رواية أنا الذى أحبك الفصل 9الاخير بقلم ريهام ابو المجد

وعدلها وشغل العربية ومشي وعصام كمان.
_____________ بقلمي ريهام أبو المجد ___________
وصلوا وعصام دخل وآدم مسك الشنطة وحطها على كتفه وبعدين فتح باب العربية وشال آسيا بهدوء بين إيديه ودخل وكلهم كانوا مستنينه في الريسبشن عشان يطمنوا عليهم.
أول ما دخل آدم ياسمين جريت عليه بلهفة وقربت منه بس آدم شاورلهم أن محدش يتكلم عشان آسيا وطلع على فوق وياسمين طلعت وراه وهو دخل الشقة وحط آسيا على السرير بالراحة ولقى دموعها على خدها فقرب منها ومسحهم وباس خدها ومسك إيدها وباسها وقال بصوت هامس كدا يا آسيا كنتي عايزة تضيعي من بين إيديا.
دموعه نزلت على خدها وهي حست بس عملت نفسها نايمة عشان مش قادرة تواجهه وهو باس راسها وخرج.
آدم تعالي ورايا يا ياسمين.
ياسمين بس أنا عايزة اطمن على آسيا.
آدم بعصبية قولتلك تعالي ورايا.
ياسمين پخوف حاضر.
وخرجوا وقفلوا الشقة وأول ما آسيا سمعت باب الشقة بيتقفل قامت وفضلت ټعيط واڼهارت ومش قادرة تسامح نفسها أنها زعلت آدم كدا ومش قادرة تستحمل معاملته معاها بس هي قالت أنا اللي استاهل أنا غلطت وكنت سبب في زعل حبيبي اللي دايما بيفرحني.
آدم نزل تحت هو وياسمين وسماح أول ما شافته قالت بحرج هي آسيا كويسة يا آدم
آدم بإستغراب غريبة يعني يا أمي أنك بتسألي عن آسيا يا ترى دا سؤال شماتة ولا سؤال طبيعي
سماح حطت وشها في الأرض وقالت سامحني يا ابني أنا فعلا كنت وحشة اووي.
آدم بإستهزاء وأكتشفتي دا دلوقتي عشان اللي آسيا عملته هي مش دي آسيا اللي طالعة في نص الليل وسرقتني.
سماح سامحني يا ابني أنا عرفت غلطتي.
آدم مش أنا اللي أسامحك يا أمي اطلبي السماح من آسيا اللي عذبتيها سنين طويلة من غير ما تأذيكي بكلمة واحدة.
وبعدين كمل بحزن كتير قولتلك متعمليش كدا دي بنت ناس وهيترد في أختي وأهو شوفتي حصل أي لياسمين ومين اللي أنقذها وخاف عليها ومفكرشي في نفسه كان مين يا أمي كان آسيا اللي بتكرهيها.
سماح بعياط أنا أسفة يا آدم كفاية والله أنا مش مستحملة ومش مصدقة اللي حصل لبنتي لحد دلوقتي.
آدم ومش مصدقة لي ما دا الطبيعي ربنا يمهل ولا يهمل يا أمي.
____________ بقلمي ريهام أبو المجد ___________
وكمل بحزن ومع أنه صعب عليا أقول كدا عشان دي أختي اللي ربيتها على إيدي وبخاف عليها من الهوا بس اعمل أي كل دا بسببك وكل دا ذنب آسيا اللي في رقبتك.
سماح بندم عارفة يا آدم إني غلطت وحسيت بغلطي ومستعدة أني اعتذرلها بس تسامحني وهعمل أي حاجة عشان تسامحني.
آدم أنا أخدت قراري خلاص أنا هاخد آسيا وهنمشي من هنا كفاية كدا لحد هنا أنا مراتي عانت كتير في البيت دا وأنا مش هأمن عليها وهي بينكم هنا.
سماح لا يا ابني متبعدشي عني عشان خاطري وأنا والله هعمل كل اللي تطلبه ومش هقرب منها تاني والله بس متمشيش.
آدم بجمود أنا أخدت قراري خلاص.
في الوقت دا كانت آسيا نزلت عشان تشوف آدم بس وقفت على السلم لما سمعت كلام ياسمين وقلبها ۏجعها اووي عليها ودموعها نزلت عشان شايفة وحاسة بۏجعها.
ياسمين بعياط أنا أسفة يا آدم.
آدم أسفة على أي على أنك لما وقعتي في مشكلة مجتيش ليا تقوليلي عشان أساعدك أسفة أنك موثقتيش فيا في أخوكي دا أنا عمري ما عاملتك وحش وطول عمري حنين عليكي أسفة عشان بغبائك عرضتي آسيا اللي بتعتبرك أختها للخطړ وكانت هتضيع مني.
وبعدين كمل بحزن وۏجع مكنتش هسامحك يا ياسمين لو كان جرالها حاجة.
ياسمين بعياط أنا أسفة يا آدم أنا عارفة إني غلطت ومستعدة أعمل أي حاجة تطلبها بس تسامحني وآسيا تسامحني.
وكملت بعياط أنا مش عارفة عملت كدا إزاي أنتم كنتم مشغولين عني عصام مش بيفكر فيا أصلا ولا بيسأل عليا وأمي مفيش في حياتها ولا بتفكر غير في إزاي ټأذي آسيا وتقهرها حتى أنت كل همك آسيا وكل تفكيرك فيها أنا مش بلومك والله لأني عارفة أنت بتحبها قد أي وعانيت قد أي عشان توصلها آسيا هي الوحيدة اللي بتفكر فيا وبتهتم بيا وواخدة دور أمي اللي هي مفكرتشي تقوم بيه آسيا بالنسبالي مش مرات أخويا لا آسيا أمي وأختي وصاحبتي بس فجأة بعدت وأنت سرقتها مني حسيت بالغيرة ومستحملتش فكرة أنها تبعد عني أنا فجأة لقيت نفسي لوحدي فلقيته هو قرب مني وبدأ يعطيني الإهتمام اللي فقدته لما آسيا انشغلت عني بيك ڠصب عني اتشديتله ووثقت فيه مكنتش أعرف أن كل دا هيحصل يا آدم.
____________ بقلمي ريهام أبو المجد ___________
كملت پقهر مكنتش عارفة أعمل أي لما لقيت آسيا لاحظت وقربت مني لقيت نفسي بقولها هي حتى في القوت دا ملجأتش إلا ليها عشان هي كل حاجة بالنسبالي.
وبعدين سكتت وبصت لآدم وقالت أنا مقولتلكشي مش عشان مش واثقة فيك زي ما قولت لا يا