رواية اسرار المنزل كامله بقلم ليل آدم

فين كده
حازم النهارده فرح واحد صاحبي لازم على الأقل يشوفني حتا علشان ميزعلش
نور خلاص ماشي
حازم عايزه حاجه اجبها وأنا جاي
نور لا يا حبيبي بس وانت راجع اتصل بيا لو في حاجه هقولك
حازم ماشي سلام
نور سلام
نور بعد م خرج حازم قولت اقوم أنا اخد جوله كده في الشقه عبال ما يرجع واعمل عشا رومانسي كده وشويه شموع 
وأنا بعمل الشقه سمعت صوت مياه شغاله في الحمام معقول يا حازم ناسي الحنفية مفتوحه كل ده دخلت اقفلها باب الحمام مقفول مش عايز يفتح حولت بكل قوتي مش عايز يفتح روحت المطبخ اشوف حاجه افتح بيها الباب رجعت لقيت الباب مفتوح وسمعت صوت جاي من الصاله كان حد بيجر الكنب على الأرض وفجأة باب الحمام اتهبد جامد اوي وباب الشقه بقا بيخبط خبط هستيري ولقيت من تحت عقب باب الحمام خيال وكان حد في الحمام بيفتح الباب وعايز يخرج إلي اللقاء في الجزء القادم 
ليل أدم 
مساء الخير للجميع 
الجزء الثالث من قصه 
أسرار المنزل 
نور مبقيتش عارفه اعمل اي دخلت غرفه النوم وقفلت الباب علي نفسي قلبي كان هيوقف من كتر الړعب لحظت وجود نفس الخيال ظاهر من تحت عقب باب غرفتي وشويه وحد حط ايده علي باب الغرفه عايز يفتح الباب فتحت شباك الأوضه مفيش حد استنجد بي مړعوپة مش عارفه اعمل اي الشقه حرفيا بتتكسر بره وأنا جوه الاوضه بحد ما سمعت صوت باب الشقه بيتفتح قولت كده خلاص أنا مش هيطلع عليا نهار ده اكيد حرامي أول ما باب الغرفه اتفتح وقعت على الأرض فوقت علي ايد حازم
حازم ياخربيتك قلبي وقع من الخضه
نور أنا مش هقعد في الشقه دي لحظه واحده
حازم وبعدين تاني يانور
نور تاني وتالت ورابع انت متعرفش أنا شوفت اي ولا هتقدر اللي حصل معايا وهتقول اني بيتهيألي وان اي عروسه بيحصل معاها كده أنا تعبت خلاص مبقيتش مستحمله
حازم نور ممكن تهدي أنا مش فاهم حاجه اي اللي حصل
نور. حكيت اللي حصل معايا ل حازم
حازم طب ممكن تيجي معايا طيب
نور فين
حازم نخرج بره الاوضه
نور وبعدين يا حازم
حازم قومي بس قومي
نور اديني قومت
حازم بالله عليكي كل ده حصل والشقه مفيش فيها حتى اثر اي حاجه يعني حتى مفيش كنبه واحده اتحركت من مكانها سنتي واحد
نور تمام ماشي يا حازم أنا مجنونه ممكن تسبني لوحدي
حازم انتي اي يريحك يعني يا نور
نور نمشي من هنا انت ليه مش مصدق أن اللي بيحصل معايا ده مش طبيعي
حازم حاضر يا نور هعرض الشقه للبيع ونمشي
نور لسه هنستنا لما الشقه تتباع يا حازم
حازم لأ خلاص تعالي ننزل نعيش في الشارع يا نور
نور انت بتتريق
حازم أنا مش عارف اعمل اي علشان أرضيكي اقولك هعرض الشقه للبيع تقوليلي لسه هستنا انتي عارفه اني ممعيش حق شقه جديده وعارفه أن كل فلوسي خلصت على الشقه وتشطيب الشقه وهخسر في البيع ومع ذلك شاري راحت بالك اعمل اي تاني يا نور
نور تصدقني مش عايزه منك غير تصدقني
حازم كل ده ومش مصدقك اعمل اي تاني علشان اكون مصدقك
نور متعملش
حازم ماشي يا نور ودخل غرفه النوم
نور أسواء احساس ممكن الوحده تحس بي عدم الراحة والأمان وخصوصا لو معاكي راجل عايز يجبلك من السما حته بس انتي متاكده انك بتطلبي حاجه فوق حمله بس هعمل اي منا مش مرتاحه البيت مش تمام اذاي ده عادي اذاي اي بنت متزوجه جديد بيحصل معاها كده اكيد في حاجه غلط فضلت افكر لحد ما روحت في النوم 
