- وانتى بقا ، مين المعاقة اللى انتى مصحبهالي دي ؟

دي بتخليني مبسوطة .
رن عليا في يوم وقالي إنه عاوز يقابلني عشان يقولي حاجة مهمه وكمان طلب مني إني ألبس الفستان الأزرق لأنه بيحبه الصراحه منكرش انى فرحت كنت بحب اهتمامه وبحب كلامه وهزاره وكل حاجة ليها علاقة بيه حتي إني بعد اتصاله ده اعتقدت إنه ممكن يعترفلي ان هو كمان بيحبني المهم لبست الفستان ووصلت المكان ع الوقت اللي اتفقنا عليه استنيته كتير جدا حوالى ساعتين ولسه مجاش وكل اما ارن عليه يقفل الخط في وشي مفهمتش حاجة بس لقيته باعتلي ماسج بيقولي فيها مش هقدر أقابلك دلوقتي ارجعي البيت وهنتكلم بعدين  
زعلت جدا وكمان قلقلت ايه اللى ممكن يحصل يخليه يلغي مقابلتنا كدا  
غبت حوالى أسبوع مسمعش عنه حاجة مبيردش على رسايلي ولا اتصالاتي 
هو بيعمل كدا ليه وعاوز يوصل لايه بالظبط معرفش بس أكيد في حاجة غلط 
طلعت ع البحر عشان كنت مخڼوقة جدا وحابه اقرا كتاب وانا بشم هوا نضيف بس لما وصلت حصل اللى عمرى ما اتوقعته 
شوفت أدهم ماسك ايد بنت وماشين بيضحكوا ومبسوطين جدا فكرت نفسي بتخيل بس لما قربت منهم اتأكدت انهم حقيقة وأول ما أدهم شافني حسيته اتوتر وبعدها قالي 
غفران ازيك
مقدرتش أمنع دموعي انها تنزل 
مين دي 
مالك في ايه دي نورهان خطيبتي
خطيبتك !! 
اهم مين البنت المعاقه دي 
الكلمة وقعت زي الصاعقة على قلبي وقررت إني لازم أنسحب بهدوء وأمشي من غير ما أعمل أي حاجه عشان كدا قولتله ألف مبروك 
وكنت لسه همشي لقيته مسك ايدي وشدني بعيد عن اللى قال عليها خطيبته دي
سيب ايدي في ايه 
غفران أنا آسف
متكلمتش واستنيته يقول كل اللى عنده 
أنا عارف انى كلامي ممكن يجرحك جدا بس لازم تعرفي اني مكنتش بخدعك أنا كنت بحبك وكنت هعرض عليكي الجواز في اليوم اللى قولتلك تنزليلي فيه بس ..
بس ايه .... كمل
أنا عارف إنك مخترتيش إن رجلك تتقطع وعارف إنه مش ذنبك بس صدقيني في اليوم دا صحابي أحرجوني جدا كانوا بيتريقوا عليا وعلى اختياري وانا مقدرش أعيش بالتعلقيات دي طول حياتي وأسبب أذي لنفسي وليكي عشان كدا انسحبت بهدوء
قعدت أضحك وأعيط في نفس الوقت وأقوله 
مش عاوز تسببلي أذي هه انت سببتلي أكبر أذي انا كان عندي شوية امل ان ربنا هيرزقنا بشخص كويس يراعيني ولما انت جيت أملي دا زاد أضعاف بس في لحظة واحدة انتى رجعت آخدته كله يا أدهم حتي الشوية اللى كانوا عندي سرقتهم هما كمان عارف أنا حاسه بايه دلوقتي حاسه إن قلبي اتدشدش ومستحيل يتصلح تاني
مشيت وسبته وانا مش حاسه بأي حاجه لا بالناس ولا بنظراتهم ولا برجلي حتي . 
أدهم اتجوز وكمل حياته وهو
مبسوط 
وأنا عيشت طول حياتي في مصحة نفسية أتعالج فيها بسبب غلط مش غلطي بسبب مجتمع بيعاملني إني شخص أقل بسبب نظرات الناس اللى بتقولي انتي مش طبيعية .
أنا النهاردة جايه أوجه كلمة لمجتمعي وأقوله أحسنت نجحت في تحطيمي وتحطيم أمثالي ...
الخلاصة بلاش تئذوا مشاعر الناس بنظراتكوا وبلاش الأهل يئذوا أولادهم بالكلام وأي حد ربنا ابتلاه لازم يصبر لأن ربنا سبحانه وتعالى إذا أحب عبدا ابتلاه والإبتلاء من ميراث النبوة انتوا special ومكانتكوا عند ربنا عظيمة أوي تخيلوا يوم القيامة لما المنادى ينادي ويقول أين أهل صبر فتنطلقون إلي الجنة فيتلاقكم الملائكة فيقولون إنا نراكم سراعا إلي الجنة فتقولون نحن أهل الصبر فتقول الملائكة ادخلوا الجنة أظن إن مفيش جزاء أعظم من كدا ! 
نحن_نشعر_أيضا