- وانتى بقا ، مين المعاقة اللى انتى مصحبهالي دي ؟

ماما
يلا عشان تروحي الكلية
مش هروح النهاردة
ليه 
حاسه إني تعبانه ومش هعرف أركز فهنزل النادى شوية
ماشي يابنتي براحتك
صحيت اتوضيت وصليت وبعدها غيرت هدومي وآخدت كتبي ونزلت النادى
قاعده تقري ولا على بالك !
أفندم 
دا أنا خدت حتة علقة بسببك منك لله يا شيخة ربنا ع الظالم ...
إنت !
أه أنا واعملي نفسك مش فكراني كمان
عاوز ايه يعني
عاوز حقي
شايفني سينما !
هه ظريفة
طب ايه رأيك تمشي من هنا 
وإلا
عليت صوتي وقولتله 
وإلا أصوت وألم عليك الناس
لا يا ماما اوعي تفكري نفسك هتخوفيني مش همشي من هنا غير لما تعتذرى
الكابتن في النادى قرب مننا 
في حاحة يا آنسة ! صوتكوا عالي
الأستاذ ....
قطع عليا كلامي وهو شكله مړعوپ 
قصدها تقولك الأستاذ اللى هو أنا كان بيسألها علي مكان وهي ربنا يحميها وصفتهوله
قال كدا وبعدين مشي وكمان الكابتن إستأذن وراح لشغله
جبان !
هو مين دا اللى جبان
شكلك مش هتمشي من هنا غير بعلقة زي اللى فاتت
قرب مني وقالي 
انتى ليه ظالمه كدا 
اتوترت جدا وبعدين قولتله 
هاااه
بقولك شكلك حلو أوى
وخصوصا وإنتي مبلولة
غرقني بإزازة المايه اللى في ايده وقعد يجري وهو بيقولي  
واحده بواحده كدا اتعادلنا
كنت ھموت من الغيظ واحد قليل ذوق روحت البيت وأنا عفاريت الدنيا بتتنطط في وشي
مالك يابنتي مين اللى غرقك كدا
واحد قليل ذوق ومش متربي
سمعت صوت من ورايا بيقول 
هو مين الۏحش ده !
انت تاني
تخيلي !
ماما ازاى تدخلي الكائن دا هنا !
دا أدهم
أدهم مين
السالمي
أول ما سمعت أدهم السالمي فرحت جدا أدهم كان صديق طفولتي بس سافر لتركيا هو وأهله من زمان جدا ومن ساعتها معرفش حاجة عنه صحيح كان في تواصل بين أهلي وأهله بس كان بسيط جدا 
معقووولة أدهمممممممم انت من امتي هنا
لسه واصل من يومين
بجد طب مقولتش ليه انك ادهم لما شوفتك يا صفيق 
كان لازم أحط التاتش بتاعي
والنبي ياخويا
أيوا
ماشي بس حكاية المايه دي هتتردلك
وانا موافق ياستي
قعدنا نتكلم كتير جدا ونسترجع ذكرياتنا سوا وكانت أول مرة أضحك بالشكل ده من سنين هو فعلا بيعرف يدخل الفرحة لقلبي .
أدهم دايما كان واخد جزء من تفكيري صحيح مش كتير بس كنت دايما فكراه لأنه لحد دلوقتي عمره ما حسسني إني عاجزة وإني ناقصني حاجة دايما كان بيسندني وهو بيضحك ودايما كان بيحببني في نفسي فكان أستاهل إني أحبه .
الأيام كانت بتعدي وأدهم كانت زيارته بتكتر وفي نفس الوقت مكانته في قلبي بتكبر مش عارفه هو بيبادلني نفس الشهور ولا لأ بس كفاية إن مشاعري