رواية زينه كامله
ما بمسك المعلقه بتقعد ثواني ف إيدي وتقع تاني بس بحاول وبمسكها تاني لحد ما مسكتها وثبتت في إيدي نزلتها بالراحه في طبق الرز وطلعت بيها بكام حبايه ورفتعها بهدوء ناحية بؤي ولأول مره أنجح ولأول مره أقدر أستخدم إيدي !
بفرحةزين .. أنت قدرت تمسك المعلقه وتاكل لوحدك زين أنت نجحت
حضنتيأنا مبسوطه أوي
رفعت إيدي بالراحه وحضنتها وقدرت ! والإنجاز دا كان بالنسبالي أحلي وأكبر من إنجاز إني مسكت المعلقه وكلت لوحدي !
إبتسمت وأنا بأكد ع كلامها بفرحة أكبر من فرحتهاأنا حضنتك .. أنا حضنتك يا زينة !
الأيام بتعدي بمرها وحلوها المهم إنها معايا ماسكه إيدي طول الوقت وبنخطي كل خطواتنا سوا
يلا يا زين العلاج
حاضر
ساعدتني آخد العلاج وأطرافي بقيت أقدر أحركهم بنسبة كبيره صح الرعشه لسه موجوده بس خفيفه بالنسبه للأول زينة جهزت فشار وقعدنا ف الصاله ع الكنبه قدام التلفزيون .. العلاج دا بالذات بحسه بيتقل دماغي وبيخليني عايز أنام بس بالرغم من دا بحاول أفضل صاحي معاها لحد ما النوم يغلبني وهي جنبي
محتاج حاجه
محتاچك .. جربي
قربت لحد ما بقت جنبي ع الكنبه فسندت راسي ع كتفها وهي كالعاده ضمتني بإيدها وبالإيد التانيه كانت بتعلب في شعري وروحت في النوم !
بنومزينة !
إمممم
خدت إيدها وحطتها ع قلبيخليك معايا إوعي تسبيني .. خليك هنا !
أنا دايما معاك يا زين
زينة
أيوه
أول ما قال الكلمة دي إيدي ف شعره وقفت وأنفاسي وقفت لثواني وقلبي كان بيدق پعنف ! بصيت عليه علشان أتأكد من الكلمه بس كان نايم .. يعني هو قال كده في نومه طب يا تري يقصدها ولا بيهلوس ف نومه .. معرفش بس الكلمة لمست روحي ولقيت نفسي بضمھ ليا أكتر وبغمض عيني وأنا رضا العالم كله في قلبي !
جاهز للجلسه
هنفطر الأول وبعدين ننزل
دخلت المطبخ تجيب الفطار وحطته ع السفره وفي نص الأكل قامت دخلت المطبخ وطلعت ومعاها طبق حطيته قدامي بإبتسامه وشاورتلي براسها علشان أكشف الغطا من ع الطبق .. شيلت الغطا لقيت الطبق مكتوب عليه بالكاتشب أنت تقدر بصتلها وإبتسمت وأنا مش مستغرب حركتها هي طول الوقت بتحاول تشجعني بكل الطرق إلي تقدر عليها
بصيت لزينة وإبتسمتعلشان هي معايا
إبتسمربنا يديمكم لبعض .. يلا نبدأ الجلسه
خلصنا الجلسه وروحنا للدكتور المتابع حالتي وقال إن حالتي تحسنت بشكل كبير وإني أمشي ع العلاج كمان فتره علشان الرعشه تختفي خالص وبالنسبه للجلسات فممكن أوقفها وأعمل تمارين عادية في البيت وبصراحه حبيت الموضوع دا علشان كنت زهقت من كتر الجلسات !
إبتسمتدانا ع كده أبقي مش هكون عاوز أتحسن خالص
لا لازم تتحسن علشان تثبت شطارتي
والله يا بنتي مانتي محتاجه إثباتات دانتي خطفتي قلبي ولا أجدعها حرامية
ضحكتأنا مش عارفه دا مدح ولا ذم بس عجبني يلا نبدأ الجلسه ونعمل التمارين سوا
وإيه هو التمارين
أول حاجه هندخل المطبخ .. هتعملها شاي ودا أول تمارين !
تمارين إيه دا
بثقهدا من إختراعي .. لازم تتعود تمسك الحاجات من غير ما إيدك تترعش ولا يقعوا منها ولازم تتعود تمشي من غير ما تسند ع حاجه أنت خدت جلسات طبيعيه بما فيه الكفايه دلوقتي هتاخد الجلسات بتاعتي أنا بقي
ضحكت وأنا بمشي بالراحه ناحية المطبخإسترها علينا يا رب إحنا غلابه
براڤو يا زين مسكتك للكوبايه كده براڤو حاول تفضل ماسكها لوقت أكبر وحاول تقبض عليها بإيدك الإتنين علشان تتحكم ف رعشتك
الكوبايه كانت هتفلت مني بس هي جرت ولحقتها قبل ما تقعحصل خير بس دا تقدم ملحوظ .. يلا كمل الشاي
بقينا كل يوم نتساعد ف شغا البيت والطبخ والمواعين وحتي ف عمايل الشاي بقيت بستخدم أطرافي بشكل كبير وبقيت فعلا حاسس بتقدم كبير أوي بقيت بعرف أمشي وأمسك الحاجات بشكل كويس والرعشه تقريبا إختفت
كده أقدر أقول إن أستاذ زين تعافي بشكل كامل .. ألف مبروك
بصينا لبعض وإبتسمنا .. روحنا الشقه وكل شويه بنبص لبعض ونبتسم ! من الفرحه مش عارفين المفروض نعمل إيه وقفت قدام المراية وجنبي الكرسي إلي بقاله سنتين شايلني ! ببص ع أطرافي وبحركهم ف كل إتجاه بفرحة طفل صغير في بداية تعلمه للمشي ! بصيتلها وهي واقفه سانده ع الباب وبتتأملني في صمت
أنا بجيت كويس .. بجيت بعرف أحرك چسمي كله أنا بجيت بتحرك
إبتسمتأنت كنت سيد الرجال وأنت ع الكرسي ودلوقتي ما زلت برضه سيد الرجال ونظرتي ليك سواء ف بداية جوازنا أو دلوقتي متغيرتش يا زين عمر قعادك ع الكرسي ما خلاني أشوفك بنظرة أقل أنت طول الوقت كنت كبير ف نظري
جريت عليه وحضنتها بكل جوارحي كنت حاسس إني محتاج أدخلها جوا ضلوعي وأخبيها جواياأنا من ساعة ما غيبتي عن عيني ومامتك خدتك مننا وأنا نفسي أحضنك الحضن دا ! وساعة ما إتجوزنا كان كل هدفي ف إني
