رواية قدر لنا اللقاء الفصل 12

إية يا ابني
حازم بضحك هبقى أقولك بعدين بس وريني عروستنا.
شروق من ورا هيام أنا هنا أهو يا زومة.
بقلمي ريهام أبو المجد 
حازم بصلها وكان منبهر جدا من جمالها ورقتها وقال بدموع أول مرة أشوف عروسة حلوة اووي كدا.
شروق قربت منه ومسحت دموعه وقالت حازم بلاش دموع عشان معيطشي أنا كمان والميكب يبوظ.
حازم باس راسها وقال ألف مليون مبروك يا حبيبتي أجمل عروسة بجد دا يا بخت محمود بجد مش كنت خطڤتك أنا وأتجوزتك.
شروق ضحكت وقالت طب ألحق بقى الشرار اللي وراك ولسه لو محمود عرف هيعلقك على باب زويل.
حازم ضحك وقال خاېف أبص ورايا والله.
كله ضحك عليه وشروق قالت على فكرة بيهزر يا ميرا متخديش على كلامه.
حازم ايوا والله دا أنا أهبل.
ميرا ضحكت ڠصب عنها وقالت هعديها المرة دي عشان خاطر شوشو مرات أبية الغالية.
حازم حبيبي يا ناس.
ميرا لم نفسك كدا عيب.
الباب خبط تاني وكان غسان فهيام اللي فتحت وأول ما شافها انبهر بجمالها وقال إية دا أنا جيت عنوان غلط ولا إية!
هيام بضحك لا هو يا سيادة المقدم.
غسان شدها ليه وحضنها وقال يعني حضرتك مدام هيام غسان راشد عاشور.
هيام ضحكت وقالت بالظبط يا فندم.
غسان باسها وقال طب ينفع نتجوز احنا كمان دلوقتي
هيام بضحك لا مينفعشي لازم أفرح بصاحبتي الأول.
غسان ايوا فكرتيني أنا كنت نسيت أنا جاي ليه أول ما شوفتك.
هيام ابتسم وقالت بطل بقى تكسفني.
غسان بحبك بردك.
هيام مسكت إيده وقالت تعالى عشان تشوف أختك د
غسان دخل ولقى حازم جوا قال أنت إية اللي جابك هنا يا ابني أنا كل إما أروح في مكان الاقيك!
حازم الله وهي أختك لوحدك ما أختي أنا كمان وكنت عايز أشوفها.
هيام بس أنتم هتشاكلوا شوف أختك يا غسان.
غسان بص ورا حازم وشافها وقال پصدمة مش معقول بجد هو في جمال كدا
شروق بضحك حبيبي فيه جمال أحسن من كدا وهي هيام المدام بتاعتك.
غسان قرب منها وباس راسها وحضنها وقال أنا مش مصدق إني شوفتك بالفستان الأبيض بعد ما كنتي بضفاير قبل ما ياخدوكي مني مش مصدق إن النهاردة هسلمك بإيدي لعريسك.
شروق بحب ننسى الماضي ونبدأ من جديد والمهم إنك جنبي يا غسان وضهري اللي عمره ما يميل وحافظ على هيام دي قطعة من روحي والله.
هيام دمعت وقالت وأنتي قطعة من قلبي.
غسان بحب دي في عيوني وجوا قلبي عمري ما أفكر أأذيها لإني هكون بأذي نفسي ومفيش إنسان عاقل يأذي نفسه يا شروق.
شروق ربنا يجمعكم على خير يا حبايبي وتعيشوا نفس فرحتي.
بقلمي ريهام أبو المجد 
الحفلة بدأت والكل حضر وكانت حفلة تجنن وبدأ عرض الموضة وأتعرض فيه الديزينات اللي نفذوها واللي حققت نجاح كبير جدا وفعلا محمود مضى عقد الشراكة مع الشركة الأمريكية وحقق نجاح كبير بالشراكة دي.
بعد وقت من الحفلة محمود طلع على الإستيدج ومسك المايك وقال دلوقتي بعد ما تمت الشراكة ومضينا العقود والعرض انتهى أحب أقولكم إن لسه الحفلة هتبتدي.
اتنهد وقال النهاردة زفافي على الإنسانة الوحيدة اللي حبتها واللي قلبي وعقلي اختارها حب عمري وشريكتي في كل خطوة وكل نفس بيخرج مني واللي العرض دا نجح بسبب الديزينات بتاعتها وتعبها معايا.
الكل بدأ يصقف والصحافة بتاخد صور والكاميرا بتسجل كل حاجة.
محمود النهاردة زفافي على زوجتي وحبيبتي شروق سامح عاشور واللي بقت مدام شروق محمود المصري.
الكل بدأ يهنيه والصحافة تسألوا أسئلة وفجأة الإضاءة إتغيرت فعرف أنها وصلت فبص فوق لقى أميرته لا الملكة بتاعته