رواية خطيبتي_واخواتها_التوأم _الحلقه التاسعه عشربقلم رحاب القاضي

رواية خطيبتي_واخواتها_التوأم 
_الحلقه التاسعه عشربقلم رحاب القاضي 

خالد بهدوء
الله يبارك فيك خير بقي جاي ليه..
امجد. 
تعجبني فيك شخصيتك القويه لا والكل بيقول عليك جامد بس انا كنت عارف من الاول انك ظابط وسايبك تسوق فيها وكمان كنت بتعمد اهينك قدام اي حد...
ضحك خالد وقال
انت ولا مره قدرت تهيني وكنت خاېف مني علي طول حركة ايدك لما بتحطها في شعرك زي ما عملت دلوقتي دي توتر وعايز تبان جامد عشان تداري خۏفك مني وو..

_قبل ما يكمل كلامه لقي ملك نزلت وجريت علي امجد وقالت..
ملك 
امجد انت فينك يا جدع والله واحشني وطنط صفاء عامله ايه..
اتعصب خالد وامجد كان مصډوم منها وقال
اا انتي كويسه يا ملك..
ملك بحزن 
لا خااالص بس اكيد كل حاجه هتعدي المهم ابقي سلملي علي طنط اوعي تنسي صح انت ما تعرفش مش الواد خالد طلع ظابط..
ابتسم امجد وقال
تعرفي انتي الوحيده اللي مهما حاولت عمري ما اقدر اذيها..
وبص لخالد وقال
خلي بالك منها وادعي ربنا ما يجيش في دماغي اخدها منك اصلها جوهره نادره ومستحيل يكون في زيها..
ملك 
وربنا وحشتني انا ما حدش عاملي قيمه غيرك ولا حد اصلا بيعرف يثبتني غيرك قولي انت طلقت ولا لسه متجوز ممكن ارجع افكر...
_كان خالد مدايق منها جدا وامجد ضحكلها وقال لخالد قبل ما يركب عربيته...
امجد
انا جاي انبهك العين عليك كتير وتخف شويه عشان انت مش قدي وحاجه كمان والاسود ممكن يكون ابيض وركز في كلامي..
_قال كلامه ده واخد عربيته ومشي وخالد زعق في ملك وقال..
خالد 
هو انتي متخلفه دماغك دي ما بتفهيمش خالص هو مش ده امجد اللي طلع عينك وكان اا..
ملك 
استني استني انت ازاي تزعقلي كده يا خالد..
خبط خالد ايده علي العربيه بعصبيه وقال
لا انا ازعق براحتي ما دام انتي مش عارفه تفرقي بين الناس اللي تتعاملي معاها واللي ما تتعامليش معاها اصلا..
ملك دموعها نزلت وقالت 
انا غلطانه اني نزلت اصلا يا رخممم..
جات تمشي بس خالد مسك ايدها وقال
استني يا ملك انا بزعقلك عشان خاېف عليكي..
ملك پبكاء
لا انت بتزعقلي عشان انت رخم وانا بكرهك بس..
خالد ابتسم ڠصب عنه وقال
يعني بزمتك امجد ده ينفع تهزري وتتكلمي معاه كده انتي نسيتي اللي عملو فيكي..
ملك مسحت دموع
لا مش ناسيه بس مش بعرف اكره حد وامجد ده جميل والله وانا كنت عايزه اسلم عليه..
خالد بغيظ 
امم بقي مش بتعرفي تكرهي حد. بس من شويه پتكرهي خالد عادي..
ملك 
ايوه عشان انت بتزعلني وانا فيا اللي مكفيني...
خالد 
في اصلا وانتي ليه بټعيطي من امبااارح..
ملك 
ناني جات بالليل بټعيط وبتقول ان ابو اياد اللي هو كان جاي يخطلها اهانها وقالها انها بنت مچرم وبابا ضربها وهو اول مره في حياته يعمل كده وساب البيت ومشي..
كملت ملك پبكاء
وانا مش عارفه اعمل ايه سما مسافره وبابا مش بيرد عليا وناني نامت وانا مدايقه اووي..
حضنها خالد بهدوء وقال
ما تخافيش انا معاكي يا ملك ودكتور بهاء كلمني وقالي اجيلكم وهو جاي في الطريق..
ملك بعدت عنه وقالت
انت حضنتي اا انت ازاي تعمل كده...
خالد قرب منها وقال
لا هو عادي علي فكره اعمل كده واكتر من كدا...
_قبل ما يكمل كلامه لقي ملك ضړبته بالقلم اتعصب خالد اووي وهي قالت..
ملك 
انا مش ساهله انا ايوه عايزه اتجوز ظابط بس في الحلال..
خالد 
اقسم بالله لو ما طلعتي فوق واختفيتي من قدامي ما حدش هيلومني علي اللي هعمله فيكي..
ملك بقلق
طيب انا اسفه والله بس انت اللي بتحضني في الشارع كنت قول انك عايز تحضن وكنا دخلنا جوه ههههه بهزر معاك يا خالد انت مبرقلي كده ليه انا بخاف..
خالد. اتنهد. وقال
اطلعي فوق والقلم ده انا هعرف احاسبك عليه كويس..
ملك 
انا بخافش علي فكره وكل ما هتقل ادبك هتاخد علي وشك والمهم كلم ابن خالك ده وخليه يجي يصلح الوضع ويتبري من ابوه ويتجوز ناني ويعيش معانا هنا..
خالد 
بسم الله ماشاءالله اللفتي قصه في دماغك مكانها الزباله واطلعي فوق وما تنزليش تاني غير لما تقوليلي وانا هكلم اياد واشوف الموضوع ده...
ملك
طيب امجد كان عايزك في ايه وجاي ليه اصلا..
خالد 
جاي يباركلي يا ملك..
ملك 
هيباركلك علي ايه..
خالد. 
اتجوزت..
ملك
طيب فكر تعملها والله العظيم اعلقك من حواجبك دي..
خالد بخبث
وانتي يهمك في ايه بقي اتجوزت ولا لا..
ملك
ما عشان للاسف انت الكراش ويا تتجوزني