رواية العشق والآلام البارت 26

فيه دا كانت كيان فوق في أوضتها و أوضة فهد بتظبط حاجات و بالصدفة فتحت درج المكتب و لأن أوضتهم كبيرة ف جزء منها مكتب فهد أستغربت جدآ لما لاقت تليفون في الدرج و قالت اي دا !!! هو فهد جاب تليفون تاني أمتي !! .
مسكت التليفون لاقته مقفول ف قالت و كمان مقفول !!! اي الغموض دا .
فتحت التليفون لاقته معمول بباسورد جربت باسورد تليفون فهد مفتحش و جربت عيد ميلادها و بردو مفتحش .
عقدت حاجبيها بإستغراب و قالت اي التليفون دا !! .
و بالصدفة و هي مسكاه جت رسالة ل فهد منه تخص تجارة السلاح !!! أتخضت و بصت للرسالة بذهول لأن إشعار الرسالة كان مكتوب فيه تفاصيل كانت كفيلة ترعبها لما جت تقرأ بقيت الرسالة مظهرتش لأن التليفون مقفول و لازم تفتحه عشان الرسالة تظهر كاملة و طبعآ الرسالة كانت من تاجر من التجار الي فهد وسطيهم .
التليفون وقع من إيديها من الصدمة !!! و عيونها دمعت و عقلها مكنش قادر يستوعب الي قرأته !!! في الوقت دا كان فهد ساب مالك و طلع أوضته كانت كيان قعدت علي السرير و دموعها متجمعة في عيونها و علامات الذهول علي وشها فهد دخل و أبتسملها و قفل الباب قعد قدامها و قال بتنهد ماما كلمتني في موضوع الخلفة يعني نوعا ما طبيعي تسألني من قلقها مش أكتر بس خير يعني هي مش هتفتح الموضوع دا تاني .
كان باصصلها و مستغرب هي حالتها عاملة كده لكن خمن إن كلامه ضايقها ف رفع إيده ېلمس وشها بحنان و قال بإبتسامة متضايقيش يا كيان هي أكيد مش قص......... .
لاقاها قامت بسرعة و قالت و دموعها بتنزل متلمسنيش .
فهد إبتسامته أختفت و قام وقف قدامها و قال مالك في اي أنتي بتعيطتي ليه .
و هو بيتكلم شاف تليفونه التاني واقع علي الأرض مكان ما وقع من إيديها ف بصلها و قبل ما ينطق كانت هي سبقته و قالت أن..أنت أنت تاجر سلاح يا فهد !! .
فهد في اللحظة دي لو كان يطول إنه يهد الدنيا كلها من الخنقة الي جاتله و إن الأوضاع بتتعقد أكتر و أكتر كان عملها سكت و مردش لأنه فعلا كان هيلاقيها منيين و لا منيين كيان كررت سؤالها و هي بتقول و دموعها بتنزل بغزارة و ذهول رد عليا أنت تاجر سلاح ! .
فهد أتنهد بضيق و قال طب أقعدي و أنا هفهمك .
كيان بعياط و إنفعال تفهمني اي تفهمني اي يا فهد !!! يعني كلامي صح !!! يعني الي أنا فهمته صح !! يعني أنت مچرم !!!! ليه كده !!! ليه كده أنا مش قادرة أصدق ليه .
فهد يا كيان أنا و الله م...... مكنش عارف يقول اي قرب منها و هو بيمسكها و قال طب أهدي أهدي و بطلي عياط و هنتكلم بهدوء .
كيان شدت دراعها منه بقوة و قالت بإنفعال ممزوج بالعياط قولتلك متلمسنيش قال و مامتك بتسألك علي الخلفة !!! دا كويس إنه محصلش حاجة أخلف منك ازاي !!!! عشان عيالي يكبروا يلاقوا أبوهم مچرم !!!! يلاقوا الراجل الي أمهم قالت عليه أعظم راجل في الدنيا و مفيش أحسن منه مچرم !!! يلاقوه تاجر سلاح !!! يلاقوه إنسان ظالم و قذر !!!! دا أنا هتحاسب علي إختياري ليك .
فهد كان مصډوم من كلامها