سكريبت أحببت مدمنا كامل

_مخد رات!!!
كنت داخله أنادي ابن خالي غيث من اوضته بس اټصدمت لما لقيته بيشرب مخد رات
اتكلمت بصدمه_مخد رات يا غيث
جري عليا وحط ايده علي بوقي 
وطي صوتك يا ساره 
شلت ايده بعنف_ أنت من أمتي بتشرب القرف ده يا غيث من أمتي!!!!
بعد عني بكل برود_من أسبوع يا سارة 
اټصدمت أكتر_اسبوع يا غيث 

كملت بجمود_أنت نزلت من نظري أوي يا غيث 
_سارة لو سمحتي أنت مش فاهمة حاجة 
اتكلمت بعصبية_تفهمني ايه!!!هاااا افهم ايييه أنت مهندس يا غيث مهندس محترم وشغال شغل محترم ليه ايه اللي حصل عشان تشرب القرف ده!!!! طب أهلك!!!!مفكرتش فيهم أمك يا غيث!!!!مفكرتش لو عرفت أن ابنها المحترم بيعمل القرف ده هيحصلها ايه!!!ولا جدو اللي كل محد يشوفه يقوله حفيدي مهندس
أتكلم بنرفزة_سارة دي حياتي وأنا حر خليكي في حالك ياريت ومتدخليش في اللي ميخصكيش مش كفايه مستحملين قرفك من ساعه م أهلك ما تو
بصيت له پصدمه ودموعي نزلت
سامعين الصوت ده!!
ده صوت تكسير قلبي باين
اتكلمت بجمود_حاضر يا ابن خالتي يا شم ام من انهاردة أنا مش هتعامل معاك ولا لساني يخاطب لسانك
_سارة أنا مقصدتش است...
ملوش لزوم خلاص
وسبته وجريت تحت علي شقه تيته
أعرفكم بنفسي أنا سارة دكتورة أهلي توفو وأنا عندي ١٠ سنين خالتي أصرت إني أعيش معاها هي وجدو في نفس البيت هي عايشه لوحدها هي وغيث 
والدور اللي تحتها في جدو
دخلت عند جدو من غير كلمه 
جدو_فين يا حبيبتي غيث عشان نفطر 
دخلت أوضتي بهدوء اللي عند جدو والدموع ماليه وشي 
دخلت وقفلت الباب ورايا وقعدت أعيط عيطت كتير أوي قلبي كان تعبان أوي 
فضل جدو يخبط علي الباب هو وخالتو 
_حبيبه جدو مالك افتحي 
خالتو_سارة طب حصل ايه حد زعلك طب
في نفس الوقت نزل غيث لقاهم واقفين علي الباب
_في ايه
جدو بحزن_معرفش يا حبيبي بس هو حصل حاجه معاكم فوق اصل هي نزلت مڼهارة ودخلت الاوضه وقافله علي نفسها
اتنهد غيث بحزن عشان عارف أن هو السبب وقال كلام مينفعش يتقال وعمل حاجه صعبه
أتكلم بحزن_خلاص سيبوها ترتاح شوية وأنا هبقي اكلمها
وفجأة الباب اتفتح وطلعت منه سارة ووراها شنطه 
خالتو بقلق_سارة حبيبتي أنت كويسه وايه الشطنه دي 
أتكلمت بجمود وأنا ببص لغيث_رايحه بيت أبويا يا خلتو مش هقدر أستحمل إني أقعد هنا وأبقي تقيله علي حد
جدو بعصبيه_ تقيله علي مين يا زفته أنت بطلي عبط مفيش حد هيمشي من هنا
اتكلمت بعصبيه_لا يا جدو همشي من هنا ومش هتشوفو وشي تاني في البيت ده وكملت بعياط_عايز تزورني أنت وخالتو بس!!أهلا وسهلا بيت أبويا مفتوح 
مستنتش رد ومسكت شنطتي پعنف ومشيت بس وقفت لما غيث مسك ايدي جامد نفضت ايده پعنف
_متلمسنيش أنت فاهم
أتكلم بعصبيه_سارة بلاش جنان واعقلي أنا مكنش قصدي 
ضحكت بسخرية_مكنش قصدك ايه بقي انك تقولي الكلام ده وبصيتله في عينه_ولااا الموضوع التاني
بصلي بتوتر وساب ايدي
أتكلمت بحدة_ أنا ميشرفنيش يبقي عندي ابن خاله زيك!!!!
طلعت جري من البيت ونزلت ركبت عربيتي وروحت في اتجاه بيت أبويا اللي يبعد عن بيت جدو بساعه
عند غيث
أتكلمت أمه بنرفزه_عملت ايه لسارة يا غيث عشان يحصلها كده أنطق!!!
_ماما لو سمحتي سيبيني في حالي دلوقتي 
بعصبية_لاء مش هسيبك غير لما أعرف سارة مالها!! أول مرة سارة يحصلها كده وكل ده بسببك قولتلها ايه يا غيث!!!!!
بعصبيه_قولت اللي قولته بقي متمشي ولا تغور إحنا اتقرفنا بسببها كفاية طول السنين دي مستحملين مصاريفها وقرفها
وهووب قلم نزل علي وش غيث من جده
غيث