رواية أنا اللى هتبرعله بالكليه
ما بصيت لقيته أدهم
ايه مش هتخليني أقعد ولا ايه
قومت من مكاني خالص وقولتله
ماما رنت عليا وعاوزاني دلوقتي حالا
وبعدها جريت زي الهبلة وكل اما أبص ورايا ألاقيه مېت من الضحك
والحمد لله وصلت البيت على خير .
وأول ما وصلت فتحت نت لقيته باعتلي أول ما توصلي طمنيني عليكي
رديت عليه وصلت
وقعدنا نتكلم كتير جدا بردوا وحصلت مواقف كتير بينا في الكلية وبدأت أحبه أكتر وأكتر وكنت بحس من ناحيته بردوا إنه بدأ يحبني بغض النظر إنى كنت مستغربة من تقربنا من بعض في فترة صغيرة كدا بس دا كان حلمي ودلوقتي اتحقق.
كلهم قاموا فجأة واتحججوا إن وراهم محاضرات
وبقيت أنا وأدهم لوحدنا
إحم إحم
إيه !
إيه انتى
إيه انت
بحبك
قلبي وقف أول ما سمعته بيقولي كدا ومكنتش مصدقه
بتقول ايه
بقولك بحبك و حابب أسمعها منك انتى كمان وصدقيني أنا كلمت أمي وكلها يومين وهاجي أخطبك بس لازم أعرف مشاعرك ناحيتي
قوليها يا نوور
مكنتش عارف أطلعها كأن لساني وقف
أن ... أنا
بسيطة والله مش محتاجة دا كله ! قولي أنا بحبك يا أدهم
أن...أنا ب.. بحب ...ك يا أدهم
قولت كدا وبعدها رجعت البيت بسرعة وانا ھموت من الفرحة وقلبي بيتنطط من مكانه
قعدت حوالي ساعتين مش مصدقه وبعدها فتحت نت
حاولت أرن عليه فونه مغلق قلقت عليه جدا وكنت هسأل يارا عليه بس لقيتها قافلة هي كمان
مفهمتش حاجة واليوم عدي بصعوبة وكمان منمتش من خۏفي
ولما النهار طلع لبست وروحت الكلية
وأول ما وصلت لقيت كل اللى يشوفني يبصلي بصات غريبة وبعدين يضحك
لحد ما في واحد قرب مني وقالي
قوليلي بحبك يا عمر كدا
وبعدين قعد يضحك هو وصحابه
سبته ومشيت وبعدها لقيت يارا في وشي
متعرفيش أدهم فين
لقيت صوته جاي من ورايا
أنا هنا
أدهم هو فيه ايه
هقولك كل حاجة بعد ما تسمعي الفيديو ده
فتح فونه ولقيت نفسي متسجلي فيديو وانا بقوله إني بحبه
اڼصدمت جدا من اللى قاله ومفهمتش حاجة
أكيد مش فاهمه حاجة صح أنا هفهمك أكيد طبعا إنتي عارفه إني كنت عامل عملية زراعة كبد ومعرفش مين اللى اتبرعلي بس والدتي تعرف واللى قدرت تقولهولي إن اللى اتبرعلي بنت من الكلية بتاعتي ساعتها قعدت أدور ع البنت دي عشان أشكرها بس معرفتهاش ولما شوفتك وانتى رايحه الكلية وشكلك تعبانه جه في بالي إنها ممكن تكون انتي وخصوصا لما لقيتك مركزة معايا في الكافتيريا تاني يوم أنا كنت مفكرك شخص كويس بس الحمد لله اني عرفتك على حقيقتك يارا قالتلي انك بتلعبي بالشباب وكل شوية توقعي واحد عشان الفلوس في الاول مصدقتش بس لما شوفت واحد بيترجاكي وبيعيط عشان ترجعيله بره الكافتيريا اتأكدت من اللى قالتلهولى وقررت اني لازم أوقفك عند حدك وأديكي درس متنسيهوش طول عمرك ودا اللى حصل وحاجة كمان أنا قلبت المستشفي عشان أعرف الشخص اللى اتبرعلي والحمد لله عرفته كانت جمبي دايما ومكنتش واخد بالي منها أكيد طبعا عرفاها يارا صاحبتي الوحيدة وبنت عمي
بصتله وأنا عيوني مليانه دموع وبعدها مشيت والكلية كلها عنيها عليا .
رجعت البيت وغبت أسبوع مبخرجش ومبتكلمش مع حد ونفسيتي كانت متدمرة
وطلبت من بابا إنه يحجزلي تذكرة لواشنطن عشان نفسي أشوف أمنية وفهمته اني هتابع محاضراتي ع النت .
مقدرش يرفض لأنه كان شايف الحالة اللى أنا وصلتلها
وبعدها بيومين سافرت وأمنية حاولت تخرجني من الحالة اللى أنا فيها بكل الطرق بس اللى حصلي كان صعب جدا ۏجع قلبي كان ملازمني وحتي النفس اللى بتنفسه كان بيوجعني كنت كل يوم بتمني المۏت بسبب اللى عمله فيا أنا مستحيل أسامحه .
