رواية موضوع عائلي الجزء الثاني البارت 19بقلم رحاب القاضي

قدامها اتوترت وكأنهم لسه في بداية جوازهم..
شهد
انت بتعمل ايه هنا..
قام يونس وابتسم بهدوء ورد عليها
هو انا والله نسيت ودخلت بالغلط بس الغلط اللي من النوع ده حلو بصراحه..
شهد بقلق
يونس ما تهزرش احنا بينا اتفاق..
قرب منها اووي وقال
اتفاق ايه بقي وبعدين انا اهو بعملك كل اللي عايزااه كفايه بقي لعب عيال احنا مش لسه عارفين بعض عشان نعمل الحركات دي..
ادايقت من كلامه وبعدت عنه بسرعه وقالت
انا مش بعمل حركات بس انا مش زي اللي كنت معاها يا يونس ولما تعرف قيمتي ابقي ارجع اقعد هنا في اوضتك براحتك وليك كل اللي عايزه..
يونس پحده 
يعني بتربيني حضرتك....
شهد بدموع
بلاش جو قلب الترابيزه ده عايزني يا يونس اثبتلي انك مش هتخوني تاني....
غنض عيونه پغضب وقال
انا زهقت بجد من الموضوع ده يا شيخه ده ربنا بيسامح انا بقي هفضل لحد امتي اتعاقب منك علي الغلطه دي..
شهد بدموع 
مش عارفه بس انا مش عارفه انسي معلش دي حاجه مش بايدي وهو مش زرار ادوس عليه فانسي خلاص....
راح اخد جاكيت بدلته وقال پغضب
براحتك يا شهد بس انا مش هخونك تاني ولا هسيبك بس لو زهقت اكتر من كده هتصرف بطريقه تانيه وما حدش هيلومني وقتها...
شهد بسرعه قبل ما يطلع قالتله
ما ردتش عليا صح هي لو كانت نور مكاني كنت هتبص لغيرها وتكون مع غيرها وهي مراتك..
اتنهد بضيق ورد عليها بكل هدوء وقال
لا يا شهد ما كنتش هعمل كده ولو الزمن رجع بيا انا لا كنت هحب نور ولا هشوف اي واحده غيرك..
شهد بسخريه
بس انت شوفت نور قبلي وحبيتها اكتر مني..
يونس بجديه
لا ما اسمهاش كده هي ليها طريقه في حبي ليها واناي ليكي طريقه تانيه خالص انتي اللي خلتيني اختارك انتي رغم انها رجعت انتي اللي بقيتي مراتي وام ولادي مش هي وانسي يا شهد نور ماټت خلاص وانا بقاش في حياتي غيرك وبطلي تبقي كئيبه ده حتي ابنك خد باله..
_قال كلامه في الاخر بضحكه ساخره فراحت هي زقته لبره وقفلت الباب في وشه وهو فضل يضحك علي عكسها هي البي كانت مدايقه بسبب حبه لنور اللي لحد النهارده مش عارفه تاخد مكانها في قلبه من وجهة نظرها...
بقلم_الكاتبه_رحاب_القاضي 
_واليوم التاني في شركة عمار المنشاوي.. 
كان قااعد في مكتبه بيشتغل بأندماج شديد وجات رساله علي موبيله فمسكه وكانت رساله صوتيه من عز الدين اللي باعتله..
عز الدين
انا تعبان النهارده واخد ضړبة شمس ومش عارف اتحرك بس عندي ملفات مهمه قول لفيروز تيجي تاخدهم عشان في حاجات مهمه لازم اقولها عليهم...
عمار رد عليه
ما تكلمها تقولها عز انا المدير والله مش انت..
رن عليه عز ففتح عمار المكالمه وقال
نعم عايز ايه..
عز
هو بعيد عن انك المدير يعني انت لازم تقولها عشان لو انا قولتلها هترفض بس انت هتسمع كلامك..
عمار
طيب يا عمار وخف دلع وحياة ابوك انا مش بحب النظام ده. 
عز 
الله ايه الكلام ده بقي انت بنفسك قولتلي تعالي اتدلع عندي لحد ما اخوك يرجع وانا اصلا مش محتاج فلوس انا عندي اللي يكفيني ويعيشني ملك..
عمار بضيق
طيب اقفل يا عمار وهبعتهالك تاخد النلفات..
_ قفل معاه وكلم السكرتيره الجديده بتاعته وقالها تقول لفيروز تروح تجيب الملفات من عز الدين وبعدين جه يقفل موبيله ويرجع لشغله بس لفتت نظره صورة جميله الصوره اللي هو صورها ليها بموبيله في اول مره جات فيها الشركه وهو لسه محافظ بيها وكمان حاطتها صورة خلفية الفون بتاعه. 
_اتنهد بضيق ولمعت الدموع فعيونه وقال بنبره كلها حزن....
عمار
ده انا حتي مش عارف امسح صورك من عندي يا جميله ازاي انتي قدرتي تبعدي كده.....
في الوقت ده دخل عنده مروان وقال
بقولك ايه يا بابا انا مش فاهم حاجه في ام الشركه دي وعايز امشي....
عمار بغيظ
الله يخربيت ابوك انت لحقت وايه زهقت دي ارجع لشغلك يا مروان..
مروان بضيق
ممل اووي وبعدين انا كنت فاكر هاجي امسك الشغل مع حضرتك مش هاجي اشتغل كأني موظف مبتدأ..
عمار بجديه
اومال هشغلك مدير وانت مش فاهم حاجه عشان تخرب بيتي لا انت لازم تعرف كل حاجه هنا لازم تتعلم تشتغل كل حاجه هنا عشان تيجي وتقعد مكاني. 
مرروان 
يا نهار اسود ده الحوار ده