رواية الاميره المنفيه الفصل 4بقلم اسماعيل موسى
انت في الصفحة 2 من صفحتين
مين اركادين ده؟
همس الصوت اركادين الاسطوره، أسطورة المستذئبين الهجين الخارق
وكانت كارولين تمشى الان وبداء الكلام يجذبها
الذئاب فى الناحيه التانيه كانو هياكلونى لكن فيه ذئب ساعدنى
اسمه ارد،؟ بردا
همس الصوت اردين؟
ايوه صح اسمه اردين، لكن اعتقد انهم قبضو عليه
متخفيش على اردين ولا تخافى منه، خافى من رعد لانه ذئب بلا شرف
هما ليه كانو بيدور عليكى؟
___وانت عرفت ازاى؟ همست كارولين بقلق
انا بقدر اسمع أصوات من بعيد جدا، دى واحده من مميزاتى
___مش عارفه حاجه انا وصلت هنا اقتص من الذئب إلى قتل والدى
ضحك الصوت، نياها، نياها، انتى تقتصى من مستذئب يا بشريه؟
انهم يعيشون فى قطيع، لټقتلى واحد منهم لازم تحاربى القطيع كله
وماله احارب القطيع كله هو انا شويه
ضحك الصوت مره تانيه، حيلك حيلك، مش هتقدرى تعملى كده غير لو كنتى مستذئبه
ومش اى مستذئبه كمان لازم تكونى اميره من أصل ملكى
ودا مستبعد فى وضعك
انت واخدنى فين؟
احنا رايحين منطقة لاروفين، منطقه محايده
تقدرى تقولى انها فى منتصف الغابه الملعونه لكن منطقه آمنه
ادعى ربنا اوصلك هناك قبل ما سكان الغابه يشعرو بيكى
هو انت ضعيف للدرجه دى؟ مش هتقدر تدافع عنى؟
همس الصوت بسخريه عايزه ايه من مخلوق مش قادر يساعد نفسه؟
انا ضعيف جدا جدا
وكان المسير امتد لأكثر من ساعه كامله وكارولين متعبه
انا لازم اخد استراحه من فضلك؟
همس الصوت بمزاح، ايه ان شاء الله؟ مش عايزه كمان بطانيه تريحى ساعه ولا حاجه
بجد مش قادره امشى حاسه ان رجليه مش قادره تشلينى
توقف الصوت لحظه، اقتربت خطواته من كارولين
انا هحملك فوق ظهرى ولاحظت فى الفراغ ظهر انسان غير واضح ولا مرئى
اركبى فوق كتفى
نفذت كارولين الأمر وكما فى الخيال وجدت نفسها تتحرك وهى معلقه فى الهواء
كانت محموله فوق الا شيء لكنها تشعر بكل شيء
انا هركض تشبثى كويس بعنقى، وتحركت كارولين بسرعه بعد أن تحرك الشيء الذى يحملها
بعد تلك السرعه وصلت كارولين أرض لاروفين، مجموعة خيام مندسه بين أشجار الغابه، يشقها غدير لجزائين
انزلى؟
نزلت كارولين
شايفه الخيمه الحمراء إلى هناك دى؟
ردت كارولين، ايوه شايفاها
روحى عليها على طول وبلاش تقصدى الخيمه الزرقاء
او السوداء او حتى الصفراء
يلا سلام يا قمر
اختفى الصوت وانعدم وجوده، كان هناك اطفال يلعبون ويركضون على العشب بين الازهار
بنات وأولاد صغار بهيئه جسمانيه غريبه، مرت كارولين بينهم
ولاحظت انهم غير مهتمين بوجودها
او؟ انهم فقط لا يستطيعون رؤيتها
