رواية صاحب مفتاح الشقة (العهد)الجزء الثاني البارت 5-6بقلم عمرو راشد
هتشوفيه لما نكون مع بعض
امتى طيب
لما ييجي الوقت المناسب يلا دلوقتي اطلعي ومتنسيش تنفذي مع خالد اللي قولت عليه
من احدى الطرق اللي بيدخل بيها الشيطان ليك هي قلبك وعقلك غادة بنت لسة صغيرة فعلا لكن عقلها مش صغير وواعي كويس جدا و دا طبعا بسبب اختلاف الأجيال غادة بنت وحيدة ملهاش اخوات ولو حد سمع كدا هيقول انها هتكون متدلعة بس دل محصلش بسبب ابوها استاذ سليمان الراجل صاحب القيم والمبادئ اللي قرر يعاملها كأنها ولد من خوفه عليها كان بيمحي جواها اي احساس بالانوثة مفيش خروج ومفيش دروس برا ومفيش حاجة اسمها صحاب كل شئ تقريبا كان ممنوع عنها لحد ما جات 3 ثانوي والبنت كانت لازم تخرج عشان تاخد دروس وخرجت بالفعل وقابلت خالد وهو الوحيد اللي حسسها بالانوثة ثقتها رجعت في نفسها مع اول كلمة حلوة قالها ليها وعشان كدا وافقت بسهولة على ورقة الجواز العرفي انا كمان كان لازم استغل دا ل صالحي اني اعرف احتوي غادة و اسيطر على قلبها بنفس طريقة خالد كلمة حلوة و وعد بالزواج بس المرادي مش زواج من شخص عادي دا من مولانا المهدي صاحب المفتاح اعتقد بعدها هي هتكون تحت سيطرتي بشكل كامل في اليوم دا دخلت نمت مصحتش غير تاني يوم الساعة 2 الضهر صحيت على صوت الباب وهو بيخبط فتحت ولقيته..
انا قلقت عليك يا مولانا بعد اللي حصل امبارح وكنت جاي اطمن عليك
اطمن انا كويس
ممكن اسأل سؤال ولا هتزعل مني
الناس دي كانت خارجة عن الدين وانا كنت بحاول اهديهم لله بس هما رفضو و عملت اللي هما عملوه
عرفت منين اني هسأل عليهم
انا اعرف كل اللي جواك يا ياسر وعارف انت جاي هنا ليه دلوقتي
اخوك حالته بتسوء يا ياسر هو لسة كان معايا في الحلم وعرفت دا الحلم كان صعب جدا وجاتلي الاوامر اللي المفروض ابلغك بيها
ايه هي يا سيدنا
انت بعد ما انقذتني امبارح اتكتب ليك درجة أعلى في الجنة يا ياسر بس في نفس الوقت اتعمل مقارنة بين الجنة و اخوك تفتكر انت ممكن تختار مين يا ياسر
اخوك بيحقد عليك عشان المكانة اللي انت فيها دلوقتي كان نفسه هو اللي يكون مكانك وعشان كدا ربنا مش راضي عليه وبدل ما كان بيتحسن هترجع حالته زي ما كانت واسوء
اخويا انا
صدقني يا ياسر انا شوفت اخوك في الحلم والسواد مالي قلبه وعنيه من ناحيتك كل اللي هو بيفكر فيه انه يكون مكانك بأي شكل انا عشان كدا عايز احذرك منه ياريت متتكلمش معاه كتير ولا تحكيله عن اي شئ بيحصل معاك
لازم كل حاجة تكون على طبيعتها عشان ميحسش بحاجة
يعني اقعد معاه
وتاخد الحذر منه
وهو هيحصل معاه ايه
لو كمل في طريقه ساعتها حالته هتسوء اكتر وھيموت اما لو فاق واتعدل الجنة هتكون من نصيبه
ياريت يا مولانا ياريت يتعدل عن الطريق دا
انت شخص صالح يا ياسر ياريت اخوك كان زيك
عموما أنا حابب ابلغك اني هغيب شوية عن المكان هنا
هتروح فين يا مولانا
هكمل الدعوة اللي بدأتها
طب انا جاي معاك
والناس اللي هنا مين
