سكريبت صدفة سعيدة كامله

بس عشان اخوها البلطجي ماحدش بيساعدها
بتلاقي مطوته طالعة من جيبه بتشدها وتفتحها و....
بقلم حنين عادل 
_____________________________
بعد أسبوع ....
أحمد ايه أميرة ديزني لسه ما جاتش
بص يزن في الأرض بخجل انا أسف يا أحمد انا عارف ان الدنيا مريحة اليومين دول ومافيش بيع ولا شراء وان دول كان فلوس البضاعة اللي جاية بص اعتبرهم نصيبي في المحل ونفض الشراكة انا عارف اني اتسببت في خسارة كبيرة مش عارف دماغي كانت فين
بيمسكه احمد وبيلف كتفه حوالين رقبته وبيضحك 
يا جدع عمرنا مع بعض علي الۏحش قبل الحلو احنا منحوسين بس بطل كلام اهبل ورزقنا علي الله
________________________
_معسلة يا بطاااااااطا
بتكون نعمة في اوضة في السطوح ...الباب بيخبط
بتقوم تفتح الباب وبيبان أن دراعها مكسور وفي كدمات في وشها وتحت عيونها ازرق ..
بتبتسم نعمة
مش عارفه من غيرك كنت عملت ايه يا معلم جابر ربنا يخليك ويكرمك
بيكون شايل صينية عليها اكل 
وصيت لك يا ست الستات علي كباب وكفته انما ايه يبروا البدن هيخلوكي زي الفل ربنا يجازي ولاد الحړام
بتدخل نعمة وبيدخل وراها وفي ايده الصينية وبيحطها عالترابيزة
نعمة والله انا مكسوفة منك يا معلم مش كفاية مشيلاك همي
جابر كل هايتحل بس احكيلي بس مشكلتك واحنا بناكل ياست الستات كلهم
بتبدأ أكل وبتقول اسمي مليكة أحمد عبد المعز أخويا الله يجحمه مطرح ماهو قاعد كان بيعمل كل حاجة واي حاجة غلط في الدنيا ومدمن علي البتاع المنيل ده اللي اسمه بودره ودي مۏت وخړاب ديار
ماسبش حاجة في البيت الا ما باعها حتي حتتين العفش اللي امي وابويا الله يرحمهم سابوها
حتي البيت اللي كان اوينا باعه برخص التراب وسكنا في اوضة تحت الارض الرطوبة تنهش في عضمنا ده بعد ما مضاني علي نصيبي قوة واقتدار بالضړب والشتيمة
كل ده وعايشة وبطلب من ربنا الستر بعد ما بقت سمعتنا بين الناس زفت
لحد ما في يوم جه طلب بطاقتي ڠصب عني ولما مارضيتش ضړبني علقة مۏت وراح جاب بيها قرض كبير
ماعتش عارفة اعمل ايه ماكنتش بنام الليل من التفكير لحد ما عرفت القصة الحقيقية من كلامه مع صاحبه في التليفون أنه جوزني لواحد بلطجي من مقاطيعه علي أنه وكيلي
والبلطجي مستني ياخدني ...عرفت من هنا واتعصبت قولتله ليه ياخويا ياسندي تعمل كده في اختك طلع اداله مېت الف جنيه
وقالي طالما عرفتي يا حلوة يلا روحي لجوزك ...
جابر پغضب يخص علي الرجالة بس كده جوازك باطل ما تقلقيش
نعمة مليكة روحت الراجل البلطجي قولتله كده ضحك كنت هاستني ايه من واحد مايعرفش ربنا وقالي عاوزه نفكنا من كل حاجة هاتي الفلوس اللي اخوكي خدها روحت لاخويا قولتله وكلمة منه كلمة مني طلعت له كل اللي في قلبي ماستحملش كلامي جه عالجرح وقلل من رجولته فمسكني ضړبني وقالي هايوديني لجوزي تاني يوم
استنيت لما نام وهربت وركبت قطر القاهرة وجيت هنا وقعت قدامك وربنا وقفك ليا وديتني المستشفي واكرمتني وطلعت ابن اصول...
جابر ياالله في اخوات تعمل كده في الزمن ده انا عمري عايش وحداني نفسي كان يبقي ليا اخ ولا اخت ولا يكون ليا ونيس امي جابتني وسط ولادها اللي بيموتوا كلهم ماعاش غيري
نعمة انت صحيح يا معلم ما تجوزتش ليه
جابر مالقيتش حد يحبني لشخصي ما يغركيش اني جزار وكده لأ انا حسيس اوي كل الستات اللي عرفتم كانوا طمعانين فيا بس انا حاسس اني لقيت اللي كنت بدور عليها ربنا يقرب البعيد هههه
ابتسمت نعمة أو مليكة عوزاكم ماتتلخبطوش نعمة