رواية زينه كامله

! يعني إيه أتجوزه ولما يتحسن أتطلق منه
يا بنتي زين زي ولدي لما كنتي مش هنا هو كان بيحاول يعوضني عن الفراغ إلي سبتيه في حياتي لما مشيتي زين رافض يتچوز لإنه شايف إن محدش هيقبل بيه وهو بالحاله دي وأنا عاوز أساعده وأردله ولو چزء صغير من وقفته چنبي مش عاوزه يكون لوحده ولما أنت توافقي تتچوزيه هو أمله في الحياه هيرچعله وهيوافق يتعالچ وهيحس إنه مش شخص معيوب ! إعمليلي الخدمه دي يا زينة إخدميني فيه زي ما هو طول الوقت بيخدمني وبيعوضني عن غيابك وبيحسسني إني أبوه ! علشان خاطري يا بنتي 
طب وماما
لو أنت وافجتي هتجدري تجنعي أمك 
إتنهدتتمام يا بابا 
كنت لسه واقف ع الباب .. مع كلمة مشلۏل حسيت إني فعلا إتشليت بس مش في جسمي في قلبي ! هي بالذات إلي مكنتش عايزها تشوفني كده هي بالذات إلي متوقعتش أسمع منها الكلمة دي هي بالذات إلي متوقعتش تعيب فيا وف مرضي علشان هي الوحيده إلي .. حبيتها ! بحبها من لما كنت صغير محتفظ بكل ذكرياتنا سوا محتفظ بكل شعور حسيته معاها من لما وعيت ع الدنيا وعرفت يعني إيه حب ! لما مشت حسيت قلبي إتيتم مبقتش عارف أعمل إيه كنت لسه صغير مكنتش فاهم أرجعها إزاي .. إترجيت أمها متخدهاش معاها بس مسمعتش كلامي وخدتها ! لما كبرت خفت أروحلها .. خفت ترفضني ! ولما إتشجعت وكنت رايحلها عملت حاډثه ووصلت لإني أقعد ع كرسي بعجل بسبب أعصابي إلي إتدمرت هو إلي فيه يعتبر شلل بس مقدرش أقول عليه شلل قاطع لإن زي ما عمي قال بقدر احرك أطرافي بس مبقدرش أقف علي رجلي ولا أمسك حاجه بإيدي علشان الرعاش إلي فيهم !
الدنيا حواليا وقفت عند كلمتها لدرجة إني مختش بالي إنهم خرجوا من الأوضه وواقفين قدامي !
زين أنا ... 
إبتسامه متردده ظهرت ع شفايفيأنا آسف إني سمعت كلامكم وكمان آسف ليك ع طلب عمي بس أنا مش موافج ع الچوازه دي إعتبري نفسك مسمعتيش حاچه ! 
سيبتهم وإتحركت بالكرسي لحد ما وصلت لباب الدار وعم سعيد البواب ساعدني أنزل بالكرسي ع السلم وخرجت قعدت ف الجنينه وأنا ببص للسما بشرود وكلامها لسه بيتردد جوايا عمي علشان ميعرفهاش بمرضي إختار طريقه تانيه وللأسف طريقته وجعتني .. لإنه لعب ع الشعور الشفقه عند زينه عليا !
ممكن أقعد معاك
بصتلها بطرف عينيآسف بس حابب أجعد لوحدي 
قعدتهعتبر نفسي مسمعتش حاجه زين أنا آسفه ع إلي قولته بس صدقني مكنش قصدي أقول كده أنا بس كنت منفعله لإني مكنتش مستوعبه كلام بابا 
مفيش داعي للأسف أنت مجولتيش حاجه غلط الغلط كان ع عمي لما طلب منك تتچوزي واحد عاچز !
ممكن متقولش كده أنا والله مقصدتش أقول كده يا زين أنا آسفه بجد وبعدين أنا أصغر منك بخمس سنين يعني إعتبرني عيله صغيره وسامحني زي ما كنت بتسامحني زمان !
بصتلها ومردتش فكملت وهي بتطلع شوكولاتايه من جيبهاطب ممكن تاخد دي وتسامحني مش هشاركك فيها زي ما كنت بعمل وأنا صغيره وهسبهالك كلها بس قولي سامحتك يا زينة برضه مش هترد طب خلاص بقي هكلم ماما وأقولها توافق ع العريس إلي متقدملي 
بغضبعريس عريس إيه دا
هو أنا مقولتلكش
لا مجولتليش
إخص عليا .. أصل بصراحه أنا جايلي عريس والمفروض كنت هقعد معاه بعد ما أرجع القاهره وكنت المفروض هرفضه لإننا هنتجوز بس أنت رفضت تتجوزني وكمان رافض تسامحني وتاخد مني الش...
خدت الشوكولاتايه من إيدها بسرعهمين جال كده أنا مسامحك من ساعتها أصلا وبعدين أنا قولت إني مش هتچوزك
آه قولت
فتحت الشوكولاتايهلا لا مش فاكر 
ضحكتولا أنا .. هات حتة شوكولاته بقي 
وه ! مش جولتي مش هتشاركيني فيها
أنا قولت كده
آه
لا لا مش فاكره 
قسمت الشوكولاتايه بينا وإدتلها جزءولا أنا فاكر 
ضحكنا وقلبي رجع ينبض بالفرح من تاني مع صوت ضحكتها ! يمكن أنا من جوايا عارف إنها موافقه تتجوزني شفقه بس بحاول أتغاضي عن الفكره دي علشان أنا بحبها وعايز فعلا أتجوزها .. عارف إن عمي طلب يجوزهالي علشانه هو بس ف نفس الوقت أنا من جوايا بشكره ع الطلب دا علشان لولاه مكنتش هعرف أتجوزها خصوصا في حالتي دي !
ها يا زينة عملتي إيه مع مامتك
إتنهدتماما جايه يا بابا
چايه فين
جايه الصعيد علشان تاخدني لإنها مش موافقه ع الجوازه دي !
طب وهنعمل إيه
بابا إبعت هات المأذون أنا وزين هنتجوز دلوقتي
متأكده
أيوه يا بابا 
ليه بتعملي كده يا زينة
مش عارفه يا بابا صدقني مش عارفه بس زين إبن عمي وأنا عايزه أساعده طالما وجودي في حياته هيساعده كمان ماما عايزه تجوزني لإبن أختها وأنا مش عايزاه وبجوازي من زين همنع جوازتي منه يعني الجوازه دي كلنا مستفيدين منها 
إستغربت إن عمي فجأه قالي إن أنا وزينة هنتجوز النهارده ! ملحقتش أسأله عن إلي حصل لإنه مشي