رواية لخبطيطا الجزء الثاني الفصل السابع
انت في الصفحة 4 من 4 صفحات
بقلة حيلة ونطقت قائلة
اية ده دراسات! طيب قولى يا زفت بقى المناخ فى مصر عامل ازاى
ظل يفكر لوقت قصير ثم أجاب
مناخ مصر معتدل صيفا وحار شتاءا
طيب تمام ما هو .... أنت قولت ايه حار شتاءا!! انت شارب ايه يلا
تراجع خائڤا للخلف وهو يقول
وربنا عصير جوافة بس
رفعت حاجبيها پصدمة قائلة
بقى انتوا عاملين عصير برا وهايصين ومحدش فكر يجيبلى كوباية!
فيه عصير شيلتهولك فى التلاجة سمعيلى وهروح اجيبهولك
ابتسمت كالاطفال وربتت على رأسه قائلة
اصيل يا ابو رحاب قول بقى ايه العوامل المؤثرة فى مناخ مصر
الشمس والقمر والكواكب
رفعت حاجبيها پصدمة قائلة
الكواكب يا احمد الهى كوكب يشيلك يا بعيد كواكب اية اللى هتأثر فى مناخ مصر ياض
وقف احمد وهو يقول
بص بص الضغط بدأ يعلى اهو ايه ده استنى كدا .. أنا بسمعلك ازاى! أنت مش خلصت امتحانات من شهر ياض!
ضحك وفر هاربا إلى الخارج فوقفت اسماء وتبعته وهى تقول
بتستغل الزهايمر اللى عندى وجاى تنقطنى! خد ياض هنا امسكيه يا مامااا!
وصل كرم إلى مديرية أمن القاهرة ودلف إلى الداخل فى اتجاهه لمكتب اللواء جمال الرباعى فأوقفه الرائد يوسف المنياوى الأخ الأكبر لرحمة المنياوى وابن خالته
ضمھ كرم وصافحه ثم اعتدل قائلا
معلش يا يوسف فيه شوية حاجات كدا برتب ليها وشوية معلومات وصلتلها .. هبقى افهمك بس عرفت ان فيه مهمة النهاردة وانت طالع فقولت اجى ابلغ اللواء جمال يشركنى فى المهمة دى
سيطر الصمت قليلا حتى قطعه يوسف
ابتسم كرم ابتسامة ساخرة قائلا
من امتى وأنا مش مستعد! سيبنى اشارك فى المهمة دى .. محتاج اطلع غضبى فيها علشان مبوظش اللى بخططله
هز يوسف رأسه بعدم فهم قائلا
انا مش فاهم انت ناوى على ايه بس تمام يا رامى هبقى افهم منك بعدين
اخيرا قررت ترجع من الاجازة يا كرم أنا مبسوط انك بخير وعديت المحڼة دى على خير
الله يخليك يا باشا انا جاى لسعادتك بس علشان اطلب منك طلب
ضم اللواء جمال كفيه متسائلا
انا عايز اشارك فى مهمة المقطم النهاردة أنا عارف انها مهمة صعبة بس حضرتك قولت قبل كدا انك بتتفائل بنجاح المهمة اللى بشارك فيها وادينى بطلب منك
ابقى من ضمنها واعتبرها مهمة رجوعى للشغل تانى
ساد الصمت لبعض الوقت ثم تحدث اللواء جمال بإقتناع
تمام يا كرم خلى يوسف يفهمك كل حاجة واستعد
وقف بعد ان ارتسمت على وجهه ابتسامة خفيفة
تمام يا باشا
ثم أدى التحية العسكرية وانطلق إلى الخارج ...
اتجهت اسماء إلى غرفتها مرة أخرى وإلتقطت هاتفها فلاحظت تطبيق انستجرام الذى لم تفتحه منذ وقت طويل يصل إلى ستة أشهر فتحته واخذت تتصفح صور اصدقائها بإبتسامة حتى لاحظت وجود علامة حمراء على الرسائل فقررت الدخول لمعرفة من من أصدقائها راسلها الفترة الماضية فوجدت رسالة واحدة من شخص تعرفه تغيرت ملامحها وبدأت فى قراءة الرسالة التى كان زمن إرسالها منذ أربعة أشهر!
كان نص الرسالة غامضا وغير مفهوم أما بالنسبة لها لم تحدد فعليا هل هو غامض أم تعرف ما تقصده تلك الرسالة
خلى بالك من نفسك الفترة الجاية ده مش ټهديد بس لو وصلتلك قبل ما اموت هفهمك الحقيقة اللي وصلتلها
طبعا طبعا والله عارف إنكم مش فاهمين حاجة ومش عارفين مين كرم ولا مين اسماء وايه اللي بيحصل أهو بس لو صبرنا كام حلقة هتوضح كل حاجة وبعدين مشاهد كرم بتعرفنا الشخصية دي ووراها ايه وعلى فكرة شخصية محورية
أما عن مشاهد عبدو وحور بتتعاد ليه محدش سأل نفسه بعد آخر مشهد حصل ايه اللي تم كل حاجة هتوضح الصبر يا عالم إحنا لسة في الفصل السابع والجزء التاني 30 فصل يعني لسة بدررررري
الفصل الثامن كمان ساعة بالظبط
