رواية الهروب الى المجهول الفصل 5-6-7-8-9 بقلم أروي عادل

أو تخصم اليوم كله براحتك عن أذنك
انصرفت إيلا بسرعة قبل أن تسمع رد مستر جمال
جمال٠٠٠ عجبك إللى عملتوا صاحبتك ده انا لازم....
قطعت أميرة عبارته وقالت
أميرة ٠٠٠ معلش يا مستر أعذرها أبنها تعبان أوى وهى راحت تشوفه
جمال ٠٠٠ طيب ليه ماقالتش كده .. دلوقتى اعمل ايه فى عمر بيه 
أميرة ٠٠٠ أنا بنفسى هطلع انضف الجناح .. تمام كده
جناح عمر 
أميرة ٠٠٠ مساء الخير يا فندم انا ....
قطعها عبارتها عمر وقال
عمر٠٠٠ عارف انتى مين .. أمال فين إيلا ايه مش عايزه تيجى تنصف
أميرة ٠٠٠ لاء طبعآ . بس هى أخدت أجازه نص يوم 
عمر ٠٠٠ أجازة ليه
أميرة ٠٠٠ ابنها تعبان يا فندم 
عمر ٠٠٠ اه .طيب أدخلى نضفى
عندما دخلت أميرة شهقت پصدمة .عندما رأت حالة الفوضى التى عليها الجناح عندها قالت أميرة
أميرة ٠٠٠ هو ايه إللى حصل هنا 
عمر ٠٠٠ مالكيش دعوة نضفى وانتى ساكته
ثم تركها و انصرف ثم قالت أميرة
أميرة ٠٠٠ ياترى يا إيلا ليكى علاقة بالفوضى إللى حصلت دى
فى المنزل كامل 
سميرة ٠٠٠ أيه جايه بدرى النهاردة
إيلا ٠٠٠ حسيت انى تعبانه شويه قولت أروح ارتاح
سميرة ٠٠٠ سلامتك تعالى اتغدى معانا
إيلا ٠٠٠ لأ معلش نادى على الولاد 
سميرة ٠٠٠ واللهى ما يحصل لازم نتغدى معانا 
كامل ٠٠٠ خلاص يا إيلا سميرة حلفت.. تعالى السفره جاهزه
جلست إيلا معاهم على المائدة الطعام ..فى يدها معلقه تقلب فى الطبق الذى أمامها و هى شاردة
سميرة ٠٠٠ مالك يا إيلا ... إيلا.. إيلا انتى مش سامعنى 
إيلا ٠٠٠ هااا انتى بتكلمينى يا طنط
كامل ٠٠٠ لأ انتى مش معانا خالص. 
إيلا ٠٠٠ لاء معاكم . 
لبنى ٠٠٠ طيب كولى
إيلا ٠٠٠ ما انا باكل
سميرة٠٠٠ فين ده.. انتى محطتيش لقمة فى بقك من ساعة ما أعدتى
إيلا ٠٠٠ آه معلش انا شبعانه أكلت فى الشغل
لبنى ٠٠٠ من أمتى انتى بتكلى فى الشغل
إيلا ٠٠٠ أكلت النهاردة يا لبنى فيها حاجة دى
لبنى ٠٠٠ طيب طيب مټعصبه ليه 
إيلا ٠٠٠ مش مټعصبه . وانا هتعصب ليه يعنى ..ججانا رايحه على شقتى . يلا يا ولاد
انصرفت أيلا إلى شقتها.. هنا قالت سميرة
سميرة ٠٠٠ مالها إيلا شكلها مش عجبنى
كامل ٠٠٠ يمكن مدايقه عشان تعب كريم
لبنى ٠٠٠ أنا عارفه إيلا كويس فى حاجة تانيه مدايقها .. انا رايحه أشوفها مالها
منزل أميرة 
طرقت لبنى الباب ..فتحت إيلا وقالت
إيلا ٠٠٠ جايه ليه
لبنى ٠٠٠ أنتى عارفه 
إيلا ٠٠٠ لو قولتلك أنى مش عايزه أتكلم خالص
لبنى ٠٠٠ يبقى كده انا اتأكدة ان فى حاجة كبيرة حصلت
إيلا ٠٠٠ ما تحلى عنى يا لبنى و روحى على بيتكم
لبنى ٠٠٠ و دى تيجى يا صاحبتى و غلاوتك عندى مش همشى من هنا غير لما أعرف مالك .. يلا بقى أحكلى أيه إللى حصل
إيلا ٠٠٠ بصراحة انا مكسوفه مش عارفه أحكيلك ازاى
لبنى٠٠٠ هو فى ايه بالظبط
حكت إيلا كل ما حدث للبنى .. شهقت لبنى بعد ما سمعت من إيلا و قالت
لبنى ٠٠٠ باسك. يعنى باسك يعنى سمعته صح 
إيلا ٠٠٠ انا مش عارفه حصل أزاى بس أنا حاولت امنعوا. بس مقدرتش .
