رواية اجنحة الاحلام الفصل 3
عقله! ابتسمت ففهم سبب الابتسامة بص للأكل وكمل
أنا بجد آسف.
أسفك مش مقبول يا عمار مضطر تقف تساعدني في عمايل الغدا علشان اسامحك.. بس لما تخف.
ضحك وكمل بهدوء
يااه بس كده! عنينا لسيا هانم.. يلا نلم بقى الأطباق.
ضحكت بهدوء
متتحمسش اوي كده هقوم أنا ألم وأنت اغسل ايدك واستناني اعمل كوبايتين شاي ولما نجوع نبقى نطلب أكل مش قادرة أعمل حاجة بصراحة.
هو اټجنن! ازاي يقولك حاجة زي دي ده أنا هروح أكسر المكتب فوق دماغه.
حركت راسي بهدوء ومسكت ايده
أهدى بس علشان أنت تعبان هو أنا سكتله يعني.. ما أنا لطشته بالقلم على وشه.
بصلي پصدمة فضحكت
لو تعرف يا عمار شكله وهو مصډوم من القلم كنت ھموت وأضحك.. بس والله ايدي لطشته لوحدها من العصبية.
هو أنا ممكن أعمل حاجة
بصلي بأهتمام فقمت من على الكرسي قعدت جنبه على الكنبة وحضنته.. كنت حساه مخضوض أو مصډوم أنا كمان كنت حاسة إني مستغربة الموقف حاوطني بإيده وحسيت بجسمه بيرتخي وبيبتسم فعيوني دمعت بدأ يطبطب على راسي بهدوء وباسني من دماغه
أنا كنت محتاجاك أوي يا عمار تعبت من إني أرسم وش القوة وأواجه العالم كأني راجل أنا عارفة إنك كنت بتتابع من بعيد وبتساعدني أنا حتى لو هكدب عيني إنك كنت موجود في حفلة التخرج بتاعتي مش هقدر أكدب أحساسي ولو هكدب عيني إنك كنت موجود في كل اوقاتي المهمة مش هقدر أكدب قلبي.. أنت الحاجة الوحيدة اللي بقيالي من ماما وبابا.
الكثير والكثير من البكاء والعويل حرفيا وفجأة حسيت إني محتاجة أقوم اروق الأوضة.. قمت روقتها فعلا وقولتله إني محتاجة حاجات للبيت فنزلت علشان أجيب الحاجة وقررت أعدي على مروان أجيب الأكل من عنده.
لأ يا حبيبتي خلي بالك من نفسك لو عوزت حاجة هرن عليك.
حركت راسي بماشي وقفلت الباب ونزلت بدأت ألف أجيب اكل للبيت وحاجات كانت ناقصة وجبت أكل قطط وأكل كلاب علشان بحب احطلهم تحت البيت ولو قابلني بحب أأكلهم.
مساء الخير.
لف فابتسم لما لقاني أنا
انسة سيا الزهري بنفسها عندنا!
كشرت فضحك وكمل بأستسلام
يالهوي سيا بحالها!
ضحكت بهدوء وكملت
بما إنك صاحب المكان.. رشحلي أكل كويس بقى.
ابتسم وشاورلي أقعد فقعدت على تربيزة صغيرة لشخصين كده
