قصه رووووعه كامله
انت في الصفحة 4 من 4 صفحات
عليها أفضل واحد اشتغل السنادى
بجد ! ان شاء الله هتكون من نصيبك انت اشتغلت كويس جدا وأنا هدعيلك وانا بصلي
بس الدعا لوحده مش كفاية
قصدك ايه !
عاوزك تكلمي أدهم وتخليه يختارني أنا
أدهم مين
انت عارفه أدهم مين بلاش تلفي وتدوري
وأدهم ماله بالموضوع ده
ما أدهم مدير الشركة
وانت عاوز تخلي مراتك تتكلم مع واحد غريب عشان أطماعك
وانتى مفكراني بدلع فيكي بقالي اسبوع ليه عشان خاطر سواد عيونك هتكلميه ڠصب عنك
مش مكلماه يا حاتم واللى عاوز تعمله اعمله
ضړبني كذا قلم على وشي وكمان شوية وكنت ھموت على ايده لولا جرس الباب رن
حاتم فتح من غير ما يسأل حتي مين كنت مرميه ع الأرض ومش حاسه بأي حاجة وآخر حاجة شوفتها صورة بابا وهو بيحاول يفوقني
كدا يابنتي تستحملي دا كله ومتجربيش تقوليلي !
مكنتش عاوزاك تزعل يابابا
وأنا دلوقتي مش زعلان أصعب حاجة ع الأب انه يشوف بنته في الحالة دي بس مټخافيش والله لأجبلك حقك وهيطلقك ڠصب عنه
حضنته وانا بعيط وغبت حوالى نص ساعه ع الحال ده كنت محتاجه الحضن دا من زمان عشان اطلع كل اللى جوايا
وبعد ما اتطلقت ب 3 شهور بالظبط كنت قاعده في أوضتي لما لقيت بابا بيناديلي
خرجت لقيت أدهم وبابا ومعاهم مأذون
في ايه !
بابا رد عليا
أدهم جالي قبل ما يسافر بكام يوم وقالي انكوا كنتوا بتحبوا بعض وانك ضحيتي بحياتك عشاني زعلت جدا من نفسي لانى فرقت بينكوا وانك اتجوزتي خلاص ومبقاش في فرصة انكوا ترجعوا كنت فاقد الامل وقولت خلاص اكيد هتحبي حاتم بس لما لقيتك بتجيلي كل أسبوع بوشك اللى عليه آثار ضړب عرفت علطول انه هو اللي عمل فيكي كدا استنيت سنة قولت يمكن يتغير بس محصلش ودا اللى خلاني اتصل بأدهم
بصيت لأدهم وبعدين قربت منه خطوات وأنا بقوله
بس انت تستاهل حد أحسن مني
لو لفيت العالم كله مش هلاقي أحسن منك
ازاى لحد دلوقتي متمسك بيا
عشان قولتلك قبل كدا انك نصيبي ومحدش يقدر يهرب من نصيبه
وإن فرقتنا الدروب ما كتب سيحدث
أنا لك وأنت لي
الحب النقي دا أجمل حاجة ممكن تقابلها الشخص اللى بيفضل متمسك بيك رغم كل اللى حصل معاك ورغم عيوبك هو اللى يستاهل انك تختاره من بين الملايين الحكاية مش بتنقاس بالكلام الحلو والمواقف البسيطة بتنقاس بالوقت اللى بتحتاجه فيه وبتلاقيه جمبك من غير ما تقول .
وإن_تآخر_سيظل_نصيبي
