رواية همس الاسر من الفصل الاول الى الفصل 11بقلم عشق
انت في الصفحة 1 من 14 صفحات
1
كان قاعد برة اوضة العمليات وجمبه اخوه وهو متوتر وخاېف
_اهدي ي شريف باذن الله خير
شريف اهدي ازاي بس ي يحيي هو انا في وضع يسمح ليا باي هدوء
يحيي وليه كدة اكيد هتبقي كويسة
شريف مش مهم هي المهم الولد
يحيي طب ما هي ممكن تكون بنت
شريف لا اكيد بنت
يحيي وليه كدة كل اللي ربنا بيجيبه حلو
شريف انا عاوزه يكون ولد لو بنت مش هتبقي بنتي
شريف انا قولتلها اني عاوز ولد ومش هرضي ببنت
يحيي وهي هتعملها ازاي ان شاء الله كل شيئ بأمر الله وربنا هو اللي خالقها
شريف يارب ولد انا مش عاوز الا الولد
بص يحيي لاخوه اللي كلامه يدل علي التخلف لانه بيفرق بين الولد والبنت ونسي ان كل دا بيد الله بس
الممرضة مبروك جاتلك بنت زي القمر
شريف بنت انا مش عاوزها
استغربت الممرضة من ردة فعله الغريبة وبصتله باستفهام
يحيي الله يبارك فيكي ممكن اشيلها
الممرضة اه طبعا اتفضل بس بالراحة
اخدها يحيي من ايدها والممرضة مشيت وسابتها معاهم وكانت بنت جميلة وحس باحساس حلو اوي اول مرة يحسه لانه لسة متجوزش
شريف لا انا مش عاوزها انا عاوز ولد مش بنت
يحيي بطل جنان ي شريف وشيل بنتك
شريف هي مش بنتي دي بنتها هي بس
يحيي والله انت متخلف وانت خسارة فيك القمر دي خسارة انها يبقي ليها اب زيك
بص شريف پغضب لاخوه وطلع من المستشفي كلها من غير ما يبص علي مراته حتي كان حاسس بالڠضب من فكرة ان في خلف بنت هو كان عاوز ولد وبس
يحيي مبروك جيبتي بنت زي القمر
همس بنت
يحيي ايوة بنت مالك زعلانة ليه
همس لا ابدا مش زعلانة كل اللي بيجيبوا حلو بس شريف
يحيي سيبك منه هو مسيره في يوم هيعرف انه كان غلطان
يحيي بكذب جاله شغل مهم واضطر انه يمشي
فهمت همس اللي حصل وسبب عدم وجوده وانه اكيد متقبلهاش بصت ليحيي بحزن بان علي ملامحها
همس مش مضطر انك تكذب انا عارفة الحقيقة
يحيي بصي ي همس انتي اختي وهو اخويا بس اللي بيعمله دا زاد عن حده مينفعش كدة
همس وانا اعمل اي ي يحيي هو كان بايدي
يحيي انا مش عاوزك تفكري فيه ولا في اي حاجة تزعلك كل اللي تفكري فيه البنت وبس وازاي هتراعيها ولو المتخلف دا زعلك تعالي وقوليلي وانا هتصرف وانا موجود لو عوزتي حاجة تطلبيها مني
يحيي وهفضل كده دايما انا اعتبرتك اختي من اول ما ډخلتي البيت كعروسة لاخويا ارتاحي انتي دلوقتي وانا هروح اسال الدكتور هتطلعي امتي
خرج يحيي من الاوضة وسابها وهي فرحانة ان ربنا اراد وجابت بنت زي ما كانت تتمني وفي نفس الوقت زعلانة بسبب جوزها اللي مش متقبل دا
بعد انتهاء اليوم خرجت همس من المستشفي مع يحيي ووصلت للبيت مكنش شريف موجود وهي استغربت من دا وقالت في نفسها انه فعلا ممكن يكون عنده شغل
في مكان تاني كان شريف مع واحدة في شقة تانية وهو بيشرب ومش همه مراته اللي خرجت من المستشفي ولا بنته اللي عمرها ساعات
البنت مالك ي حبيبي فيك ايه
شريف مفيش ي دودو متدايق شوية
دودو تدايق وانا موجودة دا حتي عيبة في حقي قولي بس في اي
شريف الهانم جابت بنت حتي العيل اللي كنت مستني تجيبه مجابتهوش
دودو انت بدال كارهها كدة مستحملها ليه
شريف انا مستحمل لاني مفكر انها حامل في ولد انا طول عمري كنت بتمني ولد ولما عرفت انها حامل فكرت انها خلاص هتجيبه بس جابتلي بنت
دودو ما تتجوز وحدة تانية تجيبلك الولد
شريف انا خلاص مبقتش
