رواية الټضحية بالحب الفصل السابع بقلم أروى عادل

من طلب والده لذلك
مراد ٠٠٠ أنا هقول ل مسعد و جمال ينزلوا
نسرين ٠٠٠ هتطلب من الخدامين ينزلوا اخوك وانت موجود
مراد٠٠٠ پحده كده احسن انتو فاهمين ليه
نسرين ٠٠٠ انت هتفضل لأمتى مقاطع أخوك
مش كفايه هو فى الحاله دى بسببك
مراد ٠٠٠ پغضب خلاص عرفت انه فى الحاله دى بسببى. هو ايه حضرتك ما بتزهقيش لازم كل شويه تفكرينى .
يوسف ٠٠٠ فى ايه يا مراد أوعى تنسى انك بتكلم والدتك
مراد ٠٠٠ مش ناسى بس قولها هى انها تفتكر انى ابنها .
قال جملته ثم انصرف هنا قال يوسف
يوسف ٠٠٠ حور كلتى
حور٠٠٠ أيوه يا بابى
يوسف ٠٠٠ طيب لو سمحتى ممكن تسيبنى اتكلم مع مامى شويه 
حور ٠٠٠ اوكى. عن أذنكم
غادرت حور هنا قال يوسف بعصبيه
يوسف ٠٠٠ انتى ايه مافيش فايده فيكى
نسرين ٠٠٠هو حصل ايه لعصبيتك دى
يوسف ٠٠٠ نسرين لأخر مره هقولك بلاش تضغطى على مراد بطريقه دى
نسرين ٠٠٠ يعنى انت مش شايف ازاى هو حتى رافض يساعد اخوه رغم انه هو السبب فى إللى فيه حسام
يوسف ٠٠٠ يعنى هو مراد إللى قال ل حسام يعمل حاډثه ده قضاء و قدر 
نسرين ٠٠٠ بس حسام خرج بالعربية هو متعصب بعد ما شاف اخوه مع مراته عشان. كده عمل حاډثه
يوسف ٠٠٠ انسى بقى الموضوع بقاله خمس سنين . و كفايه كده على مراد
نسرين ٠٠٠ طول عمرك بتفضل مراد على حسام
يوسف ٠٠٠ بعصبيه انتى اكيد اتحننتى انا عمرى ما فرقت بين ولادى.. انا مش عارف ايه إللى جرالك من يوم حاډثة حسام وانتى بقيتى حاطه حسام فوق الكل على حساب الكل ناسيه انك عندك أولاد غيره
نسرين ٠٠٠ و هفضل كده لحد ما حسام يخف و يقدر يمشى على رجله من تانى
يوسف ٠٠٠ يبقى مافيش فايده فى الكلام معاكى
قال جملته ثم انصرف هو ايضآ
جاء مسعد و جمال ساعدوا حسام فى النزول لدور الارضى هنا قالت تمارا
تمارا ٠٠٠ يلا نروح نعمل جلسات
اخد حسام نفس طويل ثم هز رأسه بالموافقة
داخل الجيم
عندما دخلت تمارا الجيم مع حسام كان مراد يتمرن بوكس كان يبدو غاضب هو يركل و يلكم كيس رملى المعلق المخصص للملاكمه
لم ينتبه مراد للذين اقتحموا عليه تدريبه 
هنا قالت تمارا
تمارا ٠٠٠ أيه ده هو اخوك بيعمل ايه هنا
حسام ٠٠٠ ما انتى شايفه بيعمل ايه بيدرب
تمارا ٠٠٠ هو كده يبدرب ولا بيتخنق مع كيس الملاكمة 
حسام ٠٠٠ تمارا مالناش دعوة بيه 
تمارا ٠٠٠ هو يبدرب هنا على طول 
حسام ٠٠٠ اه كل يوم الصبح . ما انا قولتلك قبل كده هو إللى عامل الجيم ده
تمارا ٠٠٠ عشان كده عامل زى الحايطه 
حسام ٠٠٠ تمارا قولتلك مالناش دعوة
تمارا ٠٠٠ صح مالناش دعوة بيه
بدأت تمارا فى عمل جلسات علاج طبيعي بالكهرباء ثم قالت بعد ما وضعت الجهاز على قدم حسام
تمارا ٠٠٠ أول ما تحس بحاجة قولى
حسام ٠٠٠ اه انا كده حاسس بكهربة بسيط 
تمارا ٠٠٠ طيب كويس . تحب ازود  
حسام ٠٠٠ لاء كده كويس 
تمارا ٠٠٠ تمام هسيبها كده ربع ساعة لحد ما الجهاز يصفر
فى أثناء انتهاء لمدة الجلسة سرحت تمارا وهى تطلع فى مراد هو يتمرن و طريقة لكمه و ركله لكيس الملاكمة فى حين أنتبه مراد لوجودهم و هنا تقابلت أعينهم لذلك شعرت تمارا بأرتباك وهى تدير وجهها للجهة الأخرى 
هنا صفر الجهاز لذلك قال
حسام ٠٠٠ تمارا سرحانه فى ايه الجهاز صفر
تمارا ٠٠٠ اسفه ما اخدتش بالى .. كده هشيل الجهاز من هنا و احطه فى مكان تانى
بعد ما
انتهت تمارا من جلسات الكهربه
ثم بدأت فى التمارين الرياضية فى النهايه قالت
تمارا ٠٠٠ دلوقتى آخر تمارين و ده هيكون صعب شويه بس التمارين ده مهم أوى مستعد
حسام ٠٠٠ طيب ما كفايه كده النهاردة انا تعبت
تمارا ٠٠٠ معلش استحمل . دلوقتى انا هركبلك 
جهاز فى رجلك هيساعدك فى التمارين ده وبعدين هتمسك فى المشاية دى من الجانبين بأيدك. و هتحمل على ايدك و تحاول توقف متخافش انا معاك .. ها مستعد 
حسام ٠٠٠ تمام
كان مراد ينظر إليهم من الحين لأخر 
بينما حسام كان ينفذ تعليمات تمارا لكنه فجأه أيده فلتت
يتبع
ماذا سيحدث أثناء التمارين
هل ستنجح تمارا فى علاج