رواية خېانة زوج كامله
ربنا يجبر بخاطرك ويفرح قلبك ويبعد عنك ولاد الحړام...
قامت ام مصطفي وقالتلها وهي مبسوطه جدا
خمس دقايق هجهز واجيلك وانا اللي هدفع تمن الكشف وكل حاجه وان شاء الله خير...
خلصت منار مشوار الدكتور مع حماتها وجابت شوية حاجات ل البيت وروحت و لقيت مصطفي رجع وبيتكلم في الموبيل واول ما شافها قفل الموبيل بسرعه..
كنت بتكلم مين ي مصطفي..
رد عليها مصطفي ب توتر
ده الشغل انتي كنتي فين بقي ان شاء الله..
ردت عليه وهي بتقعد جنبه
مانا بعتلك رساله ع الوتساب وقولتلك اني رايحه لطنط...
مصطفي
طيب وهي عامله اي دلوقتي لسه زعلانه..
منار بخبث
مني لا انا عرفت اصالحها الدور والباقي عليك شوف بقي هتصالحها ازاي عشان هي زعلانه منك جدا لما سيبتها تنزل زعلانه...
هههه طيب ي ستي انتي بقي صالحتيها ازاي قوليلي عشان اتعلم منك...
ردت عليه منار بهدوء
ااا اخدتها وروحنا للدكتور..
ادايق مصطفي وسألها
دكتور اي بقي ان شاء الله...
منار بقلق
دكتور نسا اخدتها ورحنا اطمنا عشان متزعلش...
وقف مصطفي وزعق فيها
انتي ازاي تعملي كده هو مش انا قولت لاااا...
واي المشكله ما انا لو مرحتش دلوقتي اكيد هروح بعدين ف بدل ما نزعل طنط مننا قولت اروح دلوقتي...
مصطفي بعصبيه
وانا قولت مش عايز عيال دلوقتي كلامي مش بيتنفذ لي ي منار....
اتعصبت منار و وقفت وردت عليه
هو اي اللي مش عايز عيال دلوقتي انا لو كنت ساكته ومش مستجله كنت بقول تيجي وقت متيجي انما انا برضو عايزه ابقي ام ويبقي عندي بيبي...
مش وقته ي منار لسه العمر قدامنا...
منار بهدوء
والله وقته مش وقته دي حاجه بايد ربنا انا الدكتور قالي ان معنديش اي مشاكل...
مصطفي بضيق
يعني اي ان شاء الله...
منار ببرود
يعني انا مش هاخد حبوب منع حمل ولا اي حاجه واللي عايزه ربنا يكون ان شاء الله وظروفنا بدات تتحسن يعني مفيش سبب اني اجل موضوع الخلفه...
براحتك ي منار دي بقيت عيشه تقرف وتخنق...
استغربت منار سبب رفضه ل موضوع الخلفه بس فسرتها انه رافض بسبب المصاريف...
وبعد كام يوم كانت منار بتجهز في العشا وجه مصطفي ووقف يتكلم معاها وفضلو يضحكو ويهزرو..
منار
مزاجك رايق اووي انت النهارده...
مصطفي
طبعا عشان متجوز وحده زي القمر زيك كده...
هههههه طيب خد الاطباق دي حطها بره ع السفره لحد مجيب باقي الاكل...
مصطفي بغيظ
لا ع فكره انتي فهمتي غلط انا بقول كلام حلو بس انما اساعدك والجو ده انسي ي ماما...
منار بخبث
طيب هتطلع الاطباق ي مصطفي ولا تحب تبات ع الكنبه في الصاله النهارده..
ضحك مصطفي اووي ورد عليها
لا طبعا ي باشا هطلع الاطباق انتي تؤمري...
ضحكو هما الاتنين وجهزو الاكل سوا وقعدو يتعشو وبعيد بصلها مصطفي وسالها...
مصطفي
قوليلي ي منار هي الشبكه كانت مكتوبه في القايمه...
منار بهدوء ردت عليه
لا ي حبيبي بابا مكتبهاش في القايمه القايمه مش مكتوب فيها غير جهازي وبس...
مصطفي بجديه _
لا لا لا انا فاكر انها كانت مكتوبه في القايمه..
منار بقلق
مش عارفه يمكن بابا غيرها قبل الفرح بس انا سمعته مره قال ل ماما ان القايمه فيها الجهاز بس...
مصطفي بهدوء
لا الموضوع ده محيرني وانا عايز اتاكد...
منار بقلق
محيرك في اي بس ي مصطفي وبعدين مكتوبه ولا مش مكتوبه هتفرق في اي...
رد عليها مصطفي بهدوء
لا تفرق طبعا ي حبيبتي انا اخدت منك الشبكه و بعتها و لو مكانتش مكتوبه في القايمه لازم نسجلها...
منار بهدوء
ي حبيبي انا لا عايزه شبكه ولا قايمه كفايه اننا مع بعض..
مصطفي
لا لو سمحتي ي منار اسمعي كلامي..
منار بضيق
انت عايز اي طيب ي مصطفي...
رد عليها مصطفي وسألها
هي القايمه عند مامتك صح..
ردت عليه منار
ايوه ي مصطفي عند ماما ممكن اخليها تصورها ليا ب الفون ونتاكد..
رد عليها مصطفي بسرعه وقال
لا لا لا انتي تروحي بكره تسلمي عليها وتجبيها منها وانا هوديها للمحامي يغيريها ويكتب الشبكه فيها...
منار بضيق
و الله ي مصطفي ما ليه لازمه كل ده ي
