رواية صاحب مفتاح الشقة (العهد)الجزء الثاني البارت 5-6بقلم عمرو راشد
هيكون معاها الشيطان بيدخل للبني آدم اسرع من الهوا يعني في ثانية هتلاقيهم ضدك لازم تكون معاهم وتمنع عنهم الشيطان لازم ولائهم يكون ليك انت وبس
بس خروجك لوحدك دا خطړ عليك يا مولانا
انا معايا ربنا ثم انا مش اي حد انا مولانا المهدي
تروح وترجع بألف سلامة يا مولانا
كان طبيعي ان حالة نبيل اخوه تسوء ماهو ابليس مستحوذ عليها بس مكنش لسة استحواذ كامل كان لازم اضمن ياسر الاول لحد ما مكانته تزيد وسط الناس ويبدأ يحس بالفخر وهنا هييجي دوري اني اوهمه ان اخوه بيحقد عليه عشان دي بداية الاستحواذ الكامل ل ابليس وعشان لما اخوه ېموت ميستغربش وميشكش في قدراتي هيكون عارف ساعتها ان اخوه ماټ بسبب حقده بعد ما ياسر مشي من عندي دخلت خدت دش بعدها خرجت لبست هدومي ولمېت حاجتي في شنطة صغيرة ومشيت من الشقة نزلت ركبت العربية و روحت على بيت شيرين دخلت الشقة لقيتها بتنضف البيت
انا مش جاي اقعد يا شيرين انا جاي اسلم عليكي وهمشي
تمشي تروح فين
هسافر
ليه يا امجد هو في حاجة حصلت
مفيش بس لازم اسافر عشان اعرف اكمل الدعوة
طب ما تاخدني معاك
مش هينفع يا شيرين محتاج اكون لوحدي المهم عايزك تاخدي بالك من نفسك و دايما تخليكي جنب تليفونك عشان ممكن اكلمك في أي لحظة
لسة مش عارف
فتحت الشنطة ساعتها و طلعت منها مبلغ و قولتلها
امسكي دول خليهم معاكي عشان لو احتاجت منك اي حاجة تكوني جاهزة
خلي بالك من نفسك يا أمجد
قعدت معاها شوية وبعدها نزلت ركبت العربية ومشيت مكنتش عارف انا رايح فين الحقيقة ولكني كنت ماشي لحد ما بدأت اشوف أراضي زراعية على يميني وشمالي أدركت ساعتها اني دخلت وسط القرى وتحديدا وقفت عند قرية بسيطة اسمها السوالمي ركنت العربية وقبل ما انزل منها تليفوني رن
انت كل مرة بتكون حاسس كدا
أنتي بس اللي ببقا حاسس بيكي يا فاتن
واشمعنا انا
ليكي مكانة خاصة في قلبي عشان كدا دايما بحس بيكي قبل اي حد
بص انا مش عارفة انا بكلمك دلوقتي ليه بصراحة بس انا حسيت اني عايزة اكلمك
دا معناه انك بتفكري فيا
انا مش عارفة ابطل تفكير فيك
و دا شئ كويس ولا وحش
عشان دا قدرك يا فاتن قدرك اني أظهر ليكي في التوقيت دا عشان احذرك من اللي عايزين ېأذوكي
بس انا مش عارفة اتصرف
وانا ظهرت عشان انا اللي اتصرف
ازاي
لما توافقي على طلبي ساعتها انا اللي هقف ليهم وهحميكي
مفيش مشكلة دا واجب برضو بس انا اتمنى يكون اسرع من كدا عشان انا بدأت الدعوة ومحتاجك معايا
يعني ايه بدأت الدعوة
الو.. امجد انت سامعني
الشبكة قطعت نزلت من العربية ومشيت لحد ما دخلت جوا البلد أكتر بلد ساكتة تماما مفيش فيها أي صوت لحد ما قابلت شخص كان ماشي وتقريبا راجع بيته
مساء الخير متعرفش فين الوحدة الصحية اللي هنا
انت الدكتور الجديد
ايوا انا انا دكتور أمجد ممكن حضرتك تقولي هي فين
تعالى معايا
كانت غلطة عمري اني طلبت منه يوصلني
