رواية موضوع عائلي الجزء الثاني البارت 27بقلم رحاب القاضي
كده الموقف كان وحش اووي عليه هو ومروان..
جميله بضيق
انتي اخدتي بالك هو عمل ايه سابني واقفه زي خيال المآته وراح مسك ايدها واخدها ومشي وكان باين اووي انه غيران عليها..
ايتن
المفروض تكوني واثقه فيه اكتر من كده وبلاش تخلي كلام ماما يأثر عليكي انتي عارفه هي لما بتدايق بتقول ايه..
جميله بسخريه
حقها هو اللي حصل شويه ويمسك ايدها ليه واخدها وراحو فين اصلا وفي الوقت اللي بدل ما يبقي معايا انا فيه كان معاها هي..
طيب ردي عليه ما تبقيش رخمه..
ناكت جميله وقالت
لا مش هرد انتي ردي وقوليلو نامت اصلا عندي شغل الصبح مش فضياله واطلعي بره يلااا..
_ طلعت ايتن وجميله فضلت صاحيه وهي مدايقه جدا وفجأه باب اوضتها اتفتح وافتكرتها ايتن وقالت بعصبيه...
جميله
يووه بقي يا ايتن سبيني عايزه انااام..
عمار
هتنامي وانتي زعلانه مني..
جميله
انت جيت هنا ازاي..
عمار
وطي صوتك ايتن دخلتني ما انتي مش راضيه تردي عليا وبقالي ساعه ملطوع تحت..
جميله بضيق
اممم وانت افتكرتني دلوقتي بعد ما خلصت مع حبيبة القلب..
قرب منها بهدوء وقال
والله ما في حبيبه للقلب غيرك يا جميله
جميله بحزن
لا لا مش هاكل من كلامك المره دي عشان بجد. زعلانه منك..
مالكيش حق تزعلي عشان انا ما عملتش حاجه تزعلك كنت لازم اتصرف عشان الموضوع ما يكبرش..
جميله پحده
بأي طريقه غير انك تمسك ايدها وتاخدها وتمشي وتسيبني انا وبعدين انت اخدتها وروحت فين...
عمار بهدوء
روحنا بيتها وقولتلها تمشي وتسيب البلد ومشيت من عندها...
_جميله وهي بتمسك مقدمة قميصه وقالت بنبره غاضبه..
ده روج مش كده..
اتوتر عمار وقالها
ده لما حضنتك بعد كتب الكتااب..
ضړبته علي كتفه جامد وقالت
ده ما كانش اللون بتاعي يا خاېن..
عمار
لا ما توصلش للخيانه هي حاولت تقرب مني بس بعدتها والله..
زقته جامد وقالت
امشي يا عمار انا مش عايزه اتكلم معاك...
عمار
انتي قد الزقه دي..
جميله پحده
قدها ونص كمان..
طيب مش عيب تمدي ايدك علي جوزك..
جميله بتوتر
وو وهو مش عيب يعني اللي انت عملته ده..
عمار
هو ايه اني بقرب منك ده عادي يعني بقيتي مراتي خلاص..
اتكسفت جميله وحاولت تبعد عنه وقالت
لا لا مش كده انا علي اللي حصل بينك وبين طليقتك..
عمار
والله العظيم ما حصل حاجه ولا في واحده في الدنيا دي هسمح لنفسي اني اقربلها او اخليها تقرب مني غيرك انتي..
طيب خلاص اتصالحت اوعي بقي..
عمار قربها ليه اكتر وقال
ليه ما احنا حلوين اهووو..
_دخلت في الوقت ده فريده ووراها ايتن اللي كانت يتبصلهم بقلق وخوف وبعدت جميله عن عمار بسرعه...
فريده پحده
ايه ده بقي...
عمار
بنتك اللي قالتلي اجي وانا قولتلها لا بس هي اللي صممت...
جميله پصدمه
بقي انا اللي قولتلك!...
عمار
طبعا.. علي العموم بعد اذنكم عشان اتأخرت وعندي شغل الصبح..
فريده بجمود
اتفضل مع جوز اختك يا ايتن وصليه لحد الباب..
ايتن
حاضر يا ماما...
مشي عمار وفريده قالت لجميله
امم اتكلمي..
جميله بقلق
والله هو اللي جه عشان يصالحني..
ابتسمت فريده وقالت
وصالحك ولا لسه زعلانه منه..
جميله
صص صالحني هو انتي مش زعلانه ومش هتتخانقي معايا..
حضنتها فريده وقالت
لا يا حبيبتي مش هتخانق معاكي هو مش بقي جوزك خلاص وبعدين انا واثقه فيكي انك كبيره وعاقله وهتعرفي تتصرفي في الموضوع بالطريقه المناسبه..
ابتسمت جميله وحضنتها اكتر وقالت
انا بحبك اوووي يا ماما...
_وتاني يوم الصبح في بيت المنشاوي كان زكريا قااعد بيفطر وهو بيقلب في موبيله..
المنشاوي بصوت واطي لجهاد
هو جوزك سرحان في ايه كده وهو مبحلق في الموبيل..
جهاد
مش عارفه يمكن الشغل..
المنشاوي
اسحبي منه الموبيل كده بسرعه وشوفيه بيكلم مين..
