رواية موضوع عائلي الجزء الثالث بيت الهنا البارت الثاني بقلم رحاب القاضي
بنبره خائفه
خلاص بقي يا سمر انا عايزاكي تيجي عندي دلوقتي انا مش عايزه اقعد لوحدي معاهم ارجوكي..
سمر
اجيلك فين هو انتي فين اصلا..
سدره
في البيت يلا مستنياكي مش طايقه ابويا ومراته وتعالي بسرعه والا هتحصلي حاجه..
سمر
طيب جايه علي طول..
بقلم_الكاتبه_رحاب_القاضي
_ واليوم عدي كويس ورجع حسن من الشغل لقاهم كلهم قاعدين بيذاكرو معادا رضوي وطارق فقال..
ربنا يهديكم اومال طارق اخوكم فين ورضوي كمان جات من الشغل ..
ليلي طلعت من المطبخ وقالت
طارق جه من الشغل ودخل ينام شويه وضوي جوه في اوضتها روح نام انت ساعه يكون الغدا جهز...
حسن
ماشي ومش عايز دوشه عشان عندي صدااع هيفرتك دماغي..
_ ودخل جوه وغير هدومه وقبل ما ينام سمع صوت دوشه جامد بره طلع بسرعه ولقي طارق پيتخانق مع روان ورضوي بتحجز بينهم وروفان وروز پيتخانقو وليلي بتكلم اختها في الموبيل..
انا مش قولت ما تنزليش صور تاني علي الانستجرام بالمنظر ده ياا بت...
رضوي
ميصحش كده يا طارق اتكلم بالراحه وهي هتمسح الصوره..
روان پحده
سبيه يا رضوي يوريني هيعمل ايه بتاع سندس بقي في واحد. يحب واحده اسمها سندس..
رضوي
سندس الملزقه صح انت ليه بتعمل فيا كده يا طارق مالقتش غير البت دي يعني صحابي يقولو عليا ايه انا اخويا يخطب البت الغلسه دي...
اخرسي يا رضوي ما تقوليش عليها كده والله لانفخك يا روان...
رضوي وهي بتجري وراهم
استني هنا رد عليا ازاي تحب سندس الملزقه رد عليا...
وعلي الارض روفان بعيااط
سيبي الواجب بتاعي يا روفان..
روز
يا كداابه ده بتاعي انا انتي مش بتعرفي تعملي الواجب..
روفان
يا بت انا مش عايزه اغلط فيكي عشان ابوكي الراجل الكبير اللي واقف ده..
لااا يا منال روان مش هتتجوز دلوقتي وبعدين احنا خيبنا لما جوزنا ريناد للواد سيف ابن عمتها وخطبتنا رضوي لكمال ابن عمتها التانيه واهو ابن الجزمه عقدها ليا اما روان دي هجوزها لواحد عليه القيمه بلاش تخيب خيبتي وخيبة اخواتها..
حسن پحده
بااااااس يا غجر اييييه حلب عايش مع حلب اقفلي ام الموبيل ده يا ليلي..
مالك يا بابا يا حبيبي حد زعلك في حاجه متعصب كده ليه..
طارق
ايوه يا بابا كويس انك صحيت عشان تشوف بنتك اللي مالقيتش حد يربيها ااا..
قلع حسن الشبشب وقال
مين دي اللي مالقيتش حد يربيها وبتقولها في وشي..
جري طارق وروان قالت
ايوه اجري واتخبي زي الفار المبلول كده..
طارق
وربنا لاجيلك يا جزمه..
يروز پبكاء
حسن بعصبيه
اخرسو يا غجر عايز اسمع صوت حد تاني عشان يبقي يومه مش معدي..
ليلي
في ايه بس يا حسن ما ده حال كل يوم..
حسن
انا تعبت من العيال والدوشه بقي ساعه مش عارف انام فيها في البيت لا الصغير بيسمع الكلام ولا حتي الكبير..
روفان
بابا بابا روز شدتني من شعري..
حسن بعصبيه
روحي شديها من شعرها انتي كمان ما تجيش تقوليلي
ليلي
جرا ايه يا حسن انت بتسخن الولاد علي بعض ده بدل ما تراضيهم..
_ وفجأه الباب خبط ودخلت ريناد بنته الكبيره وهي شايله بنتها علي ايدها وبطنها كبيره قدامها وقالت..
ريناد پبكاء
طلقني منه يا بابااا انا مش عايزه اعيش معااه تاني..
ودخل وراها سيف جوزها وقال
هو انتي كنتي تطولي تعيشي معايا ازيك يا خالي عامل ايه وحشني والله..
ريناد
لييه من حلاوتك ولا من حلاوتك يا عود القصب انت انت كويس يا بابا..
دخل عزالدين عندهم وقال
في ايه مالكم ولا مش مهم حد. يجيب موبيله بسرعه عشان الماتش هيبدأ..
سيف جوز ريناد
استني يا خالو عز كده بقي انا عود قصب يا كوره كفر انتي واقف ليه يا خالو حسن تعالي ندخل..
حسن
الله يخربيتك علي بيت مراتك علي بيت خالك اطلعووو بره عايز اناااااااام..
ليلي
الله بقي يا حسن استني نشوف العيال مالهم وايه الحكايه..
_ وبعد شويه قعد حسن وليلي مع ريناد بنتهم وجوزها سيف وطارق معاهم ورضوي وروان اخدو تيا بنت اختهم واخواتهم الصغيرين وقعدو جوه..
حسن
مش كنتو داخلين ماسكين في بعض سكتو دلوقتي..
ريناد
اهو عندك خليه يتكلم ويقولك عمل ايه..
سيف
وانا اتكلم ليه هو انتي بتديني فرصه اتكلم قولي انتي كل اللي عندك..
حسن
ما هو يا تتكلمو وتخلصو يا تمشو وتسيبوني انام..
ريناد بدموع
البيه يا بابا اللي عامل فيها محترم ومؤدب عمل..
عيطت وقالت
والله ما قادره اقولك عمل ايه..
ليلي
يالهوي هي وصلت لكده يا سيف..
سيف
ما تافوريش يا مرات خالي هي ماقالتش حاجه اصلا..
طارق
بت انتي انطقي ده انتي رخمه بجد وبعدين سيف صاحبي وحبيبي ما يعملش حاجه غلط..
ريناد پحده
لو هو صاحبك انا اختك علي فكره يا طارق...
حسن
لاخر مره هقولك اتكلمي علي طول يا ريناد جوزك عمل ايه..
ريناد
شميت ريحة بيرفوم حريمي في هدومه يا بابا الخاېن الغشاش بعد كل ده بيخوني..
سيف
شوفتو انا بقي مش هتكلم عشان انا تعبت اتكلمو انتو..
ليلي
هرمونات الحمل معلش..
ريناد بغيظ
انا بتكلم بجد وبعدين انا خلاص مش عايزه ارجعله تاني..
وقف سيف وقال
ده انتي بتتلككي بقي خليكي قااعده عند ابوكي براحتك شالله تخللي..
عزالدين
اترزع يالا واتكلم كويس..
ليلي پحده
استني يا عز طيب ايه رئيك بقي انها هتقعد عندنا فعلا ولما تعرف قيمتها ابقي تعالي خدها..
حسن
ما تكبريش الموضوع يا ليلي وخلي بنتك تروح مع جوزها..
طارق
انا بقول كده برضو الموضوع مش مستاهل يا ريناد..
ليلي
جرا ايه هو انتو بتجاملوه كمان هي ريناد مالهاش اهل ولا ايه..
حسن پحده
لا ليها خليها عندك وانت يا ابن اختي روح عند امك اليومين دول ولما تبقي تتعلم تنضف هدومك قبل ما تدخل بيتك ابقي تعالي خد مراتك..
ليلي بخبث
وانت عرفت منين موضوع ينضف هدومه قبل ما يدخل البيت ده يا حسن..
عزالدين ضحك وقال
هههههههه البس بقي فوق دماغك..
حسن بغيظ
ايه هتشكي فيا وهتزعلي في بيت اهلك يلا بالسلامه وخدي عيالك في ايدك وانتي ماشيه انا مصدع وعايز انام..
ليلي
لا يا حبيبي انا يوم ما احس بس انك بصيت لوحده غيري والله لاكون مبيتاك في الشارع انت وعيالك يا حسن..
عزالدين
بس يا ليلي حسن ده حافظ مصحفين ده قال يبص برا قال وانت يا سيف اقعد والكلام بالهداوه مش كده..
سيف بضيق
لا يا خالي انا ماشي يا خالي وبراحتك يا ريناد اعملي اللي انتي عايزااه..
_ مشي سيف وريناد فضلت ټعيط واخواتها كلهم دخلو وفضلو يعيطو معاها..
رضوي
خلاص بقي يا ريناد هما كلهم كده صنف واطي..
بص طارق وحسن وعزالدين لبعض وقال عز
بنتك بتلقح علينا يا حسن ينفع كده..
روفان بصوت واطي
بابا هي ريناد بټعيط ليه
حسن
عشان تعبانه يا حبيبتي شويه..
روفان ضيقت عينيها بشكل مضحك وقالت
انت بتكدب يا بابا وفاكرني صغيره ومش فاهمه حاجه..
بص حسن لعز بغيظ وقال
رد عليها مش تربيتك دي..
عزالدين
وانا مالي انا مش عيالك..
حسن لريناد پحده
انتي بټعيطي ليه دلوقتي..
ليلي بغيظ
بسبب اختك وابنها جوازة الشؤم والندامه.
ريناد
شوفتي يا ماما الخاېن ما صدق يسيبني ويمشي اكيد عشان يروحلها...
حسن
انا رايح انام عندك يا عز وخليك معاهم يا بيت مجانين..
_مشي حسن فعلا وطارق بص لروان اللي كانت ماسكه موبيلها ومبتسمه بهدوء وقال..
طارق
بتكلمي مين يا بت انتي..
روان
وانت مالك بكلم صحابي..
طارق
طيب وريني كده..
رووان
وانا اوريك الكلام اللي بيني وبين صحابي ليه انا داخله اوضتي..
دخلت روان اوضتها وروفان قربت من طارق وقالتله
طاروقه اقولك روان كانت بتكلم مين..
طارق بجمود
ايوه قولي..
روفان
والمقابل..
طارق
هديكي عشره جنيه اخلصي..
روفان
طيب
