كل إلي حكتهوله تاني ولما سألته ليه قالي هعرف كل حاجه ف الوقت المناسب وتقريبا هو محبش يعرف حاجه علشان مقلقش وقرر يجيبك لحد عندي بعد ما خدتي حريتك علشان تحكيلي كل حاجه يا ريتك عرفتي تعرفيني بكل إلي بيحصل معاك يا حبيبتي كنت وقفت جنبك وطلقتك منه منه لله حسبي الله ونعم الوكيل فيه
إهدي يا بابا علشان قلبك أنا مكنتش عارفه أوصلك خالص لإن مراد كان واخد مني موبايلي وكمان كنت خاېفه يعمل فيك حاجه لإنه طول الوقت بيبعدني عنك علشان محكلكش حاجه وأنت تعبان ومكنتش هتقدر تقف قصاده يا بابا الحمدلله ربنا جابلي حقي
بصلي بضعفأنا عارف يبنتي إني ضعيف بسبب مرضي وإنك مرضي دا هو سبب تعبك ف الدنيا وسبب كل حاجه وحشه حصلت معاك من أربع شهور وإن بسببه إتجوزتي واحد ميعرفش ربنا وكمان إتحرمتي من وجودي جنبك ف محنتك بسببه سامحيني يا بنتي !
حضنته وأنا بغمض عيني پألم من ذكريات هاجمتنيمتقولش كده يا بابا أنت وجودك ف حياتي بالدنيا كلها والله متقلقش أنا كويسة والله وبقيت كويسه أكتر لما بقيت ف حضنك كان كابوس وعدي يا بابا الحمدلله
الحمدلله
هقوم آخد شاور وأعمل الأكل علشان زين معزوم عندنا النهارده
ماشي يا حبيبتي
دخلت آخد دش سخن ومع كل نقطه مية بتنزل عليا كنت بسترجع معاه ذكري من أسوأ ذكريات حياتي وكإني بغسل همومي وقلبي من كل الأذي إلي صابه الفتره إلي فاتت ..
الحكاية كلها بدأت من ٤ شهور بالظبط أنا عيلتي كلها هي بابا ماما توفت وأنا عندي عشر سنين ومعنديش أخوات .. عيشنا أنا وبابا سوا في أمان لحد ما مره مسك قلبه جامد وهو پيتألم وبعدها وقع ف الأرض وقتها كان دا أصعب موقف أتعرض ليه ف حياتي .. كانت أول مره الخۏف يزور قلبي علشان سبب أماني ف الدنيا واقع قدامي ع الأرض مش قادر يتحرك ! ندهت الجيران وساعدوني لحد ما وصلنا بابا المستشفي وساعتها عملت تحاليل وأشعة والدكتور صدمني بمرض بابا بابا عنده القلب ! كانت دي أصعب فتره ف حياتي وقتها .. كنت كل يوم بتخيل بابا وهو بيروح من بين إيدي ! كل يوم بتخيل إن المۏت بياخده مني وأنا مش عارفه أعمله حاجه ..
كنت بنام وبصحي ع كوابيس وبدال ما أنا إلي أطمن بابا كان دايما هو إلي بيطمني لحد ما خدت فترة وإتعودت ع الوضع وفوقت لبابا أكتر بقيت أهتم بكل أكله وشربه وعلاجه وكنت ملتزمه بمواعيد العلاج بالظبط علشان أي تأخير بيحصل كان بابا بيتعب وف يوم بابا صحي من النوم وهو ماسك قلبه وإشتكي من وجعه وقتها جريت أجبله العلاج بس كان العلاج خلصان والساعه وقتها كانت تلاته الفجر ! مكنش قدامي حل وقتها غير إني أنزل وأجيب لبابا العلاج ولحسن الحظ إن ف صيدلية بعيده عن البيت شوية آه بس المهم إنها بتكون فاتحه وهقدر أجيب منها العلاج خدت الروشته ونزلت جري علشان أجيب العلاج .. الشارع كان فاضي وضلمه مفيش غير تقريبا عمود واحد إلي منور وباقي الشوارع ضلمه فشغلت الكشاف ومشيت وأنا بردد القرآن وحاطه إيدي ع قلبي من الخۏف ! بس خۏفي ع بابا كان أكبر من خۏفي من الطريق .. وصلت الصيدلية وجبت العلاج وخرجت بسرعه علشان أروح بس لقيت نفسي بتشد لورا وإيد كاتمه بؤي وتحت الإيد دي منديل وريحته كلها كانت دوا ! حاولت أقاوم كتير بس المخدر كان أقوي مني وآخر حاجه شوفتها كانت الوحمة إلي ع إيد الشخص إلي كاتم بؤي وحسيت بجسمي وهو بيقع ع الأرض ! لما صحيت لقيت كل حاجه إنتهت أنا ف مكان مقطوع لوحدي وعلاج بابا جنبي .. وحياتي إتدمرت ! عيطت كتير أوي وضميت نفسي پخوف وفضلت أصرخ وإلي زاد ۏجعي إني مشوفتش الشخص ولا أعرف عنه حاجه علشان أقدر آخد حقي ! صوتي راح من غير الصړيخ وقلبي كان هيقف من الۏجع ! إفتكرت وقتها بابا وتعبه وخدت العلاج وجريت ع البيت وأنا بقاوم الۏجع النفسي والجسدي إلي حساه .. بابا أهم دلوقتي ! وصلت البيت وأنا بحمد ربنا إن الدنيا كانت لسه بدري ولسه مفيش حد ف الشوارع ! بابا كان نايم ع الكرسي ولسه إيده ع قلبه وهنا قلبي وقع ف رجلي من الخۏف إن بابا يكون حصله حاجه ! جريت عليه وأنا بفوقه وبعيط بهستريا وخوف
بابا فوق .. بابا علشان خاطري فوق ومتسبنيش أنا خاېفه
وبدأت روحي ترجعلي لما بابا بدأ يفتح عيونه .. جريت بسرعه جبت المية وإديته العلاج وقعدت أملس ع قلبه لحد ما بدأ يفوق وقتها قعدت جنبه وعيطت عيطت خۏفي وإلي حصلي
زينة متقلقيش يا حبيبتي أنا كويس .. زينة إيه إلي عامل فيك كده
عياطي زاد وأنا حاسه كإن روحي بتطلعأنا إتدمرت يا بابا .. إتدمرت !
من اليوم دا وأنا مش بعرف أنام .. بخاف أخرج الشارع طول الوقت بكون مع بابا علشان ميتعرضش للۏجع دا تاني وخۏفي عليه ومن عدم وجوده بقي ٣ أضعاف الأول رفعلنا قضية ف القسم بس لإنهم معرفوش يوصلوا للمتهم سجلوها ضد مجهول وكنت مقهورة أوي إني معرفتش آخد حقي ! حاولت أتأقلم مع إلي حصلي وبابا كان دايما بيطمني بس كنت بفضل خاېفه ف كوابيسي .. بعد شهر مراد جه إتقدملي مكنتش عايزه أوافق بس بابا كان خاېف ليحصله حاجه وأكون لوحدي فكان حابب يطمن عليا وعلشان أطمن لإن بسبب خوفه حالته كانت بتسوء ولإني لما قعدت مع مراد إرتحتله وحسيته شخص كويس وافقت هو كان مستعجل ع الجواز وشقته كانت جاهزه فوافقت إتخطبنا شهر واحد بس .. بابا طلب مني معرفش مراد حاجه علشان هو ملوش دعوه بأي حاجه حصلت ف حياتي قبل ما يدخلها بس أنا كنت شايفه إني لازم أعرفه علشان هو من حقه يعرف حاجه زي دي حاولت كتير أقوله بس معرفتش ولما قررت إني خلاص هصارحه وطلبت منه نتقابل ف كافيه وقتها مامته تعبت وكلموه ومشي بسرعه وبعدها متقابلناش غير يوم كتب الكتاب .. وأول ما روحنا البيت وقبل ما نبدأ حياتنا سوا حبيت أصارحه بكل حاجه علشان محسش بالذنب تجاهه وعلشان هو لازم يعرف .. كان ف بالي إن رد فعله أكيد هيكون عصبي لإن دي مش حاجه سهله بس ع حسب خلفيتي عن مراد كنت فكراه شخص كويس وحنين هيتضايق شويه بس بعدين هيفهم إني مليش ذنب وكنت مجرد ضحېة .. كان ف بالي إنه هييجي بطبطب عليا علشان كل إلي عشته دا ! كنت مفكراه هياخدني ف حضنه ويطمني بدال بابا وإنه ممكن يفكر ياخدلي حقي بس لا .. حصل عكس كل دا وبدال ما يتصفني ع العالم هو وقف مع العالم ضدي ودمرني ! غمضت عيني وسمحت لكل الدموع المتكومه فيها تنزل
