رواية عشق السلطاڼ من الجزء الأول إلى الفصل الأخير بقلم دعاء احمد
حالنا كان على الاد لحد ما ربنا فتحها علينا علشان كدا عارف قيمة البني ادمين
و ان الفلوس شوية تراب أدام اني القى حد كويس يكمل معايا.
غنوة ابتسمت بهدوء و فضلوا يتكلموا لحد ما سلطاڼ فتح الباب و دخل و هو معه الأكل
غنوة قامت و راحت ناحيته علشان تاخد منه الأكياس كانت قاصده تلمس ايده سلطاڼ بصلها و هي عدت من جنبه بهدوء و خپث تجهز السفرة
بعد دقايق كانوا بيتعشوا و غنوة بتتكلم مع احمد و بتضحك بخفة و هم بيتفرجوا على اسماعيل ياسين رحمه الله
سلطاڼ مكنش مركز مع الفيلم اصلا و هو بيتفرج على ضحكتها و ابتسامتها
كانت جميلة جدا بشكل يخظف القلب من الجمال... رقيقة في ضحكتها و انيقه في هدوئها
عدي الوقت بسرعة و أحمد مشي
غنوة كانت قاعدة في اوضة و هي بتفكر في كلام أحمد البدري و حاسة من جواها أنه صح لكن مش عارفه المفروض تعمل ايه.
قامت غيرت هدومها و رجعت تاني قعدت على السرير بهدوء لكن غلبها النوم بسرعة
بعد ساعة تقريبا سلطاڼ خرج من اوضته و هو مش عارف ينام
لحظات هدوء مفيش و لا صوت بص لغنوة اللي كانت نايمة و ضمھ ڼفسها بالعادة رغم انه بيستغرب طريقه نومها لكن مسالهاش عن السبب
قعد جنبها على طرف السرير فضل ساكت لوقت طويل لحد ما قام راح اوضته كان عايز يكلم والدته لكن موقفها كان مضايقه و الوقت متأخر فقرر ينام و يحاول يهدأ...
غنوة كانت بتحضر الفطار لما سمعت صوت في اوضته عرفت انه صحي نص ساعة تقريبا خرج من اوضته و هو بيلبس بليزر رصاصي.
غنوة صباح الخير.
سلطاڼ باستغراب صباح النور....
غنوةالفطار جاهز
كانت هتعدي تخرج من
المطبخ لكن سلطاڼ فجأة وقف ادامها
غنوة بحرجفي حاجة
سلطاڼ مسك ايدها و رفع ايده حط موبيل جديد بين ايديها
سلطاڼانتي انتي ايه موبيل ليكي انا سجلت اسمي عندك و علشان لو حبيتي تكلمي اسلام تطمني عليه هو و ضي و معتصم.
غنوة باستغرابهو انت تعرف ضي و معتصم
سلطاڼ اسلام حكي لي عنهم و عن علاقتكم...
غنوة شكرا.
سلطاڼ بص لها و سكت للحظات
مفيش داعي....
سابها و خرج من المطبخ قعد يفطر و هي خرجت وراه قعدت معاه...
غنوةليه.
سلطاڼ بجديةاظن من حقي اعرف...
غنوةهتصدقني لو قلتلك... و لا هتقول اني بهول
سلطاڼتهويل! ليه يعني
غنوة انت تعرف الست اللي أسمها نبيله الجوهري
سلطاڼاه طبعا معروفه عندها كذا محل للحلويات و الفطاير هي و اخوها فايز.
غنوةقبل اللي حصل بمدة صغيرة.. نبيله الجوهري ژقت عليا واحدة من اللي شغالين عندها اسمها سمر
سمر طلبت مني اني اشتغل عندهم في المحل بما اني شاطرة و عرفت اعمل صيت لنفسي في فترة بسيطة
لكن الصراحة صعب عليا اسيل ام عبدالله هي وقفت جنبي و كانت ټعبانة مقدرتش اسيبها علشان كدا رفضت
سلطاڼ و بعدين
غنوةو لا قبلين... لما الستات اټهجموا عليا قالوا لي انهم تبع نبيلة هانم الجوهري و اني لازم اسيب المنطقه و الشغل لكن قبل ما يحصل اي حاجة او حتى افكر في كلامهم حصل اللي حصل في المستشفى...
سلطاڼ سكت و هو بيبص لها لكن دقايق و كان قام من مكانه
خلي الموبيل مفتوح هرن عليكي بعد كم ساعة....
غنوةاشمعني
سلطاڼلما يجي وقتها هتعرفي... خالي بالك على نفسك... المفتاح عندك اهوه و ياريت متنزليش من البيت دلوقتي..
غنوة مفهمتش قصده لكنه قام و خرج من البيت
الفصل السابع عشر
غنوة كانت قاعدة على إلانترية و هي بتقلب في الموبيل اول مرة يبقى معها موبيل زي دا نوعيه حديثه
و شكله شيك لكن بالنسبة ليها عادي الموبيل ما هو إلا وسيلة اتصال فمش فارق معها اوي.
سابته جنبها و بدأت تفكر في كلام أحمد البدري و عقلها مشغول بيه و في نفس الوقت قلقانه من جواها
