رواية زينه كامله

القصه كاااامله من الاول تفااعل وتقدير للقصص الكامله احلي متابعين 
هي بالذات مستحيل !
ليه بس يا ولدي
بصيت لنفسي بعجز وغمضت عيني پألمعلشان بحب.. جصدي علشان هي جريبتي ومستحيل هي بالذات أخليها تشوفني وتعيش معايا وأنا كده !
يا ولدي زينة بتكون بنت عمك يعني هي أولي تشوفك وتراعيك وأنت إكده وبعدين إلي أنت فيه ده فتره وهيروح وهتتعالج وتبجي زين !
زعقتأنا مش محتاج حد يراعيني .. أني مش عاچز يا عمي 
أني آسف يا ولدي مجصدش زين أنت عارف زين إني تعبان وعايز زينة تكون جاري في آخر أيامي ومفيش جدامي طريقه تخليها جاري غير إنها تتچوز هنا !

لا في يا عمي .. في إنك تجولها إنك تعبان وهي وجتها هتيچي وتعيش معاك 
أمها مش هترضي يا ولدي .. أنت عارف إنها رفعت عليا جضيه علشان تاخدها مني من صغرها بعد إنفصالنا وبتخليني أشوفها كل فين وفين ولما جولتلها ع مرضي وطلبت منيها تچيب زينة تعيش معاي رفضت وبعد محاولات كتير في إقناعها وافجت تخليها معايا إسبوع بس ! أني مش عاوز زينة تعرف عن مرضي حاچه بس في نفس الوجت عايزها تفضل معايا وچنبي أشبع منيها جبل ما أموت !
بعد الشړ عليك يا عمي .. بس حتي لو أني وافجت كيف هتخلي زينة توافج
هجنعها متجلجش بس المهم أنت توافج لأچل عمك يا ولدي إعتبره طلب من راچل بينه وبين المۏت خطوة واحده ! هترفض طلب راچل بيحتضر يا ولدي
إتنهدتموافج يا عمي .. موافج 
حركت كرسي العجل بتاعي وطلعت ودخلت أوضتي ! وقفت بالكرسي قدام المرايه ورفعت إيدي وبصتلها بحسرة وهي بترتجف جامد .. نزلتها ع الكرسي ورفعت عيوني ف المراية لمحت نظرة الحزن فيهم ليهم حق يكونوا بالحزن دا .. ليهم حق يكونوا مكسورين وبيلمعوا بالدموع بالشكل دا ! 
القصة بدأت من سنين كنا عايشين كلنا في دار جدي في الصعيد عيلة بسيطه ودافيه برغم غناهم عيلتنا عبارة عن جدي الله يرحمه وأبويا وأمي وعمي ومراته وزينة بنتهم إلي أصغر مني بخمس سنين وف يوم من الأيام عمي ومراته حصل بينهم خڼاقه كبيره هما طول الوقت بيتخانقوا وبنصلح بينهم لكن الخڼاقه دي بالذات كانت كبيره لدرجة إنها وصلت للطلاق ! مراة عمي نزلت القاهره لأهلها ومعاها زينة ولما عمي طلب منها إنها تديله زينة رفضت ورفعت عليه قضية حضانه وكسبتها ومن وقتها وزينة عايشه مع أمها ف القاهره وعمي بيروح يشوفها كل فتره من شهرين عمي تعب ولما كشفنا عليه إكتشفنا إن عنده کانسر وف مرحلة متأخره وعلشان كده هو عايز زينة تفضل معاه آخر أيامه ويعوضها عن كل السنين إلي فضلت فيها بعيده عنه ! بس إنه يجوزهالي أنا ! دا إلي معملتش حسابه يمكن من سنتين كنت أبقي فرحان بقراره دا بس دلوقتي .. دلوقتي هبقي فرحان إزاي !
زينة وصلت يا زين يا ولدي 
مسحت دموعي وبصتلها بطرف عينيحاضر يا أمي إنزلي وأنا چاي وراك !
رميت نظره أخيره ع نفسي وغمضت عيوني جامد وإتنهدت .. خدت نفس عميق بستعد فيه للمواجهة المؤلمھ إلي هتحصل ! حركت الكرسي وخرجت من الأوضه ووقفت بالكرسي أول ما لمحتها بتتفرج ع الدار وهي مبتسمه وبدون أي وعي مني لقيتني ببتسم ع إبتسامتها أول ما عينها وقعت عليا بصتلي بإستغراب فقربت بالكرسي بتاعي ناحيتها وخدت نفس عميق
إذيك يا بنت عمي !
بصت لباباها بإستغراب وبعدين بصتليبنت عمك .. أنت زين
أيوه يا زينة يا بنتي دا زين ولد عمك 
إذيك يا زين
إبتسمتبخير الحمدلله وأنت
الحمدلله كويسه .. تخيل مشوفناش بعض بقالنا أد إيه
بصيت لبعيدعشر سنين .. شهرين .. إسبوع وخمس ساعات !
بصدمهإيه
إبتسمت بتوترومامتك أخبارها إيه
الحمدلله 
زينة تعالي معايا عاوزك في كلمتين 
حاضر يا بابا 
دخلوا الإتنين الأوضه وأنا وقفت بره ببص ع باب الأوضه بتوتر يا تري هتوافق بعد ما شافتني في بحالتي دي ! بعد شويه سمعت صوت زعيق جاي من الأوضه إترددت كتير إني أقرب بس مع علو صوت الزعيق قربت ناحية الأوضه
يعني إيه إلي بتقوله دا يا بابا عايزني أتجوز واحد مشلۏل يعني أنت جايبني هنا علشان تجوزني لزين ! 
يا بنتي زين مكنش كده وأنت عارفه بس هي الحاډثه إلي ...
مليش دعوه بالكلام دا أنا ليا دعوه بالنتيجة والنتيجة ف الآخر واحده وهي إن زين مشلۏل !
زعقزين مش مشلۏل يا زينة زين قاعد ع كرسي علشان أعصابه بعد الحاډثه إتأثرت هو بيقدر يحرك إيده ورجله بس مبيعرفش يمشي ع رجله ولا يمسك حاجه بإيده بسبب الرعاش إلي فيهم ودا ليه علاج بس زين رافض ياخده ويائس من حالته وأنا عايزك تتچوزيه علشان أنت إلي هتعرفي تساعديه وتهتمي بيه .. وافجي تتچوزيه لحد ما يتحسن وبعدها لو عايزه تطلقي إطلقي !
كلامك مش منطقي يا بابا يعني إيه أنا إلي هساعده وأعتني بيه