رواية سيليا وثلاث اوغاد الفصل الرابع4 الاخير
انت في الصفحة 1 من 4 صفحات
البارت الرابع بقلمي إيمان شلبي
هزارك بايخ اوي يا عابد بصراحه!
غمض عيونه وهو بيرد بملامح خاليه من اي تعبير
بس انا مش بهزر يا سيليا انا فعلا اتجوزت والبنت حامل مني
عارفين احساس التوهه
احساس أن انت متبقاش عارف تفرق بين
الحقيقه والخيال
ياتري اللي بيحصل حقيقي
او مجرد حلم بايخ سخيف بشع
ودقايق ونفوق منه علي الواقع الجميل
سكت لحظه بحاول استوعب
بحاول افوق
بحاول اصدق أنه عمل كده
مسك ايدي وهو بيبص جوا عيوني والدموع بتلمع في عيونه
سيليا متسبنيش انا بحبك والله العظيم اللي حصل ده كان ڠصب عني!
سحبت ايدي بكل هدوء ثبات وقوه!
بصتله وانا برد بنبره عاديه خاليه من اي شعور انا حاسه بيه
ايه اللي يخليك تعمل كده
حط عيونه في الأرض بأحراج وهو بيهمس
ضعفت اي انسان في الدنيا ممكن يضعف وانا مش ملاك ومش مثالي زي مانتي شيفاني انا بني آدم وفي لحظه ظهرت قصادي بنت جميله مقدرتش اقاوم جمالها وغلطت!
ابتسمت بسخريه وانا بسند ظهري علي الكرسي
مبرر هايل
سيليا انا بحبك والله العظيم عمري ما حبيت حد زي ما حبيتك ا انا بس ا انا......
لا يا سيليا لا انا مش زي حد منهم هما مفيش ولا واحد منهم حبك لكن أنا حبيتك
ابتسمت بسخرية لدرجه اتحولت ابتسامتي لضحك هستيري وهو بيبصلي بذهول
انتي بتضحكي علي ايه
وقفت ضحك ورديت بتلقائية
علي النكته اللي قولتها
انا مبقولش نكته انا بقولك الحقيقه!
سكت لحظه وانا ببصله وجوايا مليون سؤال نفسي اعرف إجابتهم
ازاي كنت بتخليني متطمنه ومفيش ذره شك انك ممكن تخوني بالرغم انك كنت في حضڼ واحده تانيه!
عشان انا فعلا بحبك يا سيليا انا مكذبتش عليكي ومخدعتكيش
صړخت بعصبيه والدموع بدأت تتجمع في عيوني
لا خدعتني زيك زيهم
لما قررت احكيلك عن زمان
ومتعملش زيهم
لكن انت عملت ايه
شيلت قلبي ورميته علي الارض ودوست عليه بكل جبروت وقسوه
انت اسوء شخص في روايتي يا عابد
بس انا....
خلعت الدبله ورميتها في وشه وانا بقوم من مكاني
مش عايزه اشوف وشك مره تانيه
انا بكرهك بكرهكم كلكم
خرجت من الكافيه
بجر خيبه املي للمره التالته
اخر ذره مشاعر كنت محافظه عليها
ضاعت مع عابد!
كان في اعتقادي أنه هيحافظ علي مشاعري
هيضمها جوا كفوفه بكل قوته
هيحميها من التوهه والضياع
لكن للاسف رماها بكل قسوه علي الارض
رمي مشاعري وقلبي وروحي اللي كانت معاه وداس عليهم برجله زي السچاره تماما وبكل القسۏه اللي في العالم!
عمرو حسن قال
أول م وصله اني بحبه في شيء مسه
اول م ضمني إتغير للناحية التانيه
وف ظرف مفيش ظهر اللي داريته عن العالم
كل اللى عملت اني مشوفتوش بان ف طباعه
وعنيه اللى بانولي غزاله
صبحوا
