قصة مخالفة رادار كامله

صورة المخالفة دي تبدو عادية جدا بس للأسف هى مش كده لإن وأنا سايق ساعتها مكنش فيه حد ورايا..! ولا كان فيه حد معايا عامة في اليوم ده! أمال مين اللي في الصورة ده!
أول ما شوفت صورة المخالفة دي قلبي اتقبض جامد يعني ايه الرادار يلقط حد قاعد ورايا في العربية وأنا لوحدي! ده مين ولا عبارة عن ايه! الموضوع كله غريب والعربية دي أصلا فيها 

محمد.. أنا سامعة صوت خبط جي من العربية!
وساعتها نزلت جري على العربية قولت حد بيسرقها ولا حاجة بس ملقتش حاجة! بس مكنتش أخر مرة مروة بعدها بفترة برضو قالتلي
يا محمد صدقني سمعت صوت حد جواها حد بيقول.. الحقوني.. حد يخرجني! .
مكنتش قادر أصدق كلام مروة ولا قادر أكدبه لإن العربية فعلا غريبة ساعات أبقى سايق عادي ألاقيها بتحدف مني مرة واحدة الكلكس يشتغل لوحده نورها يطفي ويشتغل تاني! ولما كنت بوديها للميكانيكي كان يقولي إنها سليمة مفيهاش أي حاجة بس كل ده ممكن يعدي لكن الصورة دي.. اللي مش مقنعة أبدا!
بس من ساعة الصورة دي مش عارف هل عشان أنا بدأت أركز في الموضوع ولا ايه بس أنا بقيت أشوفه! ساعات وأنا سايق بليل ألمح حد في المراية قاعد ورايا عينه في عيني بيعيط! 
بس ثانية واحدة أنا.. مش بشوفه هو لوحده وأنا قاعد في العربية الساعة كانت ٢ بعد نص الليل ومستني أيمن صاحبي يجيبلنا اتنين قهوة عشان أعرف أسوق واحنا مروحين بعد الخروجة اللي طولت لقيت الراديو اشتغل لوحده! على أغنية كلمات بتاعة ماجدة الرومي على الكوبلية اللي بيقول يسمعني حين يراقصني كلمات ليست كالكلمات يأخذني من تحت ذراعي.. 
وأنا بحاول أقفله لمحت حاجة ناحية جنبي اليمين بتلفت لقيت واحدة قاعدة جنبي! واحدة وشها أز..رق عينها سو..دة! بتبصلي من غير ما تنطق! ساعتها صر..خت! عشان أخرج من العربية بسرعة بس لقيتها فجأة اختفت! ودي مكنتش أخر مرة شوفت ستات كتير بنفس المنظر الراديو يشتغل أغنية كلمات وبعدين واحدة ست بنفس المنظر! العربية دي غريبة ولازم أخلص منها.
بس مش هكدب عليكم برغم كل اللي بيحصل ده بس في الزمن ده مش سهل الواحد يفرط في عربيته العربية عاملة زي الكنز دلوقتي أنا جيبتها ساعة الرخص الله يعلم الواحد ممكن يعرف يجيب زيها بعد كام سنة بقى ده لو عرف! عشان كده اضطريت أقابل الشاب اللي اشتريت منه العربية روحتله