قصة نادر وليلى كاملة

خليني انزل أنام ورايا شغل بدري..
تركهم طاهر عائدا لشقته بينما نظر نادر للاعلي وقال بضيق 
_ أنا هطلع علي السطح أشم شوية هوا.. تيجي معايا..
_ ماشي يلا بس عشر دقايق وننزل..
اومأ له برأسه فصعد الإثنين للأعلي وقف نادر يلتقط أنفاسه بهدوء فسأله مصطفي 
_ اي مالك!
قال نادر بهدوء 
_ مفيش... بس هو ممكن اسألك سؤال!!
قال مصطفي 
_ اه اتفضل..
سأله نادر بجدية 
_ ليلي كانت بتقول انها أخدت نصيبها في الحب والجواز بس اللي اعرفه انها اتجوزت ڠصب عنها..
سأله مصطفي 
_ وأنت مهتم بليلي ليه
قال نادر بجدية 
_ انا مهتم علشان عاوز اتجوزها.. انا معجب بيها وبفكر فيها انا مش عارف انت كأخوها ينفع اقولك كدا ولا لا بس انا مرة واحده لقيت نفسي مبفكرش غير فيها بس انا مش ناوي غير علي الخير..
اخذ مصطفي أنفاسه وقال بهدوء 
_ ليلي وطاهر كانوا بيحبوا بعض..
قال نادر پصدمة 
_ اي
ويتبع.. 
_ ليلي وطاهر كانوا بيحبوا بعض.. 
قال نادر پصدمة 
_ اي 
استمر مصطفي مؤكدا حديثه 
_ ليلي بنت خالتي واصغر مني بسنة وأقل علطول كانت بتيجي عندنا هي وخالتي وبحكم علاقة الجيره هي اتعرفت بالعيلة كلها وحصل انجذاب بينها وبين طاهر وحبها وحبته هي كمان لحد ما ابوه شافها و ابوها اجبرها تتجوز راجل كبير علشان خاطر الفلوس هما اتجاوزوا الموضوع دلوقتي صدقني ليلي مفيش في قلبها مشاعر من دي تاني ناحية طاهر وهو كمان..
سأل نادر 
_ مبقاش في مشاعر ولا عشان حرام يكون في بينهم حاجه!
قال مصطفي بجدية 
_ لا يا نادر صدقني أنا أكتر حد في الدنيا فاهم ليلي وعارفها مشاعر ليلي ناحية طاهر انتهت من فترة كبيرة و ان كان طاهر ساعدها علشان تطلق منه فدا علشان خاطر بقي يعتبرها زي اخته..
سأله نادر بإهتمام 
_ وهي الخطة كانت اي!
اجابه نادر 
_ بص ليلي اتجوزت وانا كنت لسه في الإمتياز اخدت التكليف بتاعي و سافرت سنتين بعدها كمان يعني 3 سنين وبعد كدا رجعت ومره واحده لقينا موضوع الخلفه ضړب في دماغه وليلي اصلا كانت بتاخد حبوب لمنع الحمل من نفسها بس هو كان عارف وموافق لما منعها تاخدهم لجأت ليا وقالتلي انها مش عاوزة تخلف منه طاهر عرف ان موضوع الخلفه اللي ابوه عاوزه دا كان عشان سالم خسر ولاده فطاهر قالي انه هيكبر مشاكله مع ابوه وهيخلي موضوع الخلفه يكبر في مكانه وفي نفس الوقت انا كدكتور كنت حريص ان ليلي متحملش منه بالأدوية وحساب الوقت اللي ممكن تحمل فيه وبأساليب تانيه لحد ما اقنعته انها مش هتحمل غير بالحقن المجهري و اوهمناه اني عملتلها عملية وفشلت وساعتها قالها انها لو محملتش هيطلقها فأقنعته نعمل عملية تانيه وقولتله ان دي الفرصة الاخيرة انها تخلف وعملنا نفس القصة تاني و يومها كان مطلقها قدامي في العيادة..
قال نادر بإبتسامة سعيدة 
_ يعني ليلي معندهاش مشاكل في الخلفه!
قال مصطفي بضحك 
_ لا خالص ليلي كويسه وتقدر تكون أم عادي..
أجلسه نادر ثم جلس أمامه وقال بجديه 
_ ساعدني علشان اتجوزها يا مصطفي..
سأله مصطفي بإبتسامة 
_ هتعوضها!
قال بإبتسامة 
_ هعمل كل حاجه علشان خاطر عينيها صدقني هديها الحب اللي هي تستاهله..
قال مصطفي بتفكير 
_ الموضوع صعب و كمان مقدرش اوعدك انها هتوافق بس أنا هتكلم معاها..
قال نادر بتفكير 
_ لا مش دلوقتي...
سأله مصطفي بحيره 
_ طب وبالنسبة لموضوعي انا اي دا انا عريس لقطه والله..
ضحك نادر وقال 
_ ماما هتقول لمامتك علي معاد تيجي فيه ولو فيه نصيب هنتفق علطول..
سأله مصطفي بقلق 
_ يعني أنت شايف إن في موافقه مبدأيه حتي!!
اومأ برأسه وقال بهدوء 
_ ربنا يسهل..
ابتسم مصطفي ثم تحرك الإثنين للأسفل كلا إلي شقته وفي الصباح الباكر دق باب بيت مصطفي ففتحت ليلي وهي تضع حجابها بعشوائية علي رأسها و وجدته نادر..
_ صباح الخير يا نادر جاي بدري كدا ليه!
قال نادر بإبتسامة 
_ عاوز منك طلب..
سألته بتعجب 
_ اي هو!
قال بجدية 
_ فاكرة الرز بلبن اللي بالمكسرات اللي عملتيه اول ما عدتك خلصت!! عاوز منه اصل بصراحة نفسي فيه بقالي كام يوم وقولت مبدهاش بقي هقولك..
ابتسمت له واردفت 
_ حاضر بس والله ما سبب تصحيني بدري كدا علشانه كنت ابعتلي رسالة وأنا هعملك....
_ ما أنا بصراحه كنت محروج..
_ محروج من اي يا ابني احنا اخوات..
فتح عينيه پصدمه وعض علي شفته السفلي بضيق فسألته بريب 
_ اي يا نادر مالك
_ مين دول اللي اخوات!! ادخلي جوا يا ليلي.. ادخلي..
سألته بخبث 
_ وأنت مش عاوزنا نبقي أخوات ليه بقي يا استاذ نادر!!
لم تكن تقصد شيئا بحديثها حقا ولكن ملامحه تحولت ولمعت عيناه وقال بهدوء 
_ علشان أبقي عبيط لو دون عن كل العلاقات اختارت أكون أخ ليكي..
اختفت ابتسامتها وشعرت بالتوتر يجتاحها تحرك نادر للخارج بينما نظرت في أثره تتردد جملته علي مسامعها هل يمكن أن يحمل تجاهها مشاعر من نوع آخر.. 
لما لا فهي ليست أخته ولا يمكن أن تحدد العلاقة بين شاب وفتاة بإسم الأخوة أو الصداقة فهي علاقات حب مؤجله