رواية لخبطيطا الفصل الأول إلى الفصل السادس
الدهشة والإعجاب عليهم إلى أن قادهم فادي إلى غرفتهم التي كانت ضخمة وشبهت الفيلا في وسعها وجمالها فتح لهم الباب وقال بإبتسامة
دي اوضتكم وفيها سريرين
دلف الإثنان إلى الداخل ونظروا إلى المكان پصدمة وإعجاب قبل أن يقول عبدو مازحا
اوضة أيه ياعم دي أكبر من شقتنا
هز الأول رأسه وقال بجدية
فعلا عندكم المباني والشقق صغيرة جامد وفضلنا فترة عقبال ما اتعودت أنا وحور عليها يلا عندكم حمامين خشوا خدوا شاور محترم كدا وناموا
خد هنا استنى عندكم هنا انترنت وهل اقدر اتصل بأهلي من هنا ولا مينفعش!
الټفت مرة أخرى ونظر إليه قبل أن يجيبه بإبتسامة
فيه انترنت في كل مكان لكن مش هتقدر توصل لصفحاتك او اي حاجة ليها علاقة بالانترنت بتاعكم لأن دي شبكة ودي شبكة تانية خالص ومفيش أي اتصال او gateway بين الشبكتين وبالتالي لو فتحت النت على موبايلك مش هتعرف تخش على صفحتك ولا أي حاجة وهتضطر تعمل صفحة جديدة خاصة بشبكة الإنترنت هنا فهمت
أيوة فاهم وأكيد مش هينفع اتصل بيهم لأن مفيش أبراج شبكات تخص الارض بتاعتي يعني كدا أنا منعزل عن الكوكب بتاعي بكل الاشكال صح
هز رأسه عدة مرات قبل أن يؤكد عليه ذلك
بالظبط زي ما قولت كدا وبعدين متقلقش انت الاسبوع هنا بنص ساعة على ارضكم والشهر بساعتين يعني انت بالنسبالهم متأخرتش ولا غيبت اصلا
تمام تسلم يا فادي .. تقدر تتكل على الله
رحل فادي وتحرك الإثنان بسعادة في جميع أرجاء الغرفة قبل أن يردد كريم بسعادة
أيه رأيك كل اسبوع مثلا نخف ساعة ونيجي هنا نقعد أسبوعين ولا تقولي مصيف ولا خروجة
ألقى عبدو جسده على السرير بأريحية وتنفس بهدوء وهو يقول
ان شاء الله نخلص بس من عم رماد اللي محدش يعرفله ملامح ده وبعدين نفكر في اللي بتقوله ده
اشطا أنا فكرت في ثور زي ما قولتلك بس مش حاسس بأي قوة ولا إني انسان خارق
اعتدل عبدو وقال ضاحكا
إنسان خارق! استنى مش دلوقتي .. فادي قالي القوة بتظهر بعد 24 ساعة يعني على بكرا كدا تبتدي تظهر
حلو انا هقوم أخد دش في الحمام اللي هناك ده واجي أنام علشان هلكان
رحل كريم بينما أسرع عبدو ودس يده بجيب بنطاله ليحضر هاتفه ثم ولج إلى التطبيق الذي يقوم بكتابه الروايات عليه وفتح صفحة جديدة وهو يقول لنفسه بسعادة
فكر قليلا إلى أن لمعت عيناه وكتب مسرعا
الخيال ما هو إلا حقيقة يصعب تصديقها وعندما يصبح الخيال حقيقة يجب أن ندرك أن الکاړثة قريبة
رواية .....
قريبا .....
عبدالرحمن الرداد
أنهى كتابة هذه الكلمات التشويقية وابتسم وهو يقول لنفسه
حلو كدا البوست ده هنزله أول ما ارجع من الرحلة ودلوقتي أقوم أخد شاور علشان أنام
على الجهة الأخرى أعدت مشروب لشقيقها واقتربت منه وهي تمد يدها به فابتسم وأخذ منها الكوب قائلا
تسلم ايدك
جلست هي الأخرى بجواره وارتشفت من الكوب الخاص بها قبل أن تقول بجدية
تفتكر عبدو وكريم هيخلصونا من شړ رماد وهيقدروا ينقذونا!
اختفت إبتسامته ونظر إلى نقطة أمامه بالفراغ وهو يجيبها
قوة رماد شديدة أوي وكل قوى الأرض مقدرتش تهزمه خاېف عبدو وكريم ميقدروش يهزموه خاېف يبقى وجود رماد أمر واقع لازم نقبل بيه قوته اضعاف القوة اللي ذكرها عبدو في روايته وسرعته أضعاف إحنا هنعمل اللي علينا بس لازم تدريب شديد للأتنين سواء عبدو أو كريم وبالذات عبدو لأن هو اللي هيبقى عنده نفس قوته وهو اللي في ايده هزيمته
حركت رأسها بشرود قبل أن ترتشف مرة أخرى من كوبها وتقول
ربنا يستر هم هيصحوا من النوم امتى
رفع إحدى حاجبيه وقال بتردد
حسب اللي شوفناه من البشر على الأرض الأولى فهم نومهم من 6 ل 8 ساعات واللي بيزود بيبقى اخره 12 ساعة! رخمين أوي في حوار النوم ده وبيضيعوا وقت جامد ممكن يعملوا فيه أي حاجة تفيدهم
اعترضت على جملته الأخيرة ورددت بهدوء
ده نظامهم وهم مخلوقين كدا وعرفت إن لو مناموش هيتأذوا وعدم النوم بيرهقهم وبيأثر على قدرتهم في الشغل ف زي ما إحنا معندناش حاجة في قاموسنا اسمها نوم هم عندهم النوم ده جزء من حياتهم سيبهم براحتهم خالص لغاية ما يشبعوا نوم علشان لما يصحوا يبقوا قادرين ومركزين مع كل كلمة وأي خطة هنحطها
هز رأسه بالإيجاب وأمسك بهاتفه الشفاف قبل أن يقول
عايز أبلغ ماني إن إحنا قدرنا نرجع بس لو استعملت شبكة الإتصال رماد هيعرف إننا رجعنا وهيوصلنا في أقل من ثانية
تركت الكوب من يدها وسحبت هاتفه من يده والقته بعيدا وهي تقول
أنسى الموبايلات دي خالص لما هم يصحوا هننزل نشتريلهم موبايلات زي بتاعتنا علشان يقدرو يتواصلوا معانا ونجيب معاهم موبايلات جديدة لينا
هز رأسه بالإيجاب وعاد برأسه إلى الخلف ليريحها قليلا ...
بعد مرور وقت طويل حرك رأسه بأريحية قبل أن يفتح عينيه بهدوء ويرى الغرفة من حوله نهض من مكانه ثم فرد ذراعيه في الهواء وردد بإبتسامة
ياااه أيه الراحة دي الواحد منامش كدا من ساعة ما اتولد السرير حلو بغباء بس غريبة مش بيناموا وعندهم سرير! ابقى أسأل فادي في الحوار ده بعدين اصحي الاهبل ده الأول
وقف واقترب من سرير صديقه كريم ليجده غارقا في النوم فابتسم عندما حضرت فكرة شيطانية إلى باله ونظر حوله بحثا عن شئ يساعده فوجد عصا صغيرة سوداء على الكومود فامسكها بهدوء وهو يحاول معرفة ما هذا الشئ لكنه بمجرد أن حرك يده على جانب العصا صعدت النيران من طرفها ابتسم بسعادة وظل يكرر تلك الحركة مرارا وتكرارا وغير خطته حرك يده على جانب العصا وقربها من وجه كريم ثم صړخ بصوت مرتفع ومخيف
البيت بيولع يا كريم البيييت بيولع!
فاق من نومه وهو ېصرخ بفزع
عاااا الحقني الڼار وصلت للسرير عندي المطااافي
ألقى عبدو العصا من يده وسقط على الأرض من شدة الضحك وسط ذهول وخوف كريم الذي أدرك أن هذا مقلب من صديقه فرفع صوته پغضب
والله حرام اللي عملته ده أنا قطعت خلف!
لم تهدأ ضحكاته بل زادت أكثر وأكثر فتابع هو بعدم رضا
بتضحك! أنا قلبي كان هيقف وأنت بتضحك ماشي يا عبدو وربنا لأردهالك
هدأ ضحكه تدريجيا واقترب منه وهو يقول
خلاص متزعلش بس أنا شوفت الولاعة العجيبة دي من هنا والشيطان لعب في دماغي من هنا خلاص بقى متتقمصش وقوم خلينا نشوف هنعمل أيه متعرفش احنا نايمين من امتى
هز رأسه بالنفي وهو يجيبه
لا معرفش تعالى نخرج نشوف فادي ونسأله نمنا أد أيه أنا حاسس إني نايم من سنة
هز عبدو رأسه بالإيجاب وردد بتأكيد
وأنا بردو نومة أهل الكهف
خرجا الإثنان معا وتجولوا في المبني الضخم حتى نزلوا إلى الأسفل فوجدوا حور التي رحبت بهم
اهلا اهلا نورتوا بتقولوا أيه عندكم في الأرض بتاعتكم!
رفع عبدو أحد حاجبيه واجابها
بنقول صباح الخير
إبتسمت ورددت بصوت هادئ
صباح الخير
اتسعت إبتسامة عبدو وهو يجيبها
صباح العسل
فضربه كريم بخفة في كتفه وهو يقول
مش بتقول أخوها حمش! متعاكسهاش
انخفض وهمس پغضب
ملكش دعوة أنت حمش مع أي حد غيري وخليك في حالك
دفعه بخفة وهو يقول بمرح
خلاص ياعم أنا هخرج أشوف رزقي برا اها صحيح إحنا نايمين بقالنا أد أيه! النهار لسة طالع
أتى صوت فادي الذي نزل من الأعلى
نايمين بقالكم 24 ساعة بالظبط يعني بقالكم يوم بالظبط علشان كدا النهار طالع
ردد الاثنان معا پصدمة وعدم تصديق
يوم
تحرك فادي وجلس بجوار شقيقته وهو يقول بجدية
ايوة شكلكم منمتوش بقالكم زمن
جلس كريم هو الآخر وردد بحزن
عندك حق الكلية عاملة معانا الصح ومش بنعرف ننام الكوكب بتاعكم ده مريح جدا للنوم
نظر عبدو إليهم بذهول وصاح بصوت مرتفع
انتوا هتقعدوا! مفيش وقت عايزين نشوف هنعمل أيه وهنحط الخطة ازاي وبعدين المفروض القوة تظهر بعد يوم وادينا بقالنا يوم اهو مش حاسس بأي فرق ليه
اقلقت تلك الكلمات فادي لكنه أخفى ذلك وردد بإبتسامة
متستعجلش اطلعوا خدوا دش محترم كدا وغيروا هدومكم .. هتلاقوا دولاب فيه هدوم جديدة وهدوم خروج وكل حاجة خلصوا ويلا بينا هننزل نشتري موبايلات غير اللي معاكم دي علشان نقدر نتواصل مع بعض وهنجيب شوية حاجات كمان علشان يساعدونا
لم يتكلم أحد وصعد الإثنان معا إلى الأعلى ودلف كل منهم إلى حمام مختلف وبعد ساعة نزلوا إلى الأسفل وهم يرتدون ملابسهم وردد كريم بجدية
إحنا جاهزين يلا بينا
انطلقوا جميعا إلى محل تجاري ضخم لبيع الأجهزة الكهربائية والهواتف الذكية وذهبوا عن طريق سيارة طائرة ك التي اوصلتهم إلى المنزل بالأمس أقترب عبدو من فادي وردد بقلق
هنشتري إزاي إحنا مش معانا ولا مليم ما هو أكيد عملتكم مش زي عملتنا!
إبتسم فادي وردد بحماس
متقلقش أرخص حاجة هنا في كوكبنا الاجهزة الحديثة والموبايلات لأن مفيش أكتر من التكنولوجيا هنا زي ما أنت شايف وأيوة العملات مختلفة هنا بيبقى معانا كارت زي الكريديت كارد عندكم كدا بس ده بيبقى في كل تعاملاتنا بيبقى فيه نقاط مش رصيد يعني مثلا الموبايل بنقطتين والطماطم بربع نقطة وهكذا
اتسعت ابتسامته وقال مازحا
إحنا دخلنا مسلسل النهاية ولا ايه بجد نقط وانت على كدا مش خاېف لنفضيلك الكارت ده باللي هنشتريه!
رفع حاجبيه وردد بتحدي
مش هتعرف تخلصه عندك هنا 20 مليون نقطة زي ما قولتلك بنشتغل في اليوم 12 ساعة وكل ساعة بيبقى عليها 100 نقطة يعني في اليوم 1200 نقطة
رفع حاجبيه بإعجاب وهو يقول بحماس شديد
اشطا اوي يلا بينا نشتري ياترا الموبايلات عندكم زي عندنا ولا شفافة زي افلام ومسلسلات الخيال
تحرك فادي وهو يجيبه بتشويق
أي حاجة شايفها خيال فهي هنا حقيقة الخيال أصبح واقع وحقيقة
تابع عبدو بتلقائية
وعندما يصبح الخيال حقيقة يجب أن ندرك أن الکاړثة قريبة
توقف فادي ونظر إليه بتعجب وهو يقول خائڤا
کاړثة أيه اللي قريبة
ضحك بصوت مرتفع ووضع يده على كتفه وهو يقول بهدوء حتى لا يثير فزعه
متقلقش ياعم كدا أصل أنا حطيت اقتباس تشويقي لروايتي الخيالية الجديدة وأنت قولت أول جملة فتلقائي لقيتني بردد
