رواية الشاهدة الفصل 16
يلا يا فرحه هتتأخر
فرحه . فين فارس
فارس . انا جاهز اهو.. اسمعى ده اول يوم وآخر يوم نمشى الكليه سوا... انا بعد كدا همشى مع صحابى
فرحه . اتنيل انت تطول
عماد . طيب يلا عشان المواصلات بتاخد وقت
فرحه . لأ يا بابا احنا مش رايحين مواصلات
فارس . ايه هناخدها مشى لا ايه
فرحه. لأ يا لميض. فى عربيه مستنيه تحت هتوصلنا
هنا ركض فارس اينظر من من الشرفة بالفعل كان توجد سياره فخمه قدام المنزل لذلك قال
فارس ٠ حبيبتى يا اختى انا معاكى كل يوم
فرحه . شوف ازاى آمال فين كلامك
هنا غيرت فرحه صوتها وهى بتحاول تقليد فارس
فرحه ٠ اسمعى يا فرحه دى أول واخر مره اروح معاكى الكليه انا بعد كده هروح مع صاحبى
فارس . اخوكى الصغير بيهزر معاكى
فرحه . لأ و على ايه. .. يلا سلامه عليكم
غادرة فرحه و فارس الى الكليه هنا قال عماد
عماد . ايه موضوع العربية دى
رباب . آدم مش عايزها تروح مواصلات
عماد. يعنى العربية دى هتبقى كل يوم
رباب ٠ أه
عماد. انتى مش شايفة كده كتير مش كفايه الشبكة الغالية
رباب. اسمعنى يا عماد ده خلاص بقى جوزها وهو عايز كده براحتو
رباب . انت بتغير على بنتك ولا ايه
عماد. غيرت ايه بس... انتى بتهزرى
رباب سيب الولاد يفرحوا ببعض ده حق انه عايز يريحها
عماد. طالما انتى شايفه كده خلاص
فى النيابة
فى مكتب الظابط
يجلس الظابط مع آدم فى أنتظار العسكرى يأتى معاه نادر مصلحى هنا قال
الظابط تفتكر هيتكلم
آدم . لو الموضوع مشى زى ما انا عايز بيقى هيتكلم
الظابط . سيبو و روح انت ....اقعد يا نادر
نادر . فيه ايه يا باشا انا قولت كل إللى عندى
الظابط ٠ الأستاذ آدم عايز يتكلم معاك
نادر . قولتلك يا باشا انا ماعنديش حاجة اقولها
آدم . عندك و كتير كمان
نادر . انا عايز ارجع الحجز لو سمحتوا
آدم . متستعجلش هترجع
الظابط ٠ انا هسيبك تتكلم معاه يا استاذ آدم معاك نص ساعة بس
نادر . انت عايز منى أيه
آدم . تقولى خدت كام عشان ماتتكلمش
نادر . انا مش فاهم انت بتتكلم على ايه
آدم . لأ انت فاهم و عارف كويس أوى انا بتكلم على ايه
نادر . هات من الاخر يا آدم بيه لو فى حاجه عندك قولها
طلع آدم دفتر الشيكات و قلم و وضعه على المكتب وقال
آدم ٠ أكتب تمنك هنا وانا همضى عليه على طول
آدم . تمن كلامك
نادر . انت جاى تضحك عليا بكلمتين
آدم. دفتر الشيكات و القلم قدامك مش ناقص غير انك تكتب المبلغ إللى انت
