رواية الټضحية بالحب الفصل 20-21 بقلم أروى عادل

فى جوه الحفلات و الهيصه و الدوشة ده
مازن ٠٠٠ تقصدى ان حفلاتى هيصة دوشة الله يسامحك 
تمارا ٠٠٠ لاء و اللهى انا مش اقصد كده. انت عارف ان الحفلات دى بتبقى فيها زحمه كتير و آنا بتخنق من الزحمة
مازن ٠٠٠ مټخافيش الحفله هتكون منظمة مافيهاش زحمه . ايه رأيك هتيجى
حاولت تمارا تتهرب منه لذلك قالت
تمارا ٠٠٠ بس انا عندى شغل و ماقدرش ألغيه
مازن ٠٠٠ الحفله يوم الجمعة 
تمارا ٠٠٠ اه صح . طيب ابقى اشوف
اخرج مازن ثلاث تذاكر ثم قال
مازن ٠٠٠ طيب اتفضلى 
تمارا ٠٠٠ أيه دول
مازن ٠٠٠ تذاكر الحفلة . ولا هتيجى الحفلة من غير تذاكر 
تمارا ٠٠٠ كنت هشترى التذاكرة عادى
مازن ٠٠٠ تشترى ايه بس . التذاكر خلصانا من أسبوعين فاتوا
تمارا ٠٠٠ بس دول تلاته تذاكر 
مازن ٠٠٠ اه عشان لو حد حب يجى معاكى .
اخواتك او صحابك
تمارا ٠٠٠ اه تمام يلا تصبح على خير
قالت جملتها و دخلت المنزل لذلك مازن لنفسه
مازن ٠٠٠ تقيله و جامدة و عشان كده عجبانى
صباح اليوم التالى
فى منزل ميرفت 
ميرفت ٠٠٠ أنا اتفقت مع خالتكم على ميعاد شبكة سلمى و حاتم
ياره ٠٠٠ شبكة ايه يا ماما مش لما يجوا يتكلموا عليها الأول بعد كده نتفق و بعدين نقرأ الفاتحة
ميرفت ٠٠٠ أنا اتكلمت مع خالتك فى كل حاجة 
تمارا ٠٠٠ واللهى حلوه جواز التليفونات ده 
لاء مش مكلف كمان 
سلمى ٠٠٠ ممكن تنقطينا بسكاتك .. كملى 
يا ماما اتكلمتى ما خالتى فى ايه
ميرفت ٠٠٠ اتفقنا على كل حاجة . هيجوا الشهر إللى جاى نعمل الشبكة و بكره ولا بعدو
خدى أخواتك و انزلى مع حاتم تختارى الشبكة 
سلمى ٠٠٠ و انتى مش هتنزلى معانا
ميرفت ٠٠٠ لاء انا بنام بدرى كمان حاتم أستأذنت منى عشان تخرجوا بعد ما تجيبوا الشبكة
تمارا ٠٠٠ مبروك يا سلمى هتبقى عروسه 
سلمى ٠٠٠ عقبالك يا تمارا و انتى كمان
يا ياره
ياره ٠٠٠ انتم السابقون و نحن اللاحقون
ميرفت ٠٠٠ تقصدى ايه باللاحقون يا مفعوصه
انتى لسه صغيره على الكلام ده
ياره ٠٠٠ ماما انا عندى ٢٢ سنه ولسه بتقوليلى مفعوصه و صغيره
ميرفت ٠٠٠ ولما يبقى عندك ٣٠ هتبقى بردوا مفعوصه 
ياره ٠٠٠ خلاص خلينا أعنس جنبك طالما لسه مفعوصة
تمارا ٠٠٠ ياره صلى على النبى انتى ايه إللى بتقولى ده .. مسروعه على ايه
ميرفت ٠٠٠ لاء سيبها شكل الشبشب وحشها
هنا مسكت ياره يد ميرفت و قبلتها وقالت
ياره ٠٠٠ لاء شبشب ايه اهدى يا أوفا ده انا بهزر 
ميرفت ٠٠٠ أيوه كده اظبطى .. 
تمارا ٠٠٠ اه صح .. بقولكم ايه انا معايا تلات تذاكر لحفلة مازن نور تحبوا تروحوا
ميرفت ٠٠٠ مين مازن نور ده
تمارا ٠٠٠ ده المطرب جارنا
سلمى ٠٠٠ جبتى التذاكر من فين انا اعرف ان التذاكر در بتكون غاليه أوى
ياره ٠٠٠ هى غاليه و بس .ده مش أى حد يقدر يجيبها 
تمارا ٠٠٠ عشان تعرفوا اختكم وصله أوى
سلمى ٠٠٠ بجد يا تمارا جبتى التذاكر دى منين
تمارا ٠٠٠ مازن نور بنفسه هو إللى أدانى التذاكر .
ياره ٠٠٠ ايشمعنا يعنى أداكى انتى التذاكر 
تمارا ٠٠٠ عادى الراجل أدانى التذاكر 
و عزمنى على حفلته
ميرفت ٠٠٠ من امتى احنا بنقبل أى حاجة من حد .. بكره ترجعيله التذاكر 
تمارا ٠٠٠ أرجعها ازاى يعنى و اقوله ايه 
ميرفت ٠٠٠ قوليله احنا مش بتوع حفلات .. بعدين أختك بتقول التذاكر دى غاليه . وهو يجيبلك حاجة غاليه ليه
ياره ٠٠٠ ماما هو اكيد مش مشترى التذاكر دى
هو المطرب يعنى بيخدها ببلاش .. و بيهديها لأى حد
ميرفت ٠٠٠ وهو يهديها ليكى