رواية -يعني هو دا إلي عايزاني أتجوزه !

يعني هو دا إلي عايزاني أتجوزه !
قولت الجملة بتريقه خفيت عليها ما هو أصل مش معقول الكلام إلي بتقوله دا عايزه تجوزني لطفل ! أقصد شاب متنكر في صورة طفل !
أيوه هو 
بس دا هتجوزه إزاي
هتتجوزيه بتوكيل من باباه كان عامل حسابه إنه هيسافر وإن باباه إلي هينقيله العروسه وهيتجوزها بتوكيله لباباه وبعدين العروسه هتسافرله بس حصل إلي حصل ومسافرش بس كان عمل لباباه التوكيل بالفعل وطلب منه ينقيله هو العروسه !

مش قصدي .. قصدي إنه ..
قاطعتني تعبان مش كده ! ودا إلي أنا قولتهولك من وقت ما شوفتك قولتلك إنه تعبان ومفكر نفسه طفل ولازم تتعاملي معاه بطريقه معينه ! ومتنسيش إني لسه مطلعاك من مصېبه ودا المقابل إلي أنا طلباه منك إنك تتجوزيه وتعتني بيه ! ومتقلقيش كل طلباتك مجابه وكمان طول ما أنت بتعتني بيه هديك فلوس مقابل دا ! موافقه ولا أشوف غيرك
رديت بسرعهموافقه طبعا 
كان لازم أوافق علشان أعرف أعيش واحده فقيره زيي إزاي هترفض إنها تعيش ف ڤيلا كبيره زي دي ! إزاي هترفض عرض مبهر ومغري زي إلي متقدملي دا !  
الحكايه بدأت معايا من سنة بالظبط سنه طويله حزينة تعادل سنين كتير أوي شابة عايشه وسط أهلها ومتحاوطه بطيفهم وفجأه الطيف يختفي والمكان إلي بيجمعنا يتهد والدنيا بعد ما كانت ألوان تتحول للون إسود باهت وكئيب !
كنت عايشه مع أهلي مبسوطين وصحيح كنا ع أد حالنا لكن كانت مستوره وكنا عايشين بكرم ربنا وحمدينه دايما لحد ما حصل إلي مكنش ف الحسبان !
بابا ټوفي ف شغله بفعل حاډثه وبعده بشهرين بالظبط ماما حصلته ! وبقيت ف الدنيا لوحدي ولإن لما أمانك من الدنيا بيختفي وسندك يروح والدفا إلي كنت عايش فيه يتحول لتلج بياكل ف عضمك فبدأت الدنيا تخبط فيا من كل إتجاه مبقتش عارفه ألاحق ع المصاېب إلي كانت بتقع فوق راسي لدرجة إني ملحقتش أحزن ع مۏت أهلي !
بيتنا جاله قرار إزاله علشان مبني ف مكان تبع الحكومه مش فاهمه إزاي لسه فاكرين يكتشفوا دا دلوقتي ! وبعدها لقيت نفسي مشرده ف الشارع لا ليا حد أروحله ولا ليا ظهر أتسند عليه مليش غير ربنا وهو أكيد أحسن من أي حد تاني ! بدأت أدور ع شغل وملقتش بطني كانت بتشتك من قلة الأكل والدنيا إتقفلت ف وشي بمليون ترباس لحد ما قابلت الست إلي جابتني هنا ! كانت واقفه ف محل بتشتري حاجه وللحظ كان بكها ظاهر من الشنطه الشيطان غواني ومحستش بنفسي غير وأنا بشده علشان آخد منه قرشين أجيب بيهم أكل وبعدين أرجعهولها تاني ع أساس وقع منها ! بس لسوء الحظ المحل كان فيه كاميرات مراقبه وإتقفشت بسرعه قبل حتي ما ألحق أفتح البك وصاحب المحل كان مصمم يسلمني للشرطه عيطت كتير وإترجيته ميعملش كده مكنتش عارفه أوصله الحاله إلي أنا فيه إزاي ! إزاي أقدر أفهمه إلي الدنيا عملته معايا وإني مش حراميه بس .. بس جعانه ومغلوبه ع أمري ! إزاي أفهمه قسۏة الدنيا ع واحده زيي لسه يدوبك بتفتح عيونها ع الدنيا والدنيا بكل بجاحه عميتها !
وقصاد رجائي الست إلي سرقتها رفضت تقدم بلاغ ضدي ونهت الموضوع من ناحيتها بس كان عندها مقابل لدا !
أنت لازم تتجوزي إبن أخويا !
پصدمة أتجوزه
أيوه 
بس أنتم شكلكم ناس أكابر وأكيد أي بنت نفسها تتجوزه لكن أنا .. أنا منفعكوش !
للأسف مفيش حد قابل بيه لأنه...
لأنه إيه
لأنه طفل 
پصدمة أكبرطفل عايزاني أتجوز طفل
مش طفل بمعني الكلمة هو شاب كبير بس بعقل طفل 
أنا آسفه بس أنا مش فاهمه !
هو شاب وعنده 25 سنه بس حصله صدمة ما وعقله بقي عقل أطفال وهو دلوقتي مفكر إنه عنده 8سنين مش 25
آه فهمت وأنا المطلوب مني أتجوزه
بالظبط ودا مقابل إني خرجتك من المشكله إلي وقعتي فيها من شويه ولا عايزاني أروح وأقدم شكوي !
بس أنا مش حراميه والله كل الحكايه إن الدنيا جت عليا زياده و..
مش مهم كل دا دلوقتي موافقه ولا أروح أقدم الشكوي 
رديت بسرعه وقلة حيلةموافقه خلاص هتجوزه !
خدتني معاها البيت وإتصدمت من إلي شوفته شاب كبير وقاعد ف الصاله بيلعب بألعاب طفل عنده 4سنين !  
الوضع كان صعب والموضوع ميدخلش عقل حد بس أنا مغلوبه ع أمري  
يعني كنت مشرده ومعنديش بيت ولا معايا فلوس وجعانه وبنام ف كل مدخل بيت يوم ودلوقتي إتوفرلي إني أعيش ف ڤيلا ويبقي ليا مرتب وآكل وأشرب ببلاش هقول لا  
أنا عمري ما كنت طماعه بس الدنيا أوقات بتفرض علينا حاجات عمرنا ما عملنا حسابها أبدا والظروف الوحشه بتخلي الإنسان يخرج عن مبادئه ويمد إيده والأسوأ من الظروف البشر .. مبيرحموش تبقي نفسك تاكل وتعيش بالحلال وتروح تدور ع شغل بس كلهم يقفلوا بيبانهم ف وشك محدش بيشوف