رواية القصه واللي كان الفصل 22بقلم رحاب القاضي ( حصريه وجديده في مدونة قصر الروايات)

حظك وحش..
مي بغيظ
لا بتغش ازاي الولاد كلها بتجيلك انت..
اقترب منها قائلا بنبره مشاكسه
عشان انا واد لعيب..
دفعته بقوه ليبتعد عنها وهو بضحك ع هئيتها الغاضبه قائله بغيظ
ي شيخ بلا نيله انت فالح غير فانك تضحك عليا..
تنهد بضيق قائلا
والنبي ي مي انا مفالح فأي حاجه غير فاللعب وبس..
مي بجديه
انت خلاص هتطلقها..
محمد بجمود
ايوه بس مش عايز خليل يأذيها فنفس الوقت..
مي بهدوء
طيب وهتعمل اي..
محمد بقلق
مش عارف بس هشوف طريقه احميها بيها..
مي بتهكم
انت لسه بتحبها..
لمعت الدموع فعيناه واجابها وهو ينظر امامه بشرود
المشكله ان الكل كان فاكر اني عايزها عشان انا متدلع واللي عايزه باخده محدش شاف اني حبيتها بجد من وانا عيل صغير حتي لما حبت غيري ورفضتني ودلوقتي لما راحتله انا مكرهتهاش ولا بحبها ولا عايزها بس خاېف عليها وزعلان منها ومن زماااان اووي وانا زعلان وكل مفكر انها حبته هو ومشافتنيش انا بزعل منها اكتر..
مي بهدوء
خير ي محمد المهم انك تبطل عند فأي حاجه وتشوف رغبتها هي الاول عايزة اي وحتي لو اتطلقتو ودي النهايه كل نهايه هتبقي بدايه قصه تانيه..
امسك يدها واردف بهدوء
انا هطلقها لان ده اللي لازم يحصل وهبدا معاكي من جديد هبدا الحياه اللي كان نفسي اعيشها ومعشتهاش وضيعتها فعصبيتي وشكي وندمي ع كل حاجه اختارتها..
مي بقلق
بعدين نتكلم فالموضوع ده..
محمد بضيق
ولي بعدين انتي بتحبيني وعايزاني ولا انا فاهم غلط..
مي بجديه
ايوه بحبك وعايزاك بس مش دلوقتي لما امورك تهدي وتفكر كويس وتقرر وانت مشاعرك متزنه وقتها هنتجوز..
تنهد بضيق واجابها
انا مش هتناقش معاكي ي مي عشان قرفان من نفسي..
مي بمرح
اقسم بالله انت ناكر الجميل بقي ي رخم جيبالك كوتشينه وعصير ولب وجيباك المكان المفضل بتاعنا وانت برضو لاوي خلقتك عليا متتظبط يااه..
ابتسم رغما عنه واردف
بتغيري مودي فلحظه..
تابع وهو يمسك يدها بهدوء
انا لو عايز اتجوزك وبلح ع الموضوع ده فعشان عايزك معايا فكل حياتي وبرغم كده مش هضغط عليكي وبراحتك وانا معاكي ديما ووقت متكوني جاهزه هكون تحت امرك متفقين يسطاا..
ابتسمت بأتساع قائله
لا احنا نروح نضرب ورقتين عرفي بحلاوتك دي..
ضحك بهدوء واجابها وهو يتناول مشروبه
كلي اللب بتاعك اللي جبتيه ي مي واسكتي..
بقلم_الكاتبه_رحاب_القاضي 
_دلفت نور الي الكافي الخاص بصفيه التي افتتحته قريبا وهي تنظر للمكان بانبهار حتي جاءت لها صفيه واردفت بابتسامه واسعه...
صفيه
هو ده اللي هجيلك بعد الكليه ع طول..
نور بمرح
والله تعبت وروحت ارتحت شويه وجيتلك ع طول بس اي ده انتي احلويتي كده ازاي..
صفيه بضحكه هادئه
يعني كنت وحشه الاول ي بنت الحج مندور..
نور بهدوء
لا طبعا ده انتي قدوتي فالجراءه ي صافي..
صفيه بهدوء
تعالي ي نور نقعد..
تابعت بعد ان جلستا ع الطاوله
انا بصراحه مكنتش هكلمك خالص لو كانت جوازتك من عمر عزام تمت..
نور بسخريه
اوعي تقوليلي انك بتغيري عليه..
صفيه باستنكار
لا طبعا بس كنت زعلانه انك تبادلي خالد اللي زي الدهب بواحد زي عمر واطي وزباله..
نور بضيق
لو كنتي مكاني كنتي هتعملي كده بس انا فهمت كلامك ده فالاخر واتجوزت خالد..
جاء صوت عمر من خلفها وهو يقول پحده
ولو عايز اطلقك منه هعمل كده ولو عايز برضو اتجوزك هعمل كده..
تابع وهو ينظر لصفيه پحده
واقدر برصو ارجعك تحت رجلي تاني ي صفيه..
نور پحده وهي تقف امامه
انت بتراقبني ولا اي..
عمر بجمود
مش جايلك انا جاي لصفيه اصلا لان بينا كلام..
صفيه پحده
لا بينا كلام ولا غيره حل عن طريقي ي عمر..
عمر بهدوء
انتي متخلفه ي بت انتي انا جاي اقولك نرجع وندمت ع اللي حصل زمان بتتفرعني ع اي..
نور پغضب
بتقولك مش عايزه تتكلم معاك وانت بتقولها ترجع هو مين اللي متخلف دلوقتي بقي..
عمر پحده
نور انتي تطلعي منها عشان حسابك ع اللي عملتيه معايا لسه مجاش..
نور بغيظ وهي تمسك بكوب الماء الموضوع ع الطاوله واردفت
بس انت دورك جه..
_انهت حديثها وسكبت عليه كوب الماء البارد فاغلق هو عيناه پغضب فحين نظر بعض الجالسين لهم بقلق..
نور بخبث
هتمشي من سكات ولا اقول انك بتتحرش بيا واخليك تاخد علقھ تحفه زي بتوع زمان فاكر ولا نسيت..
عمر پحده
ماشي ي نور وحياة امك مخلصتش هنا وانا هعرف ازاي اربيكي ع اللي عملتيه وبتعمليه فيا..
تابع بجمود وهو ينظر لصفيه
وانتي قدامك فرصه واحده ي ترجعي ي هتزعلي مني ي صفيه والمره دي هتكوني انتي السبب فاللي هيحصلك..
صفيه بغيظ
هو انا لعبه فايدك هتمشيها بمزاجك حل عني ي عمر انا مبقتش طايقه اشوفك وشك ارجعلك ازاي بس..
_تنهد پغضب وذهب للخارج لتهبط دموع صفيه پخوف من ما سيحدث وهل سيتكرر ماضيها مجددا..
نور بحزن
صفيه قولي لبابا هو الوحيد اللي هيقدر يبعده عنك..
صفيه وهي تمسح دموعها
متشغليش بالك ي نور ربنا هيخلصني منه المهم روحي انتي دلوقتي قبل متتأخري هخلي حد من العمال يوقفلك تاكسي....
_ودعتها نور وعادت الي منزلها وما ان دلفت حتي وجدت والدها والدتها يجلسان ومعهم خالد..
نور بابتسامه هادئه
متجمعين عند النبي ان شاء الله..
سعاد بهدوء
عليه افضل الصلاه والسلام قوليلي حلو الكافي بتاع صفيه ي نور..
جلست نور بجوارها قائلة بمرح
خطېر ي ماما هبقي اخدك مره هناك معايا بس حصلت حاجه مش كويسه هناك..
مندور بقلق
حصل اي..
نور بتوتر
انا وقاعده معاها عمر جه..
خالد پغضب
وانتي تروحي لي لوحدك اصلا وعملك حاجه الزفت ده..
نور بثقه
هو جه يرخم بكلام سخيف فقومت مسكت كوباية الميه ودلقتها عليه..
مندور بابتسامه واسعه
جدعه ي بنت مندور..
خالد بضيق
قالك اي..
نور بهروب من سؤاله
هو رخم ع صفيه اووي تتخيلو عايز يرجعها ليه ڠصب عنها الحيوان وهددها قدامي..
مندور بجديه
طيب ابقي اشوف انا صفيه المهم انتو هتدخلو امتي..
ابتسم خالد بهدوء فحين توترت هي قائله لوالدها
انت تقصد هندخل امتي ننام صح ي بابا..
مندور بجمود
لا ي نور انا قصدي هتدخلي امتي انتي وجوزك وتروحي شقتكم هو طلب اكتر من مره نعمل فرح بس انتي رفضتي ودلوقتي ۏفاة شوقي هتخلينا منقدرش نعمل حاجه فقررتو اي..
خالد بجديه
انا مستعد دلوقتي بس اللي تشوفو ي خالي..
نور بغيظ
هو اي اصله ده انا مش عايزه اروح معاه فاي مكان ومرتاحه كده..
مندور پغضب
مش عايزه اي هو مش ده اللي روحتي واتجوزتيه من ورانا دلوقتي مش عايزه اي وبعدين خلاص انا جيبت اخري وقعدتك عندي وانتي مكتوب كتابك وهو قاعد معانا فنفس البيت متنفعش..
خالد بهدوء
بالراحه ي خالي واحنا مش هنغصبها ع حاجه يعني..
مندور پحده
انت تسكت انت التاني هو انا كام مره اقولك تعالي واتجوزها وكام مره تقولك هي ولما جيت اجوزها لغيرك روحت واتجوزتها من ورايا انت دماغك دي متركبه ازاي..
نظر لها خالد بهدوء واجابه
اتجوزتها لاني مقدرتش اتحمل تبقي مع حد غيري وانت عارف ي خالي انا كنت برفض لي بس ده ملهوش علاقه اني بعشق بنتك ولا ليه علاقه ان هي الحاجه الوحيده اللي عايش هنا ومكمل فالبيت ده لدلوقتي عشانها..
_ابتسمت سعاد باتساع وهي تري حبه لابنتها فحين رمقته نور بسخريه وهي تشيح بوجهها للجهه الاخري...
مندور بجديه
يبقي خلاص ع اخر الاسبوع هنوزع للحته كلها لحمه وحلويات وانت تاخد مراتك فبيتك بعد متعدله زي مهي تحب ووالناس مش هتعلق عشان عارفه الظروف..
خالد وهو ينظر بقلق لدموعها المتحجره بعيناها
ماشي ي حج اللي فيه الخير