رواية خېانة زوج كامله
وقامت منار وجابتله الشبكه وهو اخدها ومشي عشان يبيعها ويسدد الفلوس اللي عليه...
وبعد كام يوم كانت حمات منار عندها و كانو قاعدين في المطبخ وبيجهزو الغدا مع بعض...
ام مصطفي
بقولك اي ي منار هو مفيش حاجه جايه في السكه تفرحنا...
اتنهدت منار وعملت نفسها مش فاهمه وسالتها
لسه ي طنط بدري ع العيد الصغير ده فاضل يجي تلات شهور ع رمضان...
ههههههه ي بنتي عيد اي انا قصدي ان مفيش حمل قريب انا نفسي اشيل ولاد مصطفي قبل مروح واقابل وجه كريم...
منار بهدوء
بعد الشړ عليكي يطنط ربنا يديكي طولت العمر بس لسه بدري شويه ع الموضوع ده...
لوت ام مصطفي بوقها بضيق وقالت
بدري من عمرك ي بنتي ده انتو بقالكم سنه متجوزين اوعي ي منار تكوني بتاخدي حبوب منع الحمل ازعل منك...
لا ي طنط والله مش باخد حاجه بس لسه ربنا ما ارادش...
ام مصطفي بقلق
طيب ي بنتي ما دي حاجه تقلق متاخدي جوزك وترحو لدكتور تطمنو...
منار
مش وقته ي طنط والله...
ام مصطفي بعصبيه
اومال امتي وقته بس ي منار اما تكبري وسنانك تقع وتعجزي...
ادايقت منار ومردتش عليها وبان عليها انها زعلت ف قامت ام مصطفي وقربت منها وطبطبت ع كتفها وقالت...
حقك عليا ي منار متزعليش انا مش قصدي ي بنتي بس عايزه افرح بيكم وبعيالكم..
ردت عليها منار بهدوء
ربنا يسهل ي طنط...
ام مصطفي بحماس _
يعني لما هيجي مصطفي هتاخديه وتروحو للدكتور تطمنو..
اتنهدت منار وردت عليها
ان شاء الله ي طنط...
_بعد شويه جه مصطفي وجهزو الغدا وقعدو يتغدو مع بعض و كان مصطفي هادي جدا ومبسوط...
بقولك اي ي مصطفي منار هتاخدك وتروحو للدكتور..
قلق مصطفي وسالهم _
خير ي جماعه في اي انتي تعبانه ولا اي ي منار...
اتنهدت منار وسكتت ومردتش وكانت مدايقه ان حماتها اتدخلت في موضوع خاص بينها وبين جوزها...
ام مصطفي بهدوء
متقلقش مراتك كويسه ي حبيبي بس تاخدها وتروحو لدكتور نسا تطمنو ع موضوع الخلفه اللي اتاخرت دي...
بس احنا متأخرناش في الخلفه ولا حاجه ي ماما احنا يدوب لينا سنه متجوزين...
ام مصطفي بعصبيه
والمفروض كان بقي معاكم عيل دلوقتي لي مجاش بقي انا من رأيي تروحو للدكتور وتطمنو عشان لو كانت في مشكله تلحقوها من بدري بدري...
مصطفي پحده
ربنا ميجبش مشاكل ي ماما لسه بدري شويه..
ام مصطفي پحده
اتعصب مفي وقام وزعق
يوووه ي ماما انا مش عايز اخلف دلوقتي ظروفي متسمحش اجيب عيل ومصاريف وزفت...
وفغت ام مصطفي وزعقت هي كمان
قول كده بقي ده مش كلامك انت ده كلام الست هانم مراتك هي اللي ماليه دماغك في الموضوع ده..
منار بحزن _
انا ي طنط برضو ربنا يسامحك...
اخدت ام مصطفي شنطتها وخرجت بره البيت وهي مدايقه...
منار بضيق _
ي مصطفي روح وراها وصلها طيب متسيبهاش تمشي زعلانه...
مصطفي بعصبيه
يووه بقي انتي كمان اسكتي انا مش ناقص ۏجع دماغ..
قعدت منار مدايقه ان حماتها مشيت زعلانه وبعدين افتكرت كلام مصطفي وعصبيته لما جات سيرة الاطفال وقلقت من سبب رفضه...
_ وتاني يوم جابت منار هديه صغيره وراحت ل حماتها عشان تصالحها...
ام مصطفي بحزن
بقي كده ي منار امشي من عندكم زعلانه و مصطفي ميهونش عليه ينزل حتي يراضيني بكلمتين هو انا يعني لما بتكلم ع الخلفه مش عشانكم وعشان خاېفه عليكم...
ردت عليها منار بهدوء
حقك عليا ي طنط متزعليش بس مصطفي كان مدايق ومتعصب من الشغل الجديد ده بيتعب اووي ي طنط والله فيه...
ام مصطفي پبكاء
هو تعبان من الشغل يزعل امه ويزعق فيها ويسيبها تروح لوحدها زعلانه...
منار بهدوء
معاكي حق هو غلطان بس هيجي يعتذرلك ويصالحك هو ليه مين غيرك ي طنط المهم ممكن بقي تقومي تغيري هدومك عشان نروح للدكتور انا وانتي سوا...
فرحت ام مصطفي اووي وقالتلها
بجد ي منار هتروحي للدكتور..
ابتسمت منار وردت عليها
رغم اني مش مستعجله ع الموضوع ده بس عشان خاطرك انتي ومتزعليش هنروح نطمن..
حضنتها ام مصطفي وقالت