لبنى ٠٠٠يعنى باسك ڠصب عنك . وانت سكتى
إيلا ٠٠٠ لاء طبعآ انا ضړبته بالقلم على وشه ... بس
لبنى ٠٠٠ بس ايه 
إيلا ٠٠٠ هو أكيد مش هيسكت على القلم ده ..هو هددنى انى هدفع تمنه غالى
لبنى ٠٠٠ خاېفه منه
إيلا ٠٠٠ أنتى عارفه انى مابخافش.... انا لولا تعب كريم .و انى محتاجة فلوس عشان علاجه كنت سيبت الشغل ده خالص
لبنى ٠٠٠ تفتكرى بعد إللى حصل النهاردة هيخليكى تفضلى فى الشغل ولا هيطردك 
إيلا ٠٠٠ أكيد هيطردنى... يعنى يادوب من دلوقتى أدور على شغل تانى
لبنى ٠٠٠ أنا متهيألى انه مش هيطردك و بكره تشوفى
إيلا٠٠٠ انا كده كده هقبض الشهر ده و هدور على شغل تانى
لبنى ٠٠٠ تمام ..اه صح هتروحى تجيبى نتيجة الأشعة والتحليل بتاعت كريم امتى
إيلا ٠٠٠ بعد ساعة هجيبها و هطلع بيهم على الدكتور
لبنى ٠٠٠ أنا جايه معاكى
فى كافيتريا الفندق 
يجلس عمر فى قمة غضبه على إحدى الطاولات مع أصدقائه
ميار ٠٠٠ مالك يا عمر شكلك مدايقه
عمر ٠٠٠ لأ مافيش حاجه عادى
ميار ٠٠٠ طيب قولى يا حبيبى هتسهرنى فين النهاردة 
عمر ٠٠٠ أنا ماليش مزاج للسهر النهاردة 
رودى ٠٠٠ عمر صح انت مش كنت عزمنا على رحلة على اليخت
مرام ٠٠٠ آه صح يا عمر انا من زمان مروحتش رحله على اليخت 
ميار ٠٠٠ بدلع اه يا عمر عشان خاطرى انا عايزه اطلع رحلة على اليخت
عمر٠٠٠ قولت ماليش مزاج لا رحلات ولا سهر 
فطين ٠٠٠ آه أكيد عايز تتفرغ للرهان 
لوئ٠٠٠ رهان ايه ده
فطين ٠٠٠ رهان على بنت ايه جامدة طحن.... حاجة كده فى الجوااااال و تعدل الدماغ
شعر عمر بالانزعاج من وصف فطين لإيلا لذلك قال پحده
عمر ٠٠٠ فطين ياريت متجبش سيرة البنت ده تانى فاهم
مروان ٠٠٠ تبقى خسړت الرهان 
عمر ٠٠٠ مروان ياريت تقفل الكلام فى الحوار ده فاهم
فطين ٠٠٠ خلاص يبقى البنت حلال عليا
هنا خبط عمر