رواية عڈاب الحب الفصل 40 بقلم مريم أحمد
انت في الصفحة 6 من 6 صفحات
بثقه...و مين عالم مش يمكن اسمي انا يتنده الاول
بصلها...ليه كنتي واحده من القوات دا انتي. تحمدي ربنا انك مدخلتيش ف قضيه و سين و جيم على السلاح الي كان ف ايدك
ردت عليه بثقه اكبر و كان اللوا خلاص خلص تكريم افراد القوات و بيقول كلام جميل ك شكر ليهم هما التلاته قبل م ينده على اساميهم
كيان بثقه كبيره...تؤ ظابط
كان لسه هيرد عليها بس هي مدتهوش فرصه و قامت بسرعه و خرجت برا القاعه كلها
و بعد عشر دقايق مثلا سمع فعلا اللوا بينده على اسمها الاول
دخلت من باب القاعه بفخر و كانت لابسه البدله الرسميه لشغلها مش الفستان
كانت ماشيه ناحية اللوا و هي ايدها بتترعش من كتر التوتر و راحت ناحية اللوا و طلعتله
كانت واقفه ماسكه درع تكريمها و هي حسه قلبها هيقف من كتر فرحتها
و بعدها اسم اخوها اتنده و بعده اسم عاصم
و خلص التكريم
كانوا هيخرجوا من باب القاعه بس عاصم وقفها لما قال پحده خفيفه
عاصم..كيان استني
بلعت ريقها بتوتر و بصتله
عاصم...اقدر افهم ايه الي حصل من شويه دا
كيان...اتكرمنا يا عصومي
عاصم بصرامه...لا م انا عارف انا مش اعمى
بلعت ريقها دورت بعينيها على ادهم عشان يجي ينجدها
و بالفعل لاقيته جي و هو بيقول
ادهم...اي يا عم عاااصم انتوا هتتخانقوا هنا ولا ايه
بصله عاصم پحده.....انت كنت عااارف
ادهم...بقولك ايييه متقفلهاش بنكد الله يباركلك
ف هي اتكلمت پخوف...خلاص خلاص بص يا عاصم انا متخرجه من كلية الشرطه بس مرضيتش اقولك عشان عارفه انك هتمنعني اني انزل اي مهمه
بس عاصم مضايق جدا منها
صفيه...خلاص بقى يا عاصم متنكدش عليها انا اصلا الي قولتلها متقولكش
ابتسم عاصم على حب امه لكيان و هز راسه بمعنى مفيش حاجه
محمد...يلا بقى نطلع على اي مطعم ناكلنا اكله حلوه
محمد....الله اكبر ف عينك
ضحكوا كلهم عليه
بصت كيان لعاصم و قالته...اسفه
قالها عاصم بهدوء...بعد كدا متخبيش عليا حاجه تاني يا كيان من فضلك
ابتسمتله و هزت راسها بفرحه
و جيه حسين و هو بيقول....اجهزوا بقى يا ابطال عشان في مهمه جديده
ابتسمه كلهم معادا كيان الي صړخت برفض بكلمه واحده مكونه من حرفين
حطت رحاب ايدها على بؤقها و هي بتسكتها و قالت بضيق من صوتها العالي
رحاب...صوووتك هتفضحينا
اتكلم ادهم پغضب...ايه يا كيان الهبل دا
حنان بضيق...سيبها ما هي لازم تعمل خروج عن النص
لميس...ايه يا كيان صحيح الكلام دا مكنش موجوظ ف الاسكريبت الي قراءناه قبل م نبدأ البارت
كيان برفض...عشان انا مش هبتسم معاكوا و يبقى فيه جزء تاني
صفيه پغضب...هو اي رخامه و خلاص
حسين...انتوا مضايقين ليييه م هي كيان مستنيين اي يعني
كانوا بيتخانقوا لحد م سمعوا صوت غاضب و هو بيقول
اييييه الهبل الي انتول بتعملوا دا !!!!
بصوا كلهم و قاله پصدمه في صوت واحد.....مريم!!!
قولتلهم پغضب...اقدر افهم ايه الي بيحصل بالظبط
و مره واحده لاقيتهم كلهم شاوره عليها ولا كأنها من عيلتهم
كانت كيان بتبصلي پخوف عشان رفضت انها تعمل جزء تاني
بس انا قولت الي فاجئهم كلهم
بتشاور عليها ليه انا اصلا مش هعملكوا جزء تاني
جريت كيان عليا و حضنتني بفرحه و هي بتقول
كيان..انتي احلى مريومه
ابتسمتلها بحب....مقدرش ازعلك انتي كفايه العڈاب الي شوفتيه ف الروايه دا لحد من شويه كان عاصم هيتخانق معاكي
بصتلي بقلة حيله و سكتت
كانوا مصډومين من ان مفيش جزء تاني و لميس قالت بضيق
لميس...بس احنا زي م ادهم بيقول كنا كومبارسات في الجزء دا و عايزين جزء تاني نظهر فيه
لقيت صفيه اتكلمت و قالت...ايوااا و بعدين معظم الناس عابزه جزء تاني
ضحكت و قولتلها...اديكي قووولتي معظم الناس يعني مش كلهم و بعدين سوبوني بقى اركز ف رواية مريض نفسي شويه دا انا ظلمتها عشان الروايه دي!!
سكتوا بزعل واضح على ملامحهم لحد م كارمه الي رحاب كانت شايلاها اتكلمت و قالت
كارمه...خلاااص نشوف التعليقات و حسب التعليقات نعمل جزء تاني
او لأ
ضحكنا كلنا عليها و سكت بقلة حيله لما لاقيتهم كلهم مأيدين فكرتها
بس لاقيت كيان بتقولي بصوت واطي عشان محدش ياخد باله
كيان...مريم متعمليش جزء تاني
بصتلها بمعنى دا الي هيحصل و فجأه لاقيت ملامح الفرحه اترسمت على وشها و اتقفلت الرواية بنهايه سعيده و هما كلهم فرحانيين
تمت بحمدالله
عڈاب الحب
بقلمي مريم احمد
مش عايزه اقولكوا يا جماعه والله حسه اني فعلا فاضلي سيكا و اعيط بجد مش مصدقه انها خلصت و مش هيبقى في عڈاب الحب تاني متنسونيش ف اللايك الجميل بتاعكوا و اشوفكوا ف رواية جديده
دمتم بخير
