رواية قلبي الأعمى كامله بقلم ندى محمد
من غير ما تبتسم كالعاده ليه معلش يا مازن تعبانه شويه
مازن طب خلاص ارتاحى شويه وعلى بالليل هاجى اخدك
سابتهم نور ودخلت اوضتها ټعيط وقررت أنها تغير كل حاجه
بعد ساعه خرجت نور من اوضتها وهى لابسه وفى قمة جمالها
نور وهى بتلبس الكوتش الو يامازن ايوا انا جهزت خلاص تمام هنزل دلوقتى
ولسه جايه تفتح باب العربيه اللى قدام زى ما متعوده لقت خطيبته قاعده جنبه فرجعت ورا بهدوء وابتسامه وسلمت عليها
نور كويسه الحمد لله اتشرفت بمعرفتك
مازن ها تحبو تروحو فين
ولسه نور جايه تتكلم قطعتها مليكه
مليكه فى مطعم يجنن ياحبيبى خدنا نتعشى هناك
مازن كدا بس انتى تؤمرى
كل دا قدام نور وهى بتحاول تتمالك نفسها وتعرف أنه خلاص بقا أمر واقع وتتعامل عادى مع اللى هى فيه
مازن ايه دا انا نسيت الفلوس فى العربيه هروح اجيبهم واجى
وخرج مازن ولسه جاى بيفتح باب العربيه اتفاجئ ب ...
يتبع
معلش ياجماعه انا غيرت اسم البطل وخليته مازن بدل ادم
البارت الثالث رواية قلبى الاعمى
ولسه جاى مازن يفتح عربيته لقى عربيه جايه بسرعه كبيره اوى ناحيته ولسه جاى يبعد بس ملحقش وبعد ثوانى مكنش حاسس مازن بأى حاجه
نور وهى بتحاول تحرك رجلها وتكدب عينيها أنه ميبقاش دا مازن اللى اتخبط وبعد ما قربت منه اتأكدت أنه هو فعلا وصړخت فى الموجودين اطلبوا الإسعاف بسرعه انتو واقفين تتفرجووو
وشالت دماغه من على الأرض وحاولت توقف الڼزيف بالشال بتاعها وبعد ماوصلت الإسعاف ركبت معاه وطول الطريق وهى بټعيط وبتدعى أنه يكون بخير
اول ما وصلو المستشفى نور وهى بتزعق فى اى حد قدامها دكتور بسرعه
جه الدكتور ودخلوه لاوضة العمليات وكل دا ونور عينيها بقت شبه الدم من العياط وهى بتبص على الاوضه وعلى الدم اللى على هدومها ودموعها نازله بدون وعى منها
اترمت على الأرض وضمت رجليها لجسمها وهى بتفتكر كل ذكرياتهم مع بعض وان مفيش يوم بيعدى من غير مشاركته ليها ولا ضحكهم
مازن لا اعمليلى اكل الاول
نور ماتروح لأمك تعملك وانا مالى
مازن ماشى يانور اتفضلى كتابك ومش عايز اكل يارب اموت
نور بعد مارمت الكتاب وجريت عليه وضړبته متقولش كدا تانى يامازن انا مقدرش اعيش من غيرك انت صاحبى
مازن خلاص اسف متعيطيش يلا بقا اعملى الأكل وانا هنزل اجيب شيبسى
مازن عارف ومصاصة ولبان للست هانم اى طلبات تانيه
نور وسكر كمان علشان نعمل شاى
مازن ياخبر ازاى والسكر موجود قدامى
نور وهى بتهدده بالسکينه ولاااا انشف كدا لأشقك
سابها مازن وطلع يجرى وهو بيضحك
فاقت نور على صوت اوضة العمليات وهى بتتفتح قامت بلهفه وسألت الدكتور نور ..نور طمنى عليه هو كويس
الدكتور احنا عملنا كل اللى نقدر عليه الباقى على ربنا الخبطه كانت شديده جدا على دماغه احنا عملنا العمليه ولسه هنحطه تحت المراقبه اربعه وعشرين ساعه لحد ما نشوف فى اثار جانبيه ولا لا
نور وهى مش قادره تمسك دموعها طب ممكن اشوفه
الدكتور مينفعش دلوقتى هو لسه مفاقش تقدرى تستنى لحد ما يفوق وتدخلى تطمنى عليه
نور پبكاء تمام شكرا يادكتور
معرفتش تعمل ايه غير أنها تقعد فى مكان وتكلم ربنا وتدعى أنه ميصحلوش اى حاجه .
فى مكان تانى وبيت شكله غريب ومليان بالكره والسواد
ادهم نفذت
المجهول اه يباشا وان شاء الله تسمع خبر مۏته الصبح
ادهم بكل كره اسمع الخبر واتأكد أنه ماټ وبعدها تعالى خد هديتك منى وقفل معاه
فى بيت مليكه
رجعت مليكه البيت
والدتها ايه يامليكه رجعتى بدرى يعنى
مليكه بكل برود اصل مازن خبطته عربيه واتنقل للمستشفى فمتعشيناش
ام مليكه پصدمه طب هو كويس وازاى تسيبيه كدا لوحده
مليكه ماما بقولك ايه انا تعبانه وكمان هو مش لوحده معاه بنت خالتو والصبح هبقى اروح اشوفه
فى المستشفى
نور بعياط شديد ايوا يااحمد مازن عمل حاډثه ودلوقتى احنا فى المستشفى
احمد بفزع وخوف انا جاى حالا انتى ف انهى مستشفى
وبعد شويه من الوقت كان احمد مع نور وبيحاول يهديها ويطمنها
عدى وقت كتير من القلق والخۏف وفجأه جه الدكتور وقال تقدرو تدخلوا تطمنو عليه هو فاق بس ياريت بلاش تخلوه يتكلم كتير علشان ميتعبش نور مستنتش الدكتور يكمل كلامه وكانت جوا الاوضه عند مازن
نور بعياط وجريت عليه مسكت أيده مازن انت كويس طمنى عليك
مازن بتعب انا كويس يانور متقلقيش
نور بقلق مغمض عينك ليه
مازن مش عارف فيها حړقان مش قادر افتحها
نور طلعت بسرعه وندهت على الدكتور علشان يدخل يشوف مازن ماله
الدكتور حاول تفتح عينك كدا
مازن وهو بيحاول يفتحها بټحرق اوى مش قادر حاسس بسكاكين فيها
الدكتور معلش حاول
مازن بعد ما فتح عينه الدنيا سوده
