نهار اسود ي مصطفي لي بس كده...
مصطفي 
اهو اللي حصل بقي وقتها اعمل اي بس دلوقتي..
ردت عليه منار 
طيب ما تشوف مامتك استلف منها المبلغ ده...
مصطفي بسخريه 
ماما اي بس ده اخدت منها فلوس كتير ومليش عين اطلب منها حاجه تاني..
اتعصبت منار وقالتله 
وانت مكنتش بتقولي لي انك بتستلف من صحابك واهلك...
رد عليها مصطفى بحزن 
مكنتش عايز اشيلك الهم معايا...
منار بسخريه 
ع اساس اني مشلتوش دلوقتي يعني بس يمكن وقتها لو كنت قولتلي كنا لقينا حل...
قعد مصطفي جنبها وفضل يعيط زي العيل الصغير وقالها بحزن..
مصطفي 
انا تعبت ي منار تعبت ومش عارف اعمل اي ومليش غيرك دلوقتي تساعديني...
منار بضيق 
طيب اهدي ي حبيبي وانا .... ي مصطفي انا ممقدرش اخد فلوس من بابا وهو ظروفه ع قده...
رد عليها مصطفي بسرعه 
اا انا هردهم ليه في اقرب وقت ي حبيبتي..
منار 
لا ي مصطفي ندور ع حل تاني شكلنا هيبقي اي قدام اهلي وانا بستلف منهم فلوس...
مصطفي بتوتر 
طيب انا عندي حل تاني بس...
منار بلهفه 
قول ي مصطفي خير ان شااء الله...
مصطفي پبكاء 
الشبكه و والله هجيبهالك تاني بس انتي شايفه الظروف...
منار بهدوء 
تصدق انا كنت ناسيه ان معايا الشبكه من عينيا هدخل اجيبهالك...
مصطفي پبكاء 
حقك عليا ي حبيبتي والله هجيبلك غيرها قريب...
ابتسمت ليه منار وردت عليه وهي مش زعلانه 
لا ي حبيبي المهم انك تبقي بخير وبعدين الشبكه دي كانت الهديه بتاعتك ليا قبل متجوز ومتغلاش عليك...
حضنها مصطفي وقالها 
ربنا ما يحرمني منك انتي جدعه اووي وبنت اصول ي منار...