رواية مكتوبة على إسمي الحلقه51 بقلم ملك إبراهيم حصريه وجديده
انت في الصفحة 1 من 4 صفحات
الحلقة_51 هدية لمتابعيني
مكتوبة_على_إسمي
بقلمي_ملك_إبراهيم
بصلها بعمق وهو بيفتكر ذكرياته وهو طفل معاها.. امه.. اول ايد مسكت أيديه.. اول حضڼ كان بيضمه ويحسسه بالامان.. اول كلمة نطقها كان اسمها.. اول حب حس بيه كان حبها.. إزاي امه تعمل فيه كل ده وتحرمه من الراحة والسعادة.. ازاي هان عليها وقدرت تخدعه وتشارك في اذيته..
ميسرة فتحت عينيها على لمسة ايد عامر وكانت بين النوم واليقظة وناسيه انها بتنتحل شخصية اختها واتكلمت مع عامر بابتسامة انت رجعت يا عامر.. اتأخرت ليه كل ده يا حبيبي.
ميسرة كانت بتتكلم بطريقتها هي وناسيه تقلد صوت ميرفت واسلوبها في الكلام وعامر كان ملاحظ ده وحب يفكرها بخطتها اللي فرقته عن حبيبته وقالها معلش يا خالتي.. اصل حصلت مشكله بيني وبين آيات.
ميسرة شهقت پصدمة وسألته بذهول طلقتها معقول!! طب ليه وامتي!!
عامر قعد جمبها علي السرير وقال بصوت حزين آيات مش قادرة تفهمني.. مفيش حد بيقدر يفهمني في الدنيا دي غير امي.. ومفيش حد هيحبني قدها.
ميسرة شهقت وبكت وضمت عامر وقالتله بحزن متقولش كده يا عامر.. امك محبتش في الدنيا قدك.
عامر بحزن امي اختارت تكون مع عزيز جوزها.. وانا كل اللي يهمني سعادتها ومستعد اضحي بحياتي عشان تكون سعيدة في حياتها.
وضمته بقوة لحضنها بحنان وحب ام حقيقي وفي اللحظة دي ندمت على كل اللي عملته معاه وتأثيرها في حقه وعامر قام وبعد عنها وقال انا هطلع ارتاح في أوضتي شويه يا خالتي.. حاسس ان قلبي مكسور وكنت بتمنى لو امي تكون جمبي في وقت زي ده.
وخرج من الغرفة وميسرة بكت وهي قاعدة على السرير وحست بحزن كبير جواها وهي مش قادرة تقوله انها امه وجمبه ومش هتسيبه ابدا..
...
في غرفة عامر.
اتكلم عامر مع ميرنا في التليفون بصوت منخفض.
لازم تكوني جنب باباكي دلوقتي وتسمعي المكالمة اللي هتجيله من امي والكلام اللي هقوله ده تحفظيه وتقوليه ل باباكي زي ما انا هقوله دلوقتي بالظبط.
ميرنا سمعت عامر بانتباه وتركيز وعامر قالها الكلام
