رواية أرض الهلاك الفصل 7-8-9-10-11-12الاخيربقلم رشا منصور كامله (جميع الفصول كامله)
انت في الصفحة 1 من 13 صفحات
رواية أرض الهلاك الفصل 789101112الاخيربقلم رشا منصور كامله جميع الفصول كامله
الجزءالسابع
أرض_الهلاك
كهرمان..
بقي كدا يا رسلان تخليني اغدر ب قمرالزمان وانت ناوى تبعد عني وتعيش معاها هي ياريتني ما سمعت كلامك
سرحان.
كنت ماشي وراء رسلان وعمال أفكر في الكلام أنا اشتغلت فى القصر ده من حوالى خمس سنوات كنت مجرد حارس شخصي للأمير قبل ما ابقي دراعه اليمين وكنت بلاحظ عطف السلطان لقمان عليه وعمره ما حرمه من حاجه بالعكس ده كان بيعطيه بزيادة وحتى ملابسه كانت بتتزين بالمجوهرات يبقي ازاى يكون قتل أبوه وطمع أنه يكون سلطان
اكلت ودخلت حجرة ياسمين وجابتلي من عندها فستان شكله جميل واخيرا لقيت عطور وأدوات تجميل وجهزت وطلعت لهم
وشوفت الكل بصلي بانبهار بس لقيت نفسي بدور ع نجم الدين اللى أول ما دخل ومعاه حمدان فضل واقف يبصلي بأعجاب لدرجه حسيت بالخجل وببص لقيت ياسمين بتبص ل نجم الدين
هو أنا كنت بديكي فستاني علشان تتزوقي وتعجبي نجم الدين ماشي يا بنت السلطان هسيبك تتمتعي بالكام ساعه اللي فضلين
يلا يا جماعه عملت لكم الشاى بزهرة الياسمين هيعجبكم أوى
عفان
تعالي يا نجم الدين أنا عامل فى آخر البستان مكان علشان استقبل فيه اى حد من زبايني بعيد عن البيت انت عارف ياسمين كبرت ومينفعشي أدخل حد غريب البيت هو صحيح مش مفروش لكن ع الأقل أحسن من النوم فى الجبال واخدته ووريته المكان وعجبه وقال كويس ع الأقل نكون جنب الأميرة
نجم الدين..
متشكر اوى يا عمي بس لازم ع بكره تشوف لنا مكان لحد ما يمشي رسلان وبعدين نرجع تانى
أنا لحد دلوقتي مش عارف مين اللى دله وعرفه مكاني
عفان.
بسيطه تعالي معايا واكشفلك كل حاجه واخدت نجم الدين عند المرآيا المسحورة وقولت لها اكشفي ليا ع اللي حصل وكان وظهر لنا رسلان ومعاه سرحان والعراف عدنان وعرفنا أنه دلهم ع طريق الجبال وده معناه أنهم هيوصلوا بكره أخر النهار هنا عند البيت بصيت ل نجم الدين وقولت له لازم مع أول شروق الشمس تاخد رجالتك والاميرة وتطلع ع جبل الظلام وأول ما يمشي رسلان هبعتلك رساله مع الغراب
جبل الظلام بس دي أرض الجان ازاى هندخلها من غير استئذان
عفان.
متحملش هم حاجه هبعت معاك أحد حراس الجان. هيدخلك هناك بأمان. لحد ما نخلص من رسلان
نجم الدين.
رجعت للرجاله والاميرة وقولت لهم لازم نرتاح دلوقتى علشان مع شروق الشمس هنمشي رسلان فى الطريق وهيكون هنا بكره يلا يا أميرة خليكي مع ياسمين وحاولى تنامى علشان اليوم بكره طويل
ولقيت حمدان بيقولى مدام عارف طريق رسلان ما نرجع للسفينه ونرجع تانى الجزيرة ونسلمها للسلطان قولت له وتضمن منين عند وصولنا لحدود الجزيرة. متقومش الحړب علينا أنا نفسي أرجع هناك ومعايا رسلان علشان اكشف خيانته ونكون فى أمان
حمدان.
فوق يا نجم الدين انت معجب بالاميرة وانت عارف أنها مش لك
نجم الدين.
هى فعلا عجباني علشان كدا عاوز أوفر لها الأمان وابعد عنها رسلان افرض أنى رجعتها للسلطان تفتكر أنه هيصدقني أنا ويكدب إبن أخته رسلان
ياسمين.
أول ما سمعت نجم الدين بيطلب من الكل يرتاح علشان هيرحلوا فى الصباح خرجت بحجه إنى هجيب أكل وحاجات تنفعهم فى الطريق وروحت ل خالتي وردشان وحكيت لها كل اللى حصل وقولت لها
أنا مفر وسه من قمرالزمان علشان كدا عوزاكى تنفيها وتوديها ع أرض الجان لحد ما يوصل رسلان
ونلعب عليه لعبه ونخلص منه هو كمان وقتها مبقاش لنجم الدين غير أنه يتجوزنى علشان أرجع الأميرة ويضمن رقبته من السلطان
بس لقيتها بتقولى ما يمكن نجم الدين يرجعها للسلطان وتبقي خلصتي منها من غير اى آذيه
مشيت من عند خالتي بس وأنا ناويه أشتغل لوحدى شكلها خاېفه من أبويا عفان
السلطان لقمان..
فضلت طول اليوم منتظر اى رساله توصلني من صفوان
لكن خلص اليوم من غير اى نتيجه بس هو كان قالي أنهم فى طريقهم ل الغابه السوداء وياخدوا طريق الجبال يمكن ده السبب
انا فاكر ان عفان الحكيم كان عايش هناك ياتري
