رواية أرض الهلاك الفصل 7-8-9-10-11-12الاخيربقلم رشا منصور كامله (جميع الفصول كامله)
جميل وقالتلي سهرت اعمله طول الليل علشان تفتكريني به اوعى تقلعيه من رقبتك يا أميرة حضنتها وشكرتها وأنا مبسوطة آوى
نجم الدين.
كنت ملاحظ التغيير ومستغرب حتى عمي عفان كان بيبصلي وبيبص ل ياسمين ومش مصدق
وخرجنا من البيت ومعايا عمى عشان يوصلني لأول طريق جبل الظلام ويحضر خادم من الجان يكون معانا
ومشيت ومعايا عمي والرجاله ورايا وحمدان كان مع الأميرة فجأة سمعت صړيخ ولقيت حمدان وياسمين بيقولوا الحق الأميرة
يتبع..
بقلم الكاتبه
رشامنصور
الجزءالثامن
أرض_الهلاك
نجم الدين .
كنت ملاحظ التغيير ومستغرب حتى عمي عفان كان بيبصلي وبيبص ل ياسمين ومش مصدق
وخرجنا من البيت ومعايا عمى عشان يوصلني لأول طريق جبل الظلام ويحضر خادم من الجان يكون معانا
ومشيت ومعايا عمي والرجاله ورايا وحمدان كان مع الأميرة فجأة سمعت صړيخ ولقيت حمدان وياسمين بيقولوا الحق الأميرة
تنين أحمر كبير ماسك قمرالزمان وطاير بها وحمدان ماسك فى رجليها وياسمين ماسكه فى رجل حمدان وكلهم بيصرخوا ولسه بمسك فى رجل ياسمين وهطلع السيف احاول اضربه فى رجله وقعت فوقى ووقعت معاها ولقيت بعدها حمدان وقع والتنين طار لفوق وفجأة اختفي بين السحاب
قومت من ع الارض وقومت ياسمين وفضلت انادى ع قمرالزمان لكن صوتها اختفي مع التنين
قولت لها اسكتي سبيني أفكر وببص لقيت عمي عفان ساكت وباصص ل بنته ياسمين وراح قالي تعالي معايا يا نجم الدين
عفان..
أنا عارف التنين ده حارس من أرض الجان ولازم يكون فى حد استدعاه أخدت نجم الدين ووقفت أمام المرآيا المسحورة وقولت أظهر لي قمرالزمان وظهرلي أنها فاقدة. الوعي ولسه التنين طاير بها وفجأة اختفي من المرآيا
وأكيد هتعرف توصلها هناك بواسطه الخادم اللى هيكون معاك
ولسه خارج من حجرتي لقيت ياسمين واقفه عند الباب سألتها هى خالتك وردشان تعرف حاجه عن وجود نجم الدين والضيوف اللى معاه ولسه هتكلم
أيوة تعرف لما كنت فى الغابه السودة ظهر ليا غربان المراقبه تباعها طلبت منها أننا عاوزين نخرج ظهرت ليا ودلتني ع الطريق وشافت قمرالزمان والبحارة كمان وأكيد قالت ل ياسمين لأن أول ما وصلت كانت واقفه منتظرانا عند الباب
ياسمين
أيوة يا بابا خالتي عارفه وقالتلي ع وصول نجم الدين لكن هى متعرفش اى حاجه عن قمرالزمان هى بشرتني بوصوله بس
بس التنين ده محدش هيقدر يستدعيه إلا ساحر او جان يبقي مين اللى عمل كدا
ياسمين.
ما يمكن رسلان مش بتقولوا أنه جاى وراكم علشانها ما يمكن خلي حد من الساحرة ساعدوا ولا انتوا ناسين أننا فى أرض السحر
وكلهم هنا عارفين نجم الدين
نجم الدين .
تفتكر يا عمي يكون العراف عدنان هو اللى عمل كدا
عفان .
لو عدنان كان ناوى ع كدا كان دلهم ع الطريق المختصر بدل طريق الجبل
وطلبت من المرآيا تظهرلي رسلان واتفاجأت أنه وصل نهايه الغابه السوده قولت له يلا بسرعه يا نجم الدين وانتى يا ياسمين قولى لهم إنى مسافر من أسبوع وأظن أنتى هتعرفي تحمي نفسك منهم كويس وروحت رسمت خط بعيد عن البيت والبستان ميقدرش حد فى نيته شړ يخطيه يصعق فى الحال
وخدت نجم الدين والبحارة وخدنا طريق مختصر لجبل الظلام. علشان نلحق قمرالزمان
ياسمين.
ياتري إيه اللي حصلك يا قمرالزمان أدى جزاء اللى يجي ع حاجه تخص ياسمين أنا اللي استدعيت التنين وقصدت أنه يروح أرض الجان لأن أبويا مالوش حكم هناك لأنه تبع السحر الأبيض
بس مكنتش أعرف أنهم رايحين ع جبل الظلام.
أنا كدا محتاجه مساعدة خالتي وردشان بس لازم الحق قبل ما يوصل رسلان وطلعت ع بيت خالتي وحكيت لها اللي عاملته وطبعا هزقتني بس مش ده المهم الاهم دلوقتي أنها وافقت تساعدنى وروحت بسرعه ع البيت ووقفت فى البستان اسقى الزرع لحد ما وصل رسلان واللي معاه
رسلان.
وصلنا ل الغابه السودة ولما سألت ع نجم الدين عرفت أنه له عم عايش هنا واسمه عفان وفى ناس دلونا ع الطريق