جهاد
لا طبعا عيب يقول عليا ايه لو عملت كده..
المنشاوي
يا عبيطه لاحسن يكون رجع للسكه القديمه او للبت سماح..
جهاد بغيظ
معقول بيكلم سماح او واحده من اللي كان بيعرفهم زمان..
المنشاوي
الله واعلم اسحبي الموبيل خلينا نشوف وقوليلو بشوف الساعه كام..
_ بصت جهاد لزكريا بغيظ وبحركه سريعه سحبت الموبيل من ايده وقالت..
جهاد
دقيقه هشوف الساعه كام و... دارين!..
بص المنشاوي معاها للموبيل وقال
هي دارين اتجوزت ومين ده اللي اتجوزتو..
زكريا بجمود
هاتي الموبيل يا جهاد..
جهاد پحده
عشان. كده بقي قالب وشك عليا من الصبح امسك موبيلك اهو اصلا ما يفرقش معايا..
المنشاوي
يا بت تلاقيه بس زعل عشان ما عزمتوش بلاش سوء الظن..
زكريا پحده
انتي بتعلي صوتك ليه الصوره جات قدامي وشوفتها بلاش حركات العيال دي انا اكبر من جو المراهقه ده..
وقفت جهاد وزعقت فيه
اهو انا بقي عيله ومراهقه وما حدش ضړبك علي ايدك وقالك تتجوزني ده ايه القرف ده..
_ ودخلت اوضتها ورزعت الباب وراها وهو اټصدم من ردت فعلها لانه ما كانش يقصد يدايقها والمنشاوي كمل اكله وهو كاتم ضحكته بالعافيه..
زكريا
والنبي ما انت كاتمها اضحك يا منشاوي..
المنشاوي
ههههههههههه شكلك مسخره وانت بتتهزأ بس ابنك هيطلع زيك علي فكره..
زكريا
وايه العلاقه مال ابني بعصبيتها..
المنشاوي وهو يشير لاثر چرح بسيط في راسه وقال
زمان لما امك كانت حامل فيك كان عمار صغير شويه وكان شقي اووي ومطاع عينها وهي كان خلقها دايق اووي في فترة الحمل وكانت مره واقفه في المطبخ وعمار عمال يزن عليها تعمله فشار وهي بتجهز الغدا لانها ما كانتش بتحب اكل الشغالين وانا داخل عندها بكل حسن نيه بقولها عامله ايه يا حبيبتي قامت حدفتني بالمعلقه في راسي وقالتلي يعني انت عميت مش شاايف عامله ايه..
ضحك زكريا اوي وقال
ههههههه عشان كده بتقول ان ابني هيطلع زيي عشان جهاد مټعصبه زي امي الله يرحمها..
المنشاوي
نصيحه مني خدها علي قد عقلها بلاش تعند قصادها..
زكريا
ده انت يا منشاوي اللي تاخدها علي قد عقلها..
وعلي صوته وقال
انما انا هتعلي صوتها تاني عليا هديها بالجزمه وما فيش نزول معاك المطعم النهارده وتترزع هنا في البيت.
المنشاوي
مش مستاهله العصبيه دي كلها..
قام زكريا وقاله
همشي انا بقي سلام...
مشي زكريا وطلعت هي من اوضتها وقالت
يلا بينا يا بابا عشان ننزل..
المنشاوي
ما بلاش انتي عارفه هو ما بيحبش تقوليلو لا علي حاجه..
جهاد
انا حره وهنزل يعني هنزل وكمان هكلم اسلام ابن خالي يجي يقعد معايا شويه في المطعم تحت..
المنشاوي
اسلام مين ده..
جهاد
هعرفك عليه وكمان هخلي الواد عماد يجي عشان اتكلم معاه تاني في موضوع العلاج بتاعه..
_ وفي الاوتيل صحيت دارين علي صوت موبيلها اللي كان بيرن قامت ومسكت الموبيل ولقيت اللي بيرن عليها يوسف.. بصت جنبيها بسرعه ولقيته مش موجود فردت عليه وقالت بقلق..
دارين
ايوه يا يوسف انت فين..
يوسف بجمود وهو سايق عربيته
صحيت من شويه ومعلش يعني لازم اروح لبطه دلوقتي ابقي لما افضي اكلمك ونتقابل..
_اتملت عيونها دموع من طريقة كلامه معاها وكأنها واحده عارفها علي مراته مش هي كمان مراته وردت عليه بنبره عاديه وقالت..
دارين
ماشي سلام...
_ قفلت في وشه من غير ما تسمع رده وعلي عكس ما كان بيتعامل معاها امبارح بقي مستفز وقاسې في كلامه وده خلاها ټعيط بحزن علي الوضع اللي بقيت فيه اما هو وصل بعربيته قدام العماره اللي فيها شقته هو وبطه ونزل من عربيته وطلع فوق واول ما دخل لقاها قاعده بتفطر..
يوسف
موبيلك فين بكلمك من الصبح..
بطه بهدوء
معلش يا يوسف عملاه صامت وما اخدتش بالي منه..
يوسف
روحتلك بيت امك وقالتلي انك جيتي من الصبح هنا..
بطه
ايوه عادي هتفطر ولا فطرت..
قعد قدامها وقال
لا