حازم نور يا بنتي انتي يابت
نور اي يا حازم
حازم قومي عايزك
نور مالك في حاجه
حازم لا مفيش بس قولت بلاش اسيبك تنامي زعلانه
نور مش زعلانه منك والله يا حبيبي بس ڠصب عني والله اعمل اي عارفه أن طلبي فوق طاقتك وفوق تحملك ومتاكده انك مكنتش حاسب ل حاجه ذاي كده بس اعمل اي
حازم مش مهم يا حبيبتي المهم تكوني مرتاحه بعدين أنا فكرت مع نفسي لقيت أن الشقه دي حاجه تخصك انتي أنا كده كده مهما كانت الاجازه هتخلص وهرجع شغلي وبصراحه مش هكون مطمن وأنا قلقان عليكي بس طالب منك تديني فرصه لحد ما ألم نفسي علشان انتي عارفه علينا فلوس كتير بره معلش
نور معلش اي بس يا حازم كفايه انك هتعمل كل ده علشاني حتى لو معملتش والله عندي بالدنيا كفايه انك مقبلتش انك تخليني أنام زعلانه
حازم يعني مش زعلانه
نور وغلوتك عندي مش زعلانه
حازم طب انتي عارفه الساعه كام علشان تنامي
نور النهارده فعلا نمت بدري اوي
حازم يابنتي لسه لحد الوقتي بدري اوي قومي ياستي الله يهديكي نتفرج على فيلم حلو كده مع شويه فشار
نور حاضر ياله بينا
حازم ياله يا ست الحسن
نور هدخل اعمل الفيشار عبال ما تشغل حاجه حلوه
حازم ماشي
حازم ماسك الريموت بقلب اشوف فيلم حلو الشاشه عندي وسط برواز زجاج ممكن من خلال العاكس الزجاجي تشوف لحد باب الحمام عيني جت على الحمام النور كان مفتوح قولت نور جوه لأن شايف خيال حد جوه ظاهر بقوه من تحت عقب الباب بس المفاجأة أن نور خرجت بالفشار ولسه الخيال في الحمام
نور عملتلك شويه فشار بقا من الاخر
حازم ها
نور اي مالك
حازم لساني تقل من جمال أهلك تعالي اقعدي
نور رايح فين
حازم داخل الحمام وجي مينفعش اقول ل نور اي حاجه هتخاف لازم أتماسك قصاد نور 
نور ماشي بس بسرعه ل هترجع اكون أكلت الفشار كله انت حر
حازم بالهنا والشفا
حازم دخلت الحمام مفيش حاجه كل حاجه طبيعية فكرت ان عيني خدعتني قومت خرجت بس الموضوع مش راكب في دماغي في حاجه غلط 
نور اي ده لحقت
حازم انتي فاكره هسيبك مع الفشار لوحدك بعينك
نور بتضحك انت فاكر الفيلم ده ولا لأ يا حازم
حازم اه طبعا ده دخلنا سينما لما الجزمه بتعتك اتقطعت
نور اه ده كان يوم ملوش حل
حازم كنتي ماشيه ذاي العبط وبيضحك 
نور بتقول فيها أنا مش عارفه اذاي رجعت البيت كده وربنا
حازم عيني ف المرايا مراقب الحمام برضوه مفيش حاجه كل شيء طبيعي فضلت بتكلم مع نور بس مراقب الباب لقيت الخيال ظاهر تاني وفعلا نفس الكلام اللي كانت بتحكي عليه نور بيحصل قصاد عيني حد عايز يفتح الباب بس مش عارف أو مش عايز شكلنا كده وقعنا في مصېبه بقيت مړعوپ علي نور جدا منا بعد اللي شوفته ده مبقاش ينفع اسيب نور ف البيت لوحدها قلبي مش هيجبني 
نور مالك يا حازم حاسه انك مش طبيعي
حازم لا مفيش يا حبيبتي بحب الفيلم ده أصلا
نور ياسلام دنتا لما خرجنا من السينما قولت فيلم هبطان وضاعت فلوسك يا صابر
حازم بيضحك يمكن عجبني لما اتفرجت عليه ببلاش
نور عارف اللي يسمع كلامك يقول عليك بخيل
حازم منا بخيل
نور لا مش بخيل بصراحه بالعكس انت اللي في ايدك مش ليك
حازم ادخلي في الموضوع يا نور عايزه اي
نور نروح بكره السينما
حازم