رواية زوج ماما ولكن كاملة

شويه علي شقتنا 
ماما لا طبعا محصلش 
بصتلها باستغراب معقوله امال مين اللي هيبعت ورد وكمان عليه اسمي مين دي 
ماما هو فين الورد دي 
انا اهوو باوضتي تعالي شوفي 
راحت معايا ماما تشوف الورد ومسكت الكارت بتبص عليه ودققت بالورد وفضلت باصه علي الكارت وبتفكر 
معقوله ماما عرفت مين االي بعت الورد 
والا بتفكر بحاجه تاني 
ماما بصتلي وقالت 
بصراحه غريبه ومش عارفه ازاي دي حصل 
المهم تعالي عايزاكي بحاجه. 
رحت مع ماما وقعدنا في الصاله 
وحضنتني ماما اووي وانا مستغربه من حضنها المفاجي ليا 
واكيد وراه حاجه انا مش عارفه اي هيا 
وفجأه ماما سابت حضڼي وبصتلي 
وقالت......
تتبع......
.الجزء الثالث 
زوج ماما ولكن
وبعد ما ماما سابت حضڼي قعدت تبصلي شويه وجوها حاجه عايزه تقولها وانا مش عارفه اي هيا 
سكت شويه وقالت . 
بصي ........ يا حبيبتي 
انتي عارفه قد انتي غاليه عليا وانا استحملت كتير عشان 
ووقفت جمبك لحد 
ما تكبري وفضلت سند ليكي 
وهفضل طول العمر كدا . انتي عارفه الدنيا بقيت صعبه دلوقتي 
وانا لسه بردو سني صغير ومحتاجين حد معانا نعتمد عليا ويبقي سند لينا ..
بصيت لما وقاطعت كلامها .
خلاص يا ماما انا فهمت وهكون مبسوطه كمان لما تبقي انتي مبسوطه وسعيده ويهمني اني 
اشوفك علي سعيده
بصتلي بفرحه وخدتني بحضنها وقالت 
بصي يا حبيبتي دي زميل ليا في المستشفي وكمان انسان طيب وكويس ولما تشوفيه 
هترتاحي ليه 
رديت وقلت اهم حاجه انتي ماما تكوني سعيده وفرحانه بالجوازه دي ..
شويه وقاطع كلامنا. صوت رنين تليفون ماما واخدت تليفونها ودخلت اوضتها 
وانا دخلت اوضتي وبفكر في كلام ماما 
وفجأه دموعي نزلت مني وافتكرت بابا الله يرحمه قبل ما ېموت
لما بيوصي ماما عليا وقتها كنت في الاعداديه 
حسيت بزعل بس بسرعه طلعت نفسي من مود الزعل دي 
خفت ماما تدخل عليا وتتاثر وانا مش عايزه كدا . ماما ضحت عشاني كتير 
وجه الوقت اللي
تفرح فيه وتحس انها عايشه زي الستات .
شويه وماما ندهت عليا .
رحت لماما لقيتها بتقولي
يلا تعالي هنتعشا بره. اشرف اتصل بيا وعازمني انا وانت .
بصتلها باستغراب 
مين اشرف يا ماما 
ابتسمت وقالت 
معلش نسيت يا حبيبتي اشرف دي اللي هيبقي زوجي 
. دخلت اوضتي ولبست فستان خروج 
وطلعنا من الشقه وركبنا العربيه ورايح المطعم 
ولما وصلنا المطعم دخلت جوه المطعم واول ما وصلنا عند الطاوله بتاعنا . 
وكانت المفاجاه اشرف طلع .....
تتبع....
الجزء الرابع 
زوج ماما ولكن 
ولما وصلنا المطعم دخلت جوه المطعم واول ما وصلنا عند الطاوله بتاعنا . 
وكانت المفاجاه اشرف طلع الراجل اللي شفته بالحديقة بيمشي ورانا وهو كمان شفته بعربية عند العماره اللي ساكنين فيها 
بسرعه جه سوالي براسي 
معقوله ماما اشرف دي من زمان 
وكانت بتمهد ليا عشان تقولي 
قعدنا علي الطاوله وماما عرفته عليا وسلمت عليه 
وبعد ساعه من وجودنا بالمطعم قمنا ومشينا 
ركبنا مع اشرف اللي عملنا مفاجاه انا وماما وروحنا مدينة الملاهي 
بصراحه انا فرحت من جويا اوووي 
وكان نفسي من وقت ما كبرت اني أزور الملاهي واركب مراجيح 
كانت مفاجاه ساره بصراحه 
فضل وقت بالملاهي ركبنا عربيات ومراجيح. 
حسيت بسعاده كبيره ليا وكمان ماما اول مره اشوفها سعيده ومبسوطه اووي وبتضحك 
من قلبها .. وانا بدأت احس ان اشرف انسان طيب وكمان بيحب المرح والسعاده ودول حاجات مميزه باي راجل
وبعد وقت ركبنا معاه ووصلنا لتربية ماما وركبت مع ماما وسلمنا عليه ومشينا 
وصلنا شقتنا انا وماما وقعدنا في الصلاه 
وكنت رايحه انام. ماما طلبت مني اقعد معاها
بصت لماما وقلت ليها 
خير يا ماما 
ردت عليا ..
خير يا حبيبتي اشرف قرر يخلي الفرح بتاعنا الخميس. الجاي وكمان هنروح شرم نقضي اسبوع هناك وانتي معانا حجزلك سويت هناك
بصتلها وانا بضحك .
الف مبرووك يا ماما