رواية عندما تجد الأمان الفصل 13 بقلم نشوه عادل
انت في الصفحة 1 من صفحتين
-طيب انا هقولك تعمل ايه انت عندك شقة ف الميعادى ومش بتروح هناك قعدها فيها بدون ما تكتبها ليها وتجيب ليها شغل ف اى مكان وتفهمها انك هتاخد منها ايجار تمن الشقة لما تشتغل وبكده تكون كسبت فيها ثواب وجايز بعد كده ربنا يهديها
نظر ليها عز بحب وقال: هو انتى ازاى كده؟!
نورهان: كده ازاى يعنى مش فاهمة!
عز: طيبة وحنينة وبتساعدى اللى تعرفيه واللى مش تعرفيه قنوعة وبترضى بأقل حاجة وكلمة تفرحك بجد لسه فيه كده انتى مستحيل تكونى بشړ زينا!
نورهان وهى تمسك وجهه برفق: لا انا بشړ من طين وبغلط ومليانة عيوب بس ربنا وضع ف قلبى الرحمة انا مش ساذجة يا عز انا فاهمة الدنيا كويس ولو طلبت منك تساعدها فصدقنى عشان خاطر بنتك لما تكبر وتعرف اللى عملته لامها بالرغم من كل اللى عملته فيكم هتفتخر بيك اكتر
نورهان بحب: وانت كمان كنت عوض من ربنا ليا ولقلبى كل واحد فينا اتأذى بشكل مختلف وربنا جمعنا عشان عارف ان احنا هنعرف نصون بعض ونحافظ ع بعض
عز: ده اكيد يا روحى
نورهان: طيب ايه بقى مش يلا نوم عشان الوقت اتأخر وعندك شغل بكرة بدرى
عز: اشطا بس بشرط تنيمينى
نورهان بضحك: انيمك يا نونو ليه دى لارين مش بتقولها
عز: يا سيتى انا نونو اعتبرينى ابنك ونيمينى زى لارين
ناموا بسلام وتانى يوم كالعادة صحيت قبله حضرت ليه الفطار والحمام وقبل ما ينزل قالت: ماتنساش تعمل اللى طلبته منك امبارح
وصل عز ع الشركة ف نفس الوقت اللى عادل وصل فيه ودخلوا ع مكتبه وطلب واحد من الامن ويدعى علاء ....عز: اسمع يا علاء هكلفك بمهمة صغيرة وانا عارف انك هتقدر
علاء: طبعا يا عز بيه لو ف ايدى مش هتأخر
عز: عاوزك تعرفلى واحدة اسمها رنا المهدى موجودة فين ولو لقيتها عرفنى بطريقها وبس وطبعا حقك محفوظ
علاء: ماتقولش كده يا عز بيه انا لحم اكتافى من خيرك واللى عندك بيزيد وان شاء الله هحاول اوصل ليها ف اقرب وقت
عز: لا انا عاوزك تعرفلى طريقها النهاردة سيب اللى بايدك هنا لزمايلك واعتبر ده شغلك النهاردة
مشى علاء ....عادل: هو ف ايه ما تفهمنى الكلام ع ايه بدل ما انا عامل زى الاطرش ف الزفة كده
حكى ليه عز عن كلام نورهان ...عز: بس يا سيدى وانا بعمل كده عشانها هى لكن رنا دى متفرقش معايا اصلا
عادل: والله يا ابنى مراتك دى بقت عملة نادرة ف زمنا ده يا بختك بيها
عز : قل اعوذ برب الفلق امسك الخشب ياض
عادل بضحك: يا عم اللهم بارك طبعاً انا هقوم اشوف شغلى سلام
العصر لقى عز الفون بيرن وكان علاء وقال: عز بيه انا لقيتها
عز: فين؟!
علاء: موجودة ف مستشفى الشفاء اللى ف (.....)
