اسكريبت تزوجت اخى كاملة

ا الحمد لله
حسام متنسيش بكره خطوبتي ها لازم تيجي معانا واحنا بنتقدم بما انك اختي الصغيره ...
سلمي وهي بتتنفس بصعوبه ا اه اكيد ا الف مبروك ياحسام ربنا يكمل بخير
حسام ببرود عقبالك
سلمي وهي ماسكه دموعها ش شكرا عن اذنك جدو بينادي عليا
قفلت سلمي مع حسام وهي بتتنفس بسرعه وحست بحراره شديده في جسمها كله مش عارفه ليه حست بالإحساس ده حاسه بغيره شديده بتنهش قلبها اتاكدت انها فعلا بتحب حسام كانت في التلات ايام اللي عند جدها فيهم حاسه ان يومها ناقص من غيره ومن غير الخڼاقه بتاعته كل يوم علي اسباب تافهه حست بۏجع لما قالها انا هخطب واحده تانيه انبت نفسها لأنه كان قدامها وكان في فرصه تقرب منه بس هي اللي ضيعتها بغبائها ...
ساعات كتيره بتبقي الفرص متاحه قدامنا واحنا بنتجاهلها وبنعاند عشان نضيعها بكل الطرق بس بنحس بلحظه ندم أن الفرصه ديه ضاعت من أيدينا وبنقول ياريت اللي جرا ما كان مش لو كنت عملت كذا كان زماني مرتاحه دلوقتي !! ياتري اي اللي هيحصل مع سلمي هل هتقدر ترجع حسام يحبها تاني ولا صعب بعد ما حسام قرر أنه يخرجها من حياته
تزوجت_اخي
البارت_الاخير
في بيت جد سلمي كانت واقفه قدام المرايه بتتفحص شكلها للمره الاخيره كانت لابسه اسكيرت قصيره وعليها لاجن وبلوفر احمر وبوط اسود طويل وفارده شعرها كانت شكلها رقيق اوي وحطت ميكب خفيف واخدت شنطتها وودعت جدها ونزلت لتحت وكان حسام هو ومليكه ومامته مستنينها تحت في العربيه ...
سلمي اول ما شافته قلبها اتنفض من مكانها كان شكله حلو ووسيم اوي ببدلته الرمادي وقميصه الابيض وعضلات صدره البارزه ولا ريحه البرفيوم بتاعته اللي حست انها هتدوخ منها لما قربت تسلم عليه ...
سلمي بتوتر ا الف مبروك ياحسام
حسام وهو بيبتسم بهدوء الله يبارك فيكي عقبالك
بصتله في عنيه بحزن ودخلت العربيه وسلمت علي خالتها ومليكه ...
مليكه بغمزه بس ايه القمر ده 
سلمي وهي بتعدل البلوفر بتاعها بغرور ده اقل حاجه عندي
حسام كان بيبصلها بطرف عنيه من المرايه وقلبه بيدق كالعاده !
وصلوا بيت العروسه وبعد السلام والترحاب دخلت العروسه واللي انبهر الكل من جمالها وخاصه سلمي كانت لابسه دريس بيبي بلو طويل باكمام شفافه وفارده شعرها اللى واصل لبعد ظهرها وحاطه ميك اب رقيق وكانت اجمل بكتير من سلمي ...
سلمت علي الكل وقعدت جنب سلمي اللي كانت قاعده ھتموت من الغيظ ...
مليكه بخفوت مال وشك احمر كده ليه 
سلمي بغيظ مفيش
مليكه العروسه حلوه اوي
سلمي وهي بتتنفس بسرعه وغيظ ااه
مليكه بمكر لايقه علي حسام صح
سلمي بغيظ اكبر ااه
مليكه ربنا يكمل علي خير
سلمي بخفوت يارب ما تسمع منها ..وجالها فكره قررت تنفذها عشان تبوظ الجوازه ديه
سلمي بخفوت للعروسه والكل قاعد بيتكلم مع ابو العروسه انتي تعرفي حسام من امتي 
العروسه ريناد بخجل من شهرين
سلمي امممم يعني قصه حب وكده
ريناد عايزه الصراحه
سلمي وهي بتبتسم ابتسامه صفراء اكيد
ريناد وهي بتفرك ايديها بصراحه انا اللي كنت معجبه بيه وهو مكانش شايفني
سلمي بغيظ وبعدين 
ريناد وبعدين هو جه عرض عليا اننا نرتبط وانا وافقت وقالي اقول لبابا أنه جاي يشرب معاه الشاي
سلمي بخبث طب هو قالك اللي بيحصله وهو نايم ولا لسه
ريناد باستغراب لا مقالش هو ايه اللي بيحصل 
سلمي بخبث اكبر مش عايزه اخوفك
ريناد پخوف لا قولي بليز
سلمي بخفوت حسام ملبوس
ريناد پخوف ايييه
سلمي الجن اللي لابسه بيجيله وهو نايم وحسام بيقوم يكلم نفسه وبيعمل حاجات غريبه
ريناد وهي بتبلع ريقها زي ايه 
سلمي يعني عندك مثلا مره كان هيرمي نفسه من الشباك ومره كان هيولع في الشقه مره كان هيموتني وهو مش حاسس كل ده يعني ممكن تقومي تلاقي نفسك في القپر ...
ريناد پخوف يالهوي ط طب اعمل ايه
سلمي ب بصي هو اخويا وانا بحبه بس احنا بنات زي بعض برضو وانتي صعبانه عليا واكيد هتلاقي حد احسن من حسام وانا اخد حسام
ريناد افنددددم !!
سلمي بتوتر ق قصدي وانا اخد حسام اوديه لشيخ وكده
ريناد صح انا هرفض الجوازه ديه
سلمي جدعه
ريناد بصوت عالي بابا
الاب باستغراب ايه ياحبيبتي 
ريناد بتوتر وهي بتبص لحسام اللي كان بيبص بين الحين والتاني لسلمي بغيظ ك كنت عايزه اتكلم مع حضرتك شويه علي انفراد
الاب باحراج طب عن اذنكوا ياجماعه ..
دخلت ريناد وباباها الاوضه وحسام بيبص لسلمي بغموض واول مادخلوا قام من مكانه وقعد جنب سلمي اللي كانت بصاله پخوف وتوتر ...
حسام وهو بينزل برأسه جنب ودنها قولتيلها ايه ياسلمي خليتي وشها يصفر كده !
سلمي بتوتر هه م مقولتش حاجه
حسام وهو بيقول بغيظ قولتي ايه ياسلمي
سلمي بتوتر ك كنت بقولها انك جدع ومحترم وهتصونها ك كنت بشكر فيك مش انت اخويا برضو !
حسام بعدم تصديق والله !!
سلمي وهي بتبص في عنيه بجراءه ولأول مره اه
حسام وهو بيبصلها بعمق كدابه ياسلمي
كانت لسه هترد خرج ابو العروسه وقعد قدامهم بتوتر ..
ب بص ياحسام ياابني ا انا اسف في اللي هقوله بس كل شيئ قسمه ونصيب ربنا يعوضك بالاحسن من بنتي
ام حسام باستغراب ليه بس يابو ريناد ايه اللي حصل !
ابو ريناد معلش يام حسام بس بنتي مش حاسه بارتياح
حسام وهو بيبص لسلمي بغيظ وغموض ولا يهمك ياعمي عن اذنك
نزل حسام والكل نزل وراه وركبوا العربيه ...
ام حسام بعصبيه في داااهيه هما يطولوا اصلا ابني ده حتي بنتهم مش حلوه
سلمي بسرعه اه والله ياخالتو وتحسيها بنت ملزقه كده
مليكه بتطبيل حصل وفرفوره كده لا مش حلوه مش حساها خطيبه اخويا
سلمي بقرف ومسهوكه !
مليكه حصل
سلمي وريحتها وحشه
مليكه بتلقائية لا متهزريش ديه حاطه برفيوم ريحته تجنن
سلمي بغيظ وخفوت لما اقول حاجه تطبليلي ياعره الصحاب
مليكه بس ريحته تجنن من عفانته يعني
سلمي اه بالظبط ولا الفستان بتاعها يععععع كان فولح اوي
مليكه اااه بترتر كتشير اوي
سلمي ولا ...
حسام بزعيق خلاص بقييي
الكل سكت پخوف من حسام وعصبيه ووصلهم كلهم البيت وقالهم أنه هيوصل سلمي لبيت جدها واصبحوا مع بعض لوحدهم في العربيه ...حسام كان طول الطريق ساكت والهواء بيطير في شعره وقلب سلمي بيدق بطريقه غريبه وهي مش قادره تشيل عينيها من عليه ...
حسام بسخريه بتبصيلي ليه تكونيش حبتيني !
سلمي بتوتر هه ل لا مش ببص
حسام وهو بيجز علي أسنانه فركشتيلي جوازتي ليه ياسلمي !
سلمي بتوتر و وانا مالي
حسام پغضب ردي عليا فركشتي الجوازه ليه 
سلمي ع عشان انت كمان فركشت جوازتي واحده بواحده بقي
حسام والله
سلمي بغيظ اه
حسام بصلها من مرايه العربيه بصه طويله تحمل الف معني ومعني وبعدين فتح قصيده في العربيه بتاعه عمرو حسن سلمي بصيتله بدموع لما جت جمله بتقول
انا جيتلك وانا كل ما فيا بيشوف انك كل ما ليا ومشيت بمفيش وحياه الحلو اللي ما بينا لو فاضل حلو ما بينا ما تكدبنيش!
سلمي بدموع حسام
حسام بجمود نعم
سلمي ا انا اسفه
حسام ببرود علي ايه 
سلمي اكتشفت اني ا اني
حسام بتساؤل انك !
سلمي بسرعه وتوتر اكتشفت اني بحبك بس